Memleket basshysy Qasym-Jomart Toqaev «Kugar» әskery tikúshaghynyng apatqa úshyrap, birneshe adamnyng qaza boluyna baylanysty Týrkiya Preziydenti Rejep Tayip Erdoghangha Qazaqstan halqynyng jәne jeke ózining atynan kónil aitu jedelhatyn joldady.

«Týrkiyanyng shyghysyndaghy Bingyoli aimaghynda apatqa úshyraghan «Kugar» әskery tikúshaghynda qúrban bolghan jәne zardap shekkender turaly aqparatty tereng kýizelispen qabyl aldym. Osynday auyr sәtte qayghy-qasiretterinizge ortaqtasyp, barsha qazaqstandyqtardyng jәne jeke óz atymnan Sizge, sonday-aq, bauyrlas týrik halqyna qayghyra kónil aitamyn. Alla taghaladan qaza bolghandardyng jandary jәnnatta boluyn, jaralanghandardyng tez arada sauyghyp ketuin tileymin», – dep jazylghan jedelhatta.

Ayta keteyik, Týrkiya shyghysynda әskery tikúshaq apaty bolyp, 11 sarbaz, onyng ishinde bir general qaza tapty. Taghy eki adam jaraqat alghan. Tikúshaq apatynyng mәn-jayyn tergeu bastaldy. Áskery aqparat kózderine sәikes, apatqa tehnikalyq aqaular jәne aua rayynyng qolaysyzdyghy sebep boluy mýmkin.

Abai.kz