Janaózende bastalyp, jalpy eldi qamtyghan ereuilde kóshege shyqqan halyq beybit sheruge el qamy ýshin shyqty. Keyin Almatydan bastap, kóp qalalarda beybit sherushilerge kýmәndi toptar qosylyp ketip, arty qandy býlikke ainaldy.

Al endi ereuilge shyqqandary ýshin ghana jastarymyz jazyqsyz tútqyndalyp, soqqygha jyghylyp, azaptalyp jatqandary turaly kóptegen naqty mәlimetter men viydeolar kelude. Áleumettik jelilerde de jii jazyluda. Arasynda osynday týrmede azaptaulardan ólip ketkender turaly da aqparattar bar!
Ótkende jazghanymyzday, bizding “shash al dese, bas alatyn” poliyseyler ereuilshilerdi zang búzbaugha shaqyrghan zanger, әdildik ýshin kýresken әigili sot isterimen belgili advokat Abzal Qúspannyng ózin de bes kýn otyrghyzyp qoyghasyn, qarapayym halyqty qalaghanynsha týrmege toghytqany anyq bolyp túr…

Tipti, olardyng ishinde mitingige qatyspay-aq, auruhanada óz jaraqatymen jatqandardy tútqyndap alyp ketip, týrmede azaptau qanday zangha, qanday adamdyqqa jatady?

Mysaly, bizge kelgen viydeo-mәlimette shalghaydaghy Shardaradan Almatygha júmys izdep baryp, ýy jóndeumen ainalysyp jýrgen Sýndet Toghaybayúly Týrikpenbay qantardyng 5-i kýni týsten keyin Tóle by -Baytúrsynúly kóshelerindegi poliklinikada dәrigerge qaralyp, analizderin alyp, ýiine bara jatqanda ayaghyna oq tiyedi. Qansyrap jatqan ol №12 auruhanagha jetkizililedi. Ony osynda emdelip jatqan jerinen 8-shi qantar kýni týrmege alyp ketken. “Alanda boldym” dep moyynda” dep, úryp-soqqan. “Eshqanday mitingige qatyspaghan, auruhanada jatqan mening balam SIZO-18 týrmesinde nege jatyr?”-dep, kóz jasyn kól etip enirep, qayta-qayta talyp qalyp jatqan anasynyng viydeosyn kórgende shydap túra alu mýmkin emes! Áke-sheshesi jalghyz siyryn satyp advokat jaldap Almatyda jýr endi…
Qan ishkender qútylyp, qarap jýrgender tútylmauy tiyis! Tek qylmys jasaghandar ghana jazasyn aluy qajet!

Naghyz sodyrlargha tosqauyl qoiy qoldarynan kelmegen qúqyq qorghau organdary endi jazyqsyz jastargha oilaryna kelgenin jasap jatqany janymyzdy auyrtuda.

Kóshede kóldeneng sodyrlardyng soyylyn jep, qanghyghan oqtan jaraqattanghan jazyqsyz jandar endi polisiyada da soqqylar jeuin shúghyl toqtatu tiyis!
Ereuil kýnderi kóshelerde bolghan qandy qyrghyn endi týrmelerge auysqany ne masqara!

Qylmysty jasaghan poliyseyler qatang jazalaryn aluy kerek!
Búlardyng bәri elding qatty ashu-yzasyn tughyzuda! Búnday qylmystar naghyz arandatu, memleketke, Preziydentting sayasatyna qarsy qasaqana jasalyp jatqan qareketter dep qabyldaymyz!

Óitkeni, el QR Preziydenti Qasym-Jomart Toqaevtyng ereuilge shyqqandargha jala jabylyp, jazyqsyz jazalanbauyn, әrbir isting әdil qaraluyn, tipti aitarlyqtay qylmysy joqtardyng jazalaryn jenildetu kerek degen talabyna qarama-qarsy jasalyp jatqan qareketterge kuә boluda.
Ereuilden keyin elde bolyp jatqan múnday adam qúqyn ayaqqa taptau faktileri turaly Bas prokuraturanyng ózi de mәlimdedi.

“Preziydentting auyrlatatyn mәn-jay bolmaghanda jazany jenildetu turaly tapsyrmasyna sәikes biraz júmys atqaryldy. Jalpy sotta Qantar oqighasyna qatysty 9213 әkimshilik is qaraldy. Sot sheshimine sәikes mәn-jaydyng jenildigin eskere otyryp 4561 túlghagha eskertu jasaldy, prokurorlardyng ótinish-hatynyng negizinde 1083 adam qamaudan bosatylyp, 490 aiyppúl jazasy eskertuge auystyryldy. Qazirgi uaqytta 362 adam әkimshilik qamaugha alynyp, 1245 túlghagha aiyppúl salyndy.

Ústalghandargha qatysty adam ólimi, azaptau, biyligin asyra paydalanu derekterimen qylmystyq ister tergelu ýstinde. Respublika boyynsha osynday 16 qylmystyq is bastalghan», – deydi QR Bas prokuraturasy birinshi qyzmet basshysynyng orynbasary Eldos Qilymjanovtyng baspasóz mәslihatynda.

Búnday bassyzdyqqa Bas prokuraturadan bastap memlekettik qadaghalaumen birge qoghamdyq baqylaular ornatu kerek!
Búl baghytta Abzal Qúspan bastaghan advokattar komissiyasyn jәne qoghamdyq baqylaulardy qoldauymyz qajet!

Halyqtyq baqylau ghana zansyzdyqtyng jolyn kesedi.
Parlamentte de komissiya qúrylyp, adam qúqy búzyluy qatang baqylaugha alynuy tiyis!

Qazybek Isa

Abai.kz