Senbi, 8 Tamız 2020
COVID-19 QAZAQSTANDA. Jwqtırğandar — 97829. Jazılğandar — 71609. Qaytıs bolğandar — 1058
1220 2 pikir 10 Şilde, 2020 sağat 10:54

AQŞ Qıtay şeneunikterine qarsı sankciya saldı

Qwrama Ştattar wyğırlar qwqığınıñ bwzıluına sebepşi bolğan degen Qıtaydıñ joğarğı lauazımdı tört şeneunigine sankciya saldı. Şekteu Magnitskiy aktisi ayasında engizilgen. Bwl jöninde AQŞ qarjı ministrligi mälimdedi.

Sankciyağa säykes, Qıtaydıñ Şıñjañ aymağınıñ gubernatorı Çen Cyuan'goğa, aymaqtıñ sayasi jäne zañ komitetiniñ bwrınğı basşısı Zu Haylunğa, qauipsizdik salası jetekşisi Van Mingşenge jäne Şıñjañnıñ qauipsizdigin baqılağan bwrınğı jetekşisi Huo Luçyunğa Qwrama Ştattarğa viza berilmeydi. Olardıñ AQŞ-tağı mal-mülki qamauğa qoyıladı.

Prezident Donal'd Tramp Qıtaydıñ Şıñjañ-Wyğır avtonomdı aymağındağı mwsılmandardıñ quğındaluına baylanıstı joğarğı qızmettegi şeneunikterge sankciya saluğa mümkindik beretin zañ jobasına qol qoyğan.

Halıqaralıq qwqıq qorğau wyımdarı men birqatar Batıs elderi Qıtay biligi Şıñjañdağı wyğır, qazaq jäne qırğız siyaqtı islam dinin wstanatının etnostıq toptardı "sayasi tärbie lagerlerine" negizsiz qamap otırğanın aytıp keledi. Osığan deyin Qıtaydan kelgen ondağan qazaq jäne qırğız Şıñjañdağı tuıstarı lagerlerde qamalıp jatqanın aytıp, bilikten kömek swrağan.

Qıtay biligi Şıñjañ twrğındarı dini jäne sayasi közqarası üşin quğındalıp jatqanın teriske şığarıp, lagerler tek jaña käsipke üyretu ortalığı dep keledi.

Abai.kz

2 pikir