Ázerbayjan Respublikasynyng syrtqy sayasy vedomstvosynyng mәlimetinshe, Ázerbayjan men Armeniya 18 qazan jergilikti uaqytpen saghat 00:00 bastap atysty gumanitarlyq maqsatta toqtatu jóninde kelisimge keldi.

Búl sheshim EQYÚ Minsk tobynyng qosalqy tóraghalary - Fransiya, Resey jәne Amerika Qúrama Shtattary preziydentterining 1 qazandaghy mәlimdemesinen keyin, sonymen qatar 5 qazandaghy EQYÚ Minsk tobynyng jәne 10 qazandaghy Mәskeu mәlimdemesinen keyin qabyldandy.

Ázerbayjannyng syrtqy ister ministrligi baspasóz qyzmetining basshysy Leyla Abdullaeva jergilikti telearnagha bergen súhbatynda atysty gumanitarlyq toqtatudaghy maqsat - marqúm bolghan әzerbayjan әskeriylerining jәne qarsy tarap adamdarynyng denesin maydan alanynan alyp ketu, sonday-aq tútqyndarmen almasu ekenin aitty. Onyng sózinshe, búl kelisimning qay uaqytqa deyin sozylatyny belgisiz.

17 qazanda Ázerbayjan syrtqy sayasy vedomstvosynyng basshysy D. Bayramov reseylik jәne týrik әriptesterimen telefon arqyly sóilesti. Ángime barysynda ol atysty toqtatu rejiyminen keyin de Gyanja qalasynyng ekinshi mәrte zymyranmen atqylanghanyn jetkizdi. Ol aimaqtaghy jaghday boyynsha әriptesterimen pikir almasty.

Armenpress agenttigining habarlauynsha, Armeniya syrtqy ister ministrligining baspasóz hatshysy Anna Nagdalyan da atalghan gumanitarlyq kelisim jayynda sóz qozghaghan.

«Biz osy kelisim arqyly 10 qazan kýni Mәskeude qabyldanghan birlesken mәlimdemeni jýzege asyryp otyrmyz. Ol mәlimdemede atysty dogharu jәne ony toqtatudyng parametrlerin engizu qajettigi kórsetilgen. Ol túraqty jәne anyq boluy tiyis» deydi ol.

Ayta keteyik, Tauly Qarabaq oqighasy 27 qyrkýiekte qayta shiyelenisip ketti. Auqymy keng әskery qaqtyghys jýrip jatyr. Ázerbayjan men Armeniyada soghys jaghdayy jariyalandy.

Resey tarapynyng bastamasymen Mәskeude ótken kenes nәtiyjesinde Baku men Erevan tútqyndar men qaza tapqandardyng denesimen almasu ýshin gumanitarlyq maqsatta 10 qazanda jergilikti uaqyt boyynsha 12.00-den bastap atysty toqtatu turaly kelisken bolatyn.

Abai.kz