Bizding qazaq halqynyng jana jyly bastalatyn ay – nauryz. Jalghyz qazaqtyng emes, jalpy týrik elderining jana jyly bastalatyn ai.

Eski jyl ótip, jana jyl kirgende, ótken jylda júrt qanday kýide boldy, basynan qanday keyipter keshirdi, qanday quanysh, qanday kýiinish kórdi, jana jylgha qay týrde kezdesedi, sholyp, qysqasha jazyp, júrtdyng qúlaghyna salatyn gazetterding әdeti.

Orys, noghay gazetderi yanvar aiyn jyl basy sanap, jyldyq esepterin jazghanda, biz ózimizding jana jylymyzdy – nauryzdy kýtip, ýndemegen edik. Jana jylymyzdy bastaytyn nauryz aiy tughan song bizde ótken jylda basymyzdan ne keshirip, qanday kýide boldyq, últtyghymyzdy tiriltu jolynda ne qyldyq, sonyng jayynan tiyse qazyp jazbasaq da, eptep sholyp ótip, júrtymyzdyng aldyna saludy borysh kórdik.

Byltyrghy nauryzda qazaq halqynyng qabaghy kirbeng edi. Últtyq, júrttyq isterimiz qaghynghan kópshilderding kir qolynda, azamattarymyz qughynda, sóileuge tilimiz, alysugha qolymyz, aitysugha jolymyz baylauda edi.
Uaqytsha hýkýmetti quyp, qúryltaydy taratyp, jol, joba, erejeni taptap, qaranghy nadandardy azghyryp, sonynan ertken qaharly kópshil dertining tolqyny qaptap kele jatqanyn kórgen, ejelden synalyp senimdi bolghan azamatdardyng elimizding irgesin saqtap, basymyz ben malymyzdy qorghap kópshilderding «Ortaqshyl» qúryghyna ilinbeske shara izdep, jalpy qyzaq-qyrghyz júrtyn jiyp, óz batasyn berip jasaghan Alash-Orda iske kirispey túrghanda, aldynda eki ay búryn lepirgen jýrek tasyghan kónil byltyrghy nauryzda qamyghuda edi.

Ózimizden shyqqan azghyndar, talay synnan ótken, júrt ýshin otqa kýiip, oqqa túrghan shydamdy, er, kósem azamatdarymyzdy búghyp jýrip býrkeu is qylugha dilger qylghany ótken jyly edi.

Qazaq, qyrghyz elining oqyghan, bilgish azamatdary baghynatyn óz ordamyz bolu ýshin, kópshilderden eldi qorghap juytpaytyn kýsh bolu ýshin «Baqylaushy» degen at qoyyp, Alash әskerin jasamaqqa qylghan alghash óz batasy boyynsha, Semeyding oblasnoy qazaq kamiyteti oqyghan jastardy basshy qylyp, qazaq jigitderinen әsker jasay bastaghany ótken jyl edi.

Ózimizden shyqqan búzaqylar kópshilderge baryp, sybyrlap aityp, ýirenude jýrgen jigitterdi atqylatyp, qughyzyp, ótken nauryzda «Túnghysh qúrban» marqúm Qazidyng qanyn tókkizgeni ótken jyl edi.

Aqsha berse әkesin satqan anqau, aramza kópshilderden astyrtyn satyp alghan az qaru-qúralymyzdy kópshilderge oljalatyp ózimizden shyqqan búzaqylar talatqany ótken jyl edi.

«Semey oblasyndaghy bes duan qazaqtarynyng ókilderimiz», qara qúlaq qasqyrdyng shamy degendey, «Qazaq kamiytetindegi adamdar bayshyl, qazaq kedeylerining qamyn oilamaytyndar» dep ózimizden shyqqan búralqy búzaqy aramzalar kópshilerding kýshti jerlerine shaghym telegramdardy jazdyrghany ótken jyl edi.

Júrtymyz: «Isimizdi atqaryp múng múqtajymyzgha ie bol» dep saylaghanda «Kópshil hakimshiligin tany!» degen joq ta «Senderdi hakim deymiz ba, demeymiz ba, - ony mayda qúrylatyn qazaqdyng oblasnoy siyezi sheshedi» dep, kópshilderding qysuynan, Semeyding oblasnoy kamiyteti búltarghany byltyrghy jyl edi. Sonymen jan saqtap elding erkin kópshilderge bere qoymay, oblasnoy qazaq kamiyteti astyrtyn úiym jasap, aqshagha әkesin satqan kópshilderding qyzyl jarandarynan qaru-qúral satyp alyp qar kete, jaz shygha kópshilderge qarsy qimyl qylmaqqa belin bekem baylaghany byltyrghy jyl edi.

