«Qazgharysh» agenttigining baspasóz qyzmeti atalghan agenttik tóraghasy Talghat Músabaevtyng Qytayda bolghan resmy saparynda, Qytay últtyq gharysh әkimshiligining basshysy My Sinjuymen kezdesui barysynda qazaq gharyshkerlerining 2014 jyly Qytaydan úshyrylatyndyghy turaly arnayy kelisilgendigin habarlaghan. 

«Qazgharysh» agenttigining baspasóz qyzmeti atalghan agenttik tóraghasy Talghat Músabaevtyng Qytayda bolghan resmy saparynda, Qytay últtyq gharysh әkimshiligining basshysy My Sinjuymen kezdesui barysynda qazaq gharyshkerlerining 2014 jyly Qytaydan úshyrylatyndyghy turaly arnayy kelisilgendigin habarlaghan. 

Qazaqstan «Bayqonyr» gharysh ailaghymen býkil әlemge tanymal. Tәuelsizdikting alghashqy jyldarynda Toqtar Áubәkirov pen Talghat Músabaev gharyshty baghyndyryp ýlgergen edi. Odan keyingi 20 jylda taghy da eki gharyshker «Bayqonyr» gharysh ailaghynan úshyrylatyn bolyp, 9 jyl boyy dayyndalghan. 2000 jyly Qazaqstan men Resey Preziydentteri Núrsúltan Nazarbaev pen Vladimir Putin arasynda Qazaqstan gharyshkerlerin dayyndau turaly kelisimge qol qoydy. Osy kelisim ayasynda tandau Múhtar Aymahanov pen Aydyn Ayymbetovke týsken bolatyn. Birneshe jyl «Júldyzdy qalashyqta» dayyndalghannan keyin Qazaqstannyng ýshinshi gharyshkeri retinde Aydyn Ayymbetovting aty atalyp, 2009 jyly qyrkýