Bishkekte biotualet salyp jýrip, aqyry salpang etip Qazaqstangha qashyp kelgen, az uaqyttyng ishinde Qazaqstannyng aluminiy óndirisin bauyryna basyp, әlem alpauyttarynyng qataryna qosylyp, әbden bayyghan, Qazaqstannyng qazba baylyghyna qojalyq jasap jýrip, jer betindegi asa iri baylardyng tizimin jasap otyratyn «Forbes» jurnalynyn  túraqty keyipkerine ainalghan, Shodiyev, Ibargimov pen birigip «Euraziyalyq top» qúryp, qazaq biyligining «sponsory» bolghan, keyin óz tughan últy tóbesine tittey taqiya kiygizip, shaqyryp alghan (Izraili azamaty) Aleksandr Mashkevich degen jóit býgin qazaqqa, Qazaqstan halqyna «aqyl» aitypty.

Áleumettik jobalar turaly forum ótip jatyr eken. Onlayn rejimde. Forumdy úiymdastyrushy – Núrsúltan Nazarbaev qory, al forumnyng taqyryby – «Memleket, biznes jәne KEÚ: Túraqty damu jolyndaghy birlik pen әriptestikting 30 jyly», - dep atalypty.

Mine, osy forumgha onlayn qatysqan oligarh Aleksandr Mashkevich: «Qazaqstandyqtar osynday elde ómir sýrip jatqany ýshin Qúdaygha shýkirlik aituy kerek», - dep sóilepti.

«Men qazir Braziliyadamyn. Múnda bizding kompaniyamyz eng iri jobalardyng birin jýzege asyryp jatyr. Men Qazaqstannyng kóptegen azamattarynyng men jýrip ótken onshaqty eldi jýrip ótkenin qalar edim. Sonda olar óz elinde (Qazaqstanda) túryp jatqandaryna Qúdaygha shýkirlik aityp, obiektivti bagha berer edi.

30 jyl búryn Qazaqstannyng birinshi preziydenti Núrsúltan Nazarbaev paternalistik, әleumettik baghyttalghan memleket modelin qúrdy. Ol model kýni býginge deyin ómir sýrip keledi. Memleketimiz әrbir azamattyng jaghdayyna alandap, olardyng әrqaysysynyng baqytty boluy ýshin baryn jasap jatyr. Ótken jylghy pandemiya is jýzinde әlemdi ózgertti. Kez kelgen memleketting ekonomikalyq modeline óte qauipti stress-test boldy. Biz Qazaqstanyng ekonomikasy men әleumettik modeli búl synaqtan qalay ótkenin kórdik. Men Elbasygha osynday model qúryp bergeni ýshin alghys aitqym keledi», - depti Mashkevich.

«Eurasian Resources Group» (ERG) Diyrektorlar kenesining tóraghasy Aleksandr Mashkevich ózi basshylyq etetin «Euraziyalyq top» turaly da aitypty. Býideydi:

«Biz elimizdegi әleumettik baghyttalghan eng kýshti kompaniyamyz. 27 jyl búryn biz elimizding ónirlerine, monoqalalargha barghanda men tang qaldym. Men oghan deyin Sovet odaghynyng óz elining azamattaryna múnshalyq adamgershilikten tys qarym-qatynasta bolghanyn bilmeppin. Men Hromtaugha nemese Aqsugha barghanda, onda tipti balabaqshanyng joqtyghyn kórdim. Mektepter jetispeydi. Tipti emhanalar joq. Maghan búl kórinis auyr әri qorqynyshty boldy.

Al býgin biz júmys jasap jatqan sol monoqalalar 30 jyl búrynghy qalalardan әjeptәuir ózgergenin maqtanyshpen aitamyn. Qúddy ol kórinister ózge ghalamsharda bolghanday. Týsinikti boluy ýshin, songhy on jyldyng ishinde bizding kompaniyamyz әleumettik memorrandum negizinde Qostanay, Pavlodar, Qaraghandy men Aqtóbe oblystaryna 280 milliard tenge bóldi», - depti.

Abai.kz