Kópshilderden qashqan orys afitserlerin, jәy kisilerin alyp, el elden er kónildi jigitterdi jinap, tóbelesu әdisderine ýirettirip, kópshilderdi quyp jiberuge hakimshilikti tartyp alugha dayarlanghanymyz ótken jyly edi.
Kópshilderge qarsy orys taptarynyng jasyryn jasaghan úiymy bizding qazaq úiymyna qosylyp, tileules bolyp, birge qyzmet qylysqany ótken jyl edi.
Olardyng da, bizding de jolymyz bir bolghandyqtan at bolsyn, aqsha bolsyn, qaru-qúral bolsyn kópshilderge qarsy orys úiymyna berilgeni ótken jyl edi.

Sony men kelip, maygha jetip, oblasnoy qazaq siyezine 5 duannan 316 kisi kelip, kenes ashylghanda aramyzgha irtki salmaq maqsatpen, qystay boy kórsetpey búghyp jýrip, kópshilderdi jauyqtyryp, bizge aitaqtaghan Núrghaly Qúljanov qúldyq úryp, Sovdebting bastyghy Vetsuagerge baryp, syrlas bolyp, Alash qalsynda «Miting» (top) jasap, toptyng kóbi saylamasa da, angharmaghan anqau 10 shaqty kisining «Kedeyshilmin» degen qyzyl tilin aiyryp, «Oblasnoy qazaq siyezinde Alashtaghy kedeylerding atynan sóileuge ókil etemiz» degen ókildik qaghaz alyp, kópshilderge qaru asyndyryp, qylyshtaryn kezetip, siyezge ertip kelip, kezeksiz sóz sóilemek bolghanyna kónbegen siyezdi Núrghaly Qúljanovtyng qudyrghany ótken jyl edi.

Kópshilderge qopaq kirgenin sezip, siyezge kelgen ókilderding ishinde jýregi loblyghandary qashqanda, shyn últshyldaryn qaytarmay alyp qalyp, Alashta neshe dýrkin kenes jasap, aiaghynda azghyn kópshilderding azugha, jamandyqtyng tozugha bet alghanyna kózderin jetkizip, qarulandyryp, Semey men Alash qalalaryn tús-túsynan qamaghan ótken jyl edi.
Janbyrsha jaughan myltyq oqtary ýstimizden de, qasymyzdan da ótip jatqanda, júrtymyz ýshin shydap, kópshilder men atysugha ant ishisip, bata qylysqan ótken jyl edi.

Biz qashyp, qyrgha baryp, әsker jasap jatqanda, kópshilder men bir jola qonystasyp, qazaq kamiytetining kensesi men baspahanasyn kópshilderdi ertip baryp, Núrghaly Qúljanovtyng talattyrghany ótken jyl edi.
Qúday iyip, kóz jasymyzdy kórip, bir tamshy qanymyzdy aghyzbay, kópshilderdi dýrkiretip, Alash pen Semeyden qughan ótken jyl edi.
Qyrda, Shynghys tauynda, әsker jasaghan Áliy-han, Halel, Álim-han, Jaqyp, Túraghúl, Ahmetjan, Imam, Mirjaqyp, Sadyq, Shahkerim taghy basqa Alash azamattarynyng Alashtyng aq tuyn kóterip, aigha bata, kýnge salam qylyp, mereyi ýstin masayrap, lek-lek Alash jigitterimen Semeyge kelgen ótken jyl edi.

Qúlyndy dalasynda bosyp jýrgen kópshilderdi quyp jetip, mynyna bir Alash qarsy túryp, qayrat qylghan ótken jyl edi.
Aq týiening qarny jarylghanday quanyp, Alash balalary at, aqshasyn aiamasdan Alash jolyna, últ isine bergeni ótken jyly edi.

«Baghynatyn Ordan, qaraytyn hýkimeting ózinning óz tobyng saylaghan men» dep qazaq-qyrghyz hýkimeti – Alash-Orda jariya qylghany ótken jyl edi.
«Kóterilgen Alash tuyn jyqtyrmasqa mal týgil, basymyz qúrban» dep, Alashtyng azamattary әskerlikke týskeni ótken jyly edi.

Alashtan song tusa da, zor tuyp, Alashtyng órisin taryltpaqqa, marqúm aghalarynyng tútynghan jolyn úmytbay óksigen azbandardyng Alash Ordanyng aiaghyna kýrmeu salyp, sóndirmekke tyrysqany ótken jyly edi.
Alghy yghay men syghay jinalyp, irigen Rosiyagha úiytqy – kindik hýkýmet jasau tobynda Ufada bolghan memleket kenesinde, alashtyng baygege qosylyp, mýshe alghany ótken jyly edi.

