Astanada qarjy (investisiya) piramidasyn qúru jәne basqaru faktisi boyynsha «Sincere Systems» JShS basshylyghyna qatysty sot ýkimi shyqty. Búl turaly Qarjy monitoringi agenttigi habarlady.

JShS 2020 jyldan beri júmys istegen jәne kriptovaluta birjalarymen yntymaqtasatyn kompaniyanyng atyn jamylyp, azamattardan qarajat jinaghan.

Salymshylardyng sanyn kóbeytu ýshin oidan shygharylghan jobalargha investisiya salu mýmkindigi qarastyrylghan.

– Kliyentti investisiyanyng qauipsiz ekendigine sendiru ýshin ID beru arqyly kliyentting jeke kabiyneti tirkelgen, salymgha teng virtualdy qarajatpen tolyqtyru mýmkindigi bar veb-sayt qúryldy, – delingen resmy aqparatta.

Azamattardan jinalghan qarajat kólemi 215 mln tengeni qúrady.

Sot ýkimimen «Sincere Systems» JShS basshysy 5 jylgha investisiyalyq qyzmetpen ainalysugha tyiym salynyp, 6 jylgha shartty týrde bas bostandyghynan aiyryldy.

Ayta keteyik, búghan deyin Qarjy monitoringi agenttigining Aqtóbe oblysy boyynsha departamenti «Sincere Systems» (S-Group) qarjy piramidasyn qúru jәne basqaru isin tergep jatqany belgili boldy. Is boyynsha azamattardy kompaniyagha tirkeluge shaqyrghan eki azamatqa qatysty tergeu jýrip jatyr.

Abai.kz