Úlybritaniya parlamentinde Reseyge qarsy sanksiya salu talqylanyp jatqanda, Qazaqstan basshylyghyna da shara qoldanudy súrady.

Ótken aida Qazaqstannyng “kleptokratiyalyq elitasyna” qarsy sanksiya engizudi kótergen parlament mýshesi Margaret Hodj 1 nauryzda Mәskeuge ghana emes, Resey preziydentin qoldap jatqan Qazaqstan men Ázerbayjangha da shekteu salu qajettigin bildirdi.

Britaniya syrtqy ister ministri Elizabet Trass Núr-Súltan men Bakuge qarsy sanksiya salu mýmkindikteri jóninde mәseleni zertteu qajettigin aitty. Ol qazir London Resey men Belarusiqa qarsy sanksiya salumen ainalysyp jatqanyn jetkizdi.

3 aqpanda Margaret Hodj britan ýkimetin korrupsiyagha qarsy salynghan sanksiyalardy búzghan qazaqstandyq jemqorlargha qarsy sharalardy kýsheytuge shaqyrghan. Ol búl pikirin “Qazaqstan: antikorrupsiyalyq sanksiyalar” dep atalghan debatta aitqan.

Hodj sanksiya salu kerek degen onshaqty adamnyng atyn atap, olar úrlanghan aqshany zandastyrugha әreket jasap jatqanyn jetkizgen. Olardyng ishinde Qazaqstannyng birinshi preziydenti Núrsúltan Nazarbaevtyng túsynda milliarder, biznesmen bolghan adamdar men onyng tuystary bar.

Ol óz elin tonap kelgen jemqorlargha qarsy sanksiyalar salu kerek ekenin aitqan.

Abai.kz