Belarusi elining basshysy Aleksandr Lukashenkonyng esimi el auzynan týser emes. Oghan sebepker bolghan jayt Afinadan Vilinuske bet alghan jolaushylar úshaghyn mәjbýrli týrde Minsk әuejayyna qondyryp, onyng ishindegi eki azamatty tútqyndauy bolyp otyr.

Lukashenkonyng býiryghy boyynsha 26 jastaghy Roman Protasevich pen onyng qyzy tútqyndalghan. Roman Belarusi elindegi tolqularda baghyt siltep, aqparat taratqan NEXTA telegram kanalynyng negizin qalaushylardyng biri. Atalmysh kanalda tolqu kezeninde 2 mln auditoriya bolghan. Qazirgi tanda Romangha "býlik bastady, soghysqa iytermeledi, tónkeris jasamaq boldy, iritki saldy, separatizm әreketterine bardy" degen aiyptar taghylyp otyr. Búl aiyptar y dәleldense, ony ómir boyy bas bostandyghynan aiyru nemese ólim jazasyna kesu ýkimi shygharyluy mýmkin deydi sarapshylar.

Lukashenkonyng búl әreketi әlemdik qauymdastyq tarapynan jauapsyz qalmady. Europa elderi bir auyzdan Belarusi aspany arqyly úshatyn reysterining baghytyn ózgertip jatyr. Minskke әne-mine berilui tiyis bolghan 3 mlrd euro kómek berilmeytin boldy. Belarusi elining iri kompaniyalaryna sanksiya salu jaghy qarastyrylyp jatyr. Al ekonomikalyq qysymnan bólek, Lukashenko rejiymine qyzmet etetin iri lauazym iyelerining Europadaghy esepshottaryn búghattau mәselesi de qarastyryluda. Búl Minsk ýshin ýlken soqqy. Europa elderining qarsy sharalary Belarusi ekonomikasyn jyl sayyn 3-5 mlrd dollar paydadan qaghuy mýmkin degen boljamdar aityluda.

Lukashenkonyng búl әreketi tek qana ekonomikalyq shyghyn emes, sayasy qaterge de toly. Ol endi Europa elderimen qatynas jasau mýmkindiginen birjolata aiyryldy. Demek endi ol anyq Resey men Qytaydyng qoldauyna ghana sýienuge mәjbýr. Lukashenkonyng búl qadamyna qatysty әkki sayasatker Mihail Saakashvily óz pikirin bildirdi. Ryanair úshaghyn mәjbýrli týrde qondyrghan Lukashenkonyng әreketi terrorlyq akt bolyp sanalady. Sondyqtan da ony aqtau mýmkin emes, alayda onyng auyr saldary el halqyna tiymek.

"Europa qazir olarmen qatynasyn ýzip, belarusi diplomattaryn óz elderinen quyp jatyr. Búl Belarusi elining qarapayym halqyna soqqy bolady. Qazir Lukashenko ózin tyghyryqqa әbden tiredi. Ol ne Putinning aitqanynan mýlde shyqpaytyn basshygha ainalyp, Reseyge Belarusiti aqyryndap qosady nemese biyliginen birjolata aiyrylady. Óitkeni songhy әreketi arqyly Belarusi eng songhy mýmkindigin joghaltty, endi ol erkin qozghala almaydy", - dedi búrynghy Gruziya basshysy.

Onyng oiynsha Lukashenko ótuge bolmaytyn qyzyl syzyqtan ótip ketti. "Endi keri qaytugha jol joq. Sondyqtan da biz qazir ýlken geosayasy ózgeristerding kuәsi bolamyz" dedi Saakashviliy.

Belarusi elining basshysy 28 mamyrda Putinmen kezdespek. Kezdesu barysynda olar songhy oqighany da talqylamaq.

Ashat Qasenghaliy

Abai.kz