Últtyq qauipsizdik komiytetining búrynghy basshysy Kәrim Mәsimov pen onyng orynbasary Ánuar Sadyqúlov memleketke «opasyzdyq jasau» baby boyynsha kýdikke ilinip, «biylikti kýshpen basyp alu» baby boyynsha tergeu izolyatoryna qamalghan bolatyn.

Últtyq Qauipsizdik Komiyteti: «K.K. Mәsimov pen A. T. Sadyqúlovqa qatysty kýzette ústau týrindegi búltartpau sharasy qabyldandy. D.E. Erghojinge qatysty búltartpau sharasyn tandau mәselesi qarastyryluda», - dep habarlady.

Olardyng qylmys turaly qújattaryna «asa qúpiya» tanbasy basylghan. QR Qylmystyq is jýrgizu kodeksining 201-babyna sәikes sotqa deyingi tergep-tekseru derekteri jariya etilmeydi.

Sonday-aq, Últtyq qauipsizdik komiyteti Mәsimovke qatysty qylmystyq is QR Qylmystyq kodeksining ýsh babynda kózdelgen qylmys belgileri boyynsha tergelip jatqanyn habarlady. Kýdiktilerge memleketke opasyzdyq jasau jәne biylikti kýshpen basyp alugha nemese Qazaqstannyng Konstitusiyalyq qúrylysyn kýshtep ózgertuge baghyttalghan әreketterden basqa, ózderine ya bolmasa basqa adamdargha nemese úiymdargha payda men artyqshylyq alu ýshin, bolmasa basqa adamdargha nemese úiymdargha ziyan keltiru maqsatynda «biylikti nemese lauazymdyq ókilettikterin asyra paydalanu» degen aiyp taghylghan.

2022 jyldyng 6 qantarynda ÚQK-ning búrynghy tóraghasy Kәrim Mәsimov pen basqa da adamdar ústalyp, uaqytsha ústau izolyatoryna qamaldy. Olardyng ýstinen QR ÚQK QR Qylmystyq kodeksining 175-baby 1-bóligi boyynsha «memleketke opasyzdyq jasau» baby boyynsha sotqa deyingi tergeudi bastaghan bolatyn.

Atalmysh qylmystardy jasady degen kýdikpen ÚQK tóraghasynyng búrynghy orynbasary – «A» arnayy maqsattaghy qyzmetining bastyghy Ánuar Sadyqúlov pen ÚQK tóraghasynyng orynbasary Dәulet Erghojin de ústaldy. 10 qantarda Marat Osipov pen Dәulet Erghojin ÚQK tóraghasynyng orynbasarlary qyzmetinen bosatylghan bolatyn.

Ayjan Temirhan

Abai.kz