Rosiyadaghy toqsan týrli halyqta tynyshtyq, birlik, býtindik boluyn oilap, qúryltay aghyzalarynyng jasaghan hýkýmeti – Samar kamiyteti Alash avtonomiasyn tanyp deklarasiya – bayandama shygharghany ótken jyly edi.
Talay kýn tolghanyp toqyraghanda jasalghan diroktoryany – jalpy Rosiya hýkýmetin, qolyndaghy istigi men shoqparyna sýiengen bir top kazak-orys afitserlerining qughany ótken jyly edi.

Qúlamas búryn bytyraghan Rosiyany jiyp, bauyryna baspaq bolghan diyrektoriyanyng bizding Alash avtonomiasynyng júmbaghyn sheshudi kidirtip, alty Alashtyng júmysyn basqaratyn bas ókil, oghan birneshe serik, Alash qúryltayynyng zang jobasyn jasaytyn kamissiya bermek bolyp, bayandama shygharghany ótken jyly edi.

Sayasat auasynyng aghymyn andyp angharghan qazaq-qyrghyz hýkýmeti Alash-Ordanyng daghdarys qylghany ótken jyly edi.

Ordasynyng qabaghyna qarap, shashau shyqpay qymtalyp, aqyrghan azbandardyng aibarynan qoryqpay, zәresi ketpey, býrsektep aldyna týspey, Alash balalary kidiris qylghan ótken jyl.

Úiymdy qazaq halqynyng anyzyn bayqap, ózi tilenip tikken Ordasyna kónil berik, boyy bekem, senimi mol ekenin sezip, adyrandaghan auyldyng arbasugha shaqyryp, andaspaqqa, sóilesip kelispekke kiriskeni ótken jyl.
Sóileskeli eki ay bolyp, sóz aiaghy nege toqtap, nemen tynyp bitpesten jana nauryzgha – jana jylgha shygharyp salghan ótken jyl.

Alajazday әuirelenip, jinaghan azghantay Alash jigitterin «Jetisugha bar, ondaghy aghayyndaryndy kópshilderding qyruynan qútqar!» dep, aqsarbasty aityp, týn ishinde meshitke aparyp, aqsaqaldar batasyn berip, oqyghandar ónege aityp, qoldaryna kóseu ústatyp, maydangha attandyrghan ótken jyl.
Qostanayda ekinshi, Jaman qalada 3 nshi, tórtinshi, Oralda 5 nshi, 6 nshy qazaq polkteri jasalyp, el qorghaugha shyqqany ótken jyl.

Búlardan basqa Alashda er kónildi qazaq jigitderinen 1 nshi polk pen afitser shygharatyn medreseni ózimizding qazaq kapitan Hamid Toqtamishovtyn, Óskemende bizden biyliksiz bastasada, biz qyryn kózben qaramaytyn bolghan song ekinshi er kónildi qazaq polki jasala bastap, jana nauryzgha shygharyp salghan ótken jyl.

Alashta múghalimdik kursy ashylyp, shala sharpy qazaq oqytushylaryn shygharyp, elge taratyp, últtyq júrttyq namystarynyng túqymyn jas qazaq balalarynyng jýregine ekken jyl.

El ishin sýzek jaylap, talay últshyl, qyrshyn jastardy kemeline keltirmey, talay kemenger aqsaqaldardy eline úiytqy boldyrmay, jelkesin qighan ótken jyl.

Jat auyldyng jýgensiz tentekteri elirip, elimizge shyghyp, qatyn balamyzdyng ýreyin qashyryp, qarsy kelgendi óltirip, ólmishi qylyp, dýre salyp, malymyzdy talap, jolsyz aiyp alghan ótken jyl.
Sóitip, qamyqqan, daghdarghan kýide ótken jyldyng aiaghyn shygharyp salyp, jana jyl, nauryzgha kezdesip túrmyz.
Ótken jyldyng basynda múnayyp, ortasynda masayrap, aiaghynda qamyghyp túrmyz.

Jana nauryz qútty bolyp, qúday júrtymyzdy aman qylsa, Alash-Ordamyz tigilmey qalmas degen ýmit ben jana jylgha kirip túrmyz.
Nauryz qútty bolsyn, Alash! Jasasyn Alash-Orda! Jasasyn qazaq!

«Sary Arqa» gazeti. №74. 26 mart 1919.

Abay Myrzaghaliy