Almatyda kópqabatty ýidegi órt sóndirildi, dep habarlaydy TJM. 

Tótenshe jaghdaylar ministrligining baspasóz qyzmetinen habarlaghanday, qyzyl jalyn saghat 18:46 kezinde oqshaulanyp, sonyra sóndirilgen.

Ýiding 1 jәne 16 qabatynda elektr kabelideri janghan.

Eske sala keteyik, býgin saghat 17:10-da TJD kýsh-qúraldary Alatau audany «Aqkent» yqshamaudanynda ornalasqan 54-shi ýige shúghyl attanghan.

«Órt sóndirushiler oqigha ornyna 6 minutta jetti. Olar 16 qabatty túrghyn ýiding 5-qabatyndaghy pәter ashyq jalynmen janyp jatqanyn anyqtady. Qazir adamdar evakuasiyalanyp jatyr»,- dep habarlady vedomstvodan.

TJM kópqabatty ýidegi tilsiz jaumen kýreske júmyldyrylghan órt sóndirushilerding suretin jariyalady.

Almatydaghy «Aqkent» shaghynaudanyndaghy kópqabatty ýidegi órt saldarynan 31 adam auruhanagha jetkizildi, onyng 16-sy - balalar.

«Birinshi tamyz saghat 18:30-daghy jaghday boyynsha, Alatau audany «Aqkent» shaghynaudany, 54 mekenjayynda bolghan órt saldarynan qala auruhanalaryna 31 adam jetkizildi. Onyng 16-sy - bala. Qaytys bolghandar joq. Nauqastardyng densaulyq jaghdayy turaly qosymsha habarlanady»,- dep habarlady densaulyq saqtau basqarmasynan.

Abai.kz