Toqaev 12 jeltoqsandaghy ýkimet otyrysynda sóilegen sózinde ótemaqy JEO iyesi men memleketke bólinui tiyis ekenin aitty. Ol ýkimet pen oblys әkimderine eldegi manyzdy infrastruktura nysandaryna saraptama jýrgizudi tapsyrdy.
Búghan qosa, Toqaev eldegi jylu elektr ortalyqtarynyng iyeligin memleket pen iyesi arasynda elu de elu bólip, JEO iyelerining esebinen kýrdeli jóndeu keregin aitty.
27 qarashagha qaraghan týni 150 myng túrghyny bar Ekibastúzda jylu elektr ortalyghynda aqau shyghyp, qala 30 gradus ayazda birneshe kýn jylusyz qalghan edi.
Biylik Ekibastúzda tótenshe jaghday jariyalaghan. Pavlodar oblysy әkimi Ábilqayyr Sqaqov qyzmetinen alynghan. Oblys prokuraturasy JEO-daghy apatqa baylanysty mindetin dúrys atqarmady degen kýdikpen tergeu bastady. Búl bap boyynsha bes jyl bas bostandyghynan aiyru jazasy qarastyrylghan.
Ekibastúzdaghy búl apar eldegi infrastrukturalardyng eskirgenin, olardyng jaghdayynyng dúrys baqylanbaytynyn kórsetti. Apattyng resmy sebebi "JEO qyzmetkerining qateligi" dep aityldy. Jemqorlyqqa qarsy agenttik JEO-daghy apatqa korrupsiyany da atady. Al JEO iyeleri tarifting tómen boluynan jylu ortalyqtaryn jóndeuge aqsha jetpeydi deydi. Sarapshylar kommunaldyq tólemderding júmsaluynda ashyqtyq joq dep esepteydi.
Abai.kz
