13 mausymda Tashkentte ótken brifingte energetika ministrligining ókili Sherzod Hojaev Ózbekstan osy joba ýshin "Rosatomdy" tandaghanyn, joba óte qymbat túratynyn aitty.

"Stansiya salynatyn jer anyqtaldy, tehnologiya tandaldy, osy tehnologiyany tandalghan audangha beyimdeuden shyqqan qúny mәlim. Ázirge onyng qúnyna qatysty kelisim joq. Óitkeni biz ony óte qymbat dep esepteymiz. Joba qúnyn týsiru qajet", - deydi ministrding orynbasary.

"Qarapayym tilmen aitqanda, búl AES óndiretin energiyagha qansha aqsha júmsalady? Ol basqa da quat kózderinen qymbatqa týspey me? Qymbat bolsa, joba iske aspaydy. Arzan bolsa, biz ony jýzege asyruymyz kerek", - dep esepteydi ministrlik ókili.

2018 jylghy qyrkýiekte Ózbekstan men Resey AES qúrylysy ýshin әriptes bolu turaly kelisimge otyrdy. Resmy mәlimet boyynsha, "Rosatom" VVER-1200 reaktory ornatylghan, 3+ buynyna jatatyn eki energiya blogynan túratyn keshen túrghyzady. Stansiya ózbek budjeti men reseylik nesie esebimen salynady dep josparlanghan.

Energetika ministrligi AES 2030 jylgha taman qajetti elektr quatynyng 15-18 payyzyn óteydi dep esepteydi. Atom elektr stansiyasy Jizaq oblysy Túzqan kóli jaghalauynda salynady.

"Ózatom" bas diyrektory Jurabek Mirzamahmúdovtyng aituynsha, alghashqy blok 2028 jyly, al ekinshi blok - 2030 jyly iske qosylady.

Abai.kz