Jenis kýni qarsanynda soghys ardagerlerine 4,6 mlrd tenge somasyna birjolghy materialdyq kómek kórsetiledi. Búl turaly Enbek jәne halyqty әleumettik qorghau ministrliginen mәlim etti.

Biylghy 1 mamyrdaghy jaghday boyynsha, Qazaqstanda Ekinshi dýniyejýzilik soghysqa (EDS) qatysqan 222 ardager, 60 106 – soghys mýgedegi jәne jeniske ýles qosqan ózge de azamattar túrady. Olardyng ishinde: qorshaudaghy Leningrad túrghyndary – 78 adam; kәmeletke tolmaghan kezde konslageride bolghan – 175 adam; qaytys bolghan soghys mýgedegining júbaylary – 2 413 adam; soghysta qaza tapqan (qaytys bolghan, habar-osharsyz ketken) jauyngerlerding jesirleri – 4 adam; tyl enbekkerleri – 57 436 adam.

Ardagerler men tyl enbekkerlerine kórsetiletin qamqorlyq

Birinshiden, zeynetaqy jәne ózge de әleumettik tólemderding mólsheri jyl sayyn artyp keledi. Azamattardyng 20 sanatyna (soghysqa qatysushylar, tyl enbekkerleri, jәne t.b.) ózge de әleumettik tólemderge qaramastan, arnauly memlekettik jәrdemaqy tóleu jýzege asyrylady.

2023 jylghy 1 mamyrdaghy jaghday boyynsha zeynetaqyny eskere otyryp, ay sayyn beriletin әleumettik tólemderding ortasha jiyntyq mólsheri:

- soghys qatysushylary – 220 754 tenge (161 adam);

- soghys mýgedekteri – 229 286 tenge (61 adam);

- basqa memleketter (Aughanstan, Vietnam, Aljiyr, Mysyr, Irak jәne t. b.) aumaghyndaghy әskery is-qimyldargha qatysushylar – 215 201 tenge (25 752 adam);

- soghys qatysushylaryna tenestirilgender – 182 782 tenge (3 648 adam);

- soghys mýgedekterine jenildikter boyynsha tenestirilgender – 140 838 tenge (14 424 adam);

- tyl enbekkerleri – 148 892 tenge (57 436 adam).

Ekinshiden, ardagerlerdi әleumettik qoldaudyng qosymsha sharalary kórsetilude. Olardyng barlyghy әskery qyzmetshiler ýshin qoldanylatyn qúqyqtar men kepildikterge iye. Salyq salu boyynsha jenildikterdi paydalanady, Astana jәne Almaty qalalaryndaghy mamandandyrylghan gospitalidarda bilikti medisinalyq kómek kórsetiledi, sanatorlyq-kurorttyq emdeu úsynylady (367 mln tengege 1 989 adam).

Sonday-aq, jergilikti atqarushy organdar budjet jәne tartylghan (demeushilik) qarajat esebinen ardagerlerge merekelik (estelik) kýnderge materialdyq kómek týrinde jәne kelesi nysanda qosymsha әleumettik qoldau týrlerin kórsetedi: túrghyn ýidi jóndeu (20,4 mln tengege 114 ardager), otynmen qamtamasyz etu (179,3 mln tengege 3 384 adam), qoghamdyq kólikte jol jýru jenildikteri (116,8 mln tengege 6 463 adam), dәri-dәrmekpen qamtamasyz etu (56,4 mln tengege 4 826 adam), tis protezdeu (22 mln tengege 239 adam), azyq-týlik toptamasy (81,3 mln tengege 8 097 adam) jәne әleumettik kómekting basqa da týrleri.

Ýshinshiden, jyl sayyn birjolghy materialdyq kómek tóleu dәstýrge ainaldy. Jenis kýni qarsanynda jergilikti atqarushy organdar 4,6 mlrd tenge somasynda birjolghy kómek kórsetudi kózdep otyr.

Materialdyq kómekting eng tómengi kepildendirilgen shegi 1,5 mln tengeden kem emes mólsherde belgilengen (Aqtóbe jәne Pavlodar oblystarynda – 2 mln tenge).

Barlyq sanattar boyynsha tólemder 9 mamyrgha deyin ayaqtalady.

Tórtinshiden, memleket әleumettik zannamany jetildiru boyynsha túraqty negizde sharalar jýrgizude. Osylaysha, 2020 jyly «Ardagerler turaly» Qazaqstan Respublikasynyng Zany qabyldandy, onda ardagerlerge beriletin jenildikter men kepildikter shoghyrlandyryldy. Ol janadan engizilgen ardagerler sanattarynyng ishinen 11 myng adamgha ay sayyn arnayy memlekettik jәrdemaqy alugha, sonday-aq ardagerler ýshin barlyq jenildikter men kepildikterdi paydalanugha mýmkindik berdi.

Abai.kz