Qazaqstanda 2027 jyly hokkeyden әlem chempionaty ótui mýmkin. Býgin Memleket basshysy Halyqaralyq hokkey federasiyasynyng preziydenti Luk Tardifti qabyldady, dep habarlady Aqorda.

Kezdesude hokkey sportyn damytudyng jәne keninen tanytudyng perspektivalary, sonday-aq elimizde iri halyqaralyq turnirler ótkizu mәselesi talqylandy.

Qasym-Jomart Toqaev Luk Tardifke Qazaqstan hokkeyining jetistikteri, otandyq sportty damytu ýshin qabyldanyp jatqan sharalar men sport infraqúrylymynyng mýmkindikteri turaly aitty.

Memleket basshysy elimizde hokkey sportyna qyzyghushylyq artyp kele jatqanyn, balalar men jasóspirimderge arnalghan hokkey mektepteri men jastar komandalarynyng sany kóbeygenin atap ótti. Býginde sporttyng osy týrimen 14 myng asa adam shúghyldanady.

Kezdesu barysynda sport infraqúrylymdarynyng mýmkindikterine erekshe nazar audaryldy. Osy rette Preziydent elimizding 2027 jyly әlem chempionatyn ótkizuge joldaghan ótinimi 2023 jyly mamyrdaghy dauys beru kezinde qoldau tapsa, Qazaqstannyng osy sharany úiymdastyrugha dayyn ekenin aitty.

Qasym-Jomart Toqaev Halyqaralyq hokkey federasiyasy óz tarihynda Aziya qúrlyghynda eshqashan joghary dengeydegi chempionattar ótkizbegenin atap ótti.

Halyqaralyq hokkey federasiyasynyng preziydenti kezdesuge mýmkindik bergeni ýshin Memleket basshysyna alghys aityp, Qazaqstanda hokkey sportyn damytugha kónil bólinip jatqanyn joghary baghalady. Sonday-aq elimiz halyqaralyq jarystardy óte joghary dengeyde ótkizuge qajet barlyq infraqúrylymgha ie ekenin jetkizdi.

Abai.kz