Almatyda Qytay konsuldyghy aldynda narazylyqqa eki jýz kýn tolghanda Shynjandaghy tuystaryna bostandyq súraghan adamdar dalada týnep shyqty. Olardy polisiya konsuldyqqa jolatpaghan, biraq týnimen kýzetken. Aksiyagha qatysushylar tuystarymyz kelmey, konsuldyq manynan ketpeymiz deydi.

"Basqa jol joq. Keshe aksiyanyng 199-kýninde konsuldyqtyng aldynda týnep qaludy sheshtim. Qytay eline eshqanday qarsylyghymyz joq, biz búl sayasatty jýrgizip jatqan adamgha narazymyz", - dedi olardyng biri.

Qytay osyghan deyin konsuldyqtyng aldyna shyqqandardyng tuystary Shynjanda "zang búzghany ýshin jazasyn ótep jatyr" degen.

Aksiyagha qatysushylardyng biri birneshe ret polisiya tarapynan qamalyp, aiyppúl tóleuge mindettelgen.

Shynjanda millionnan astam músylman azshylyq diny jәne etnikalyq mәselege baylanysty qudalaugha úshyraghany jóninde 2018 jyly BÚÚ-nyng adam qúqyqtary jónindegi komiytetining bayandamasy jariyalanghan. Halyqaralyq qauymdastyqtyng synyna qaramay, Qytayda úighyr, qazaq, qyrghyz siyaqty músylman azshylyqty qysymgha alyp, "qayta tәrbiyeleu" lagerlerining sany 40% óskenin Avstriyanyng Strategiyalyq sayasat instituty mәlimdegen.

Qytay biyligi bolsa múny teriske shygharyp, "kәsiby qayta dayyndau" jәne "ekstremizmge qarsy kýres ortalyqtaryn" qúrdyq dep keledi.

Abai.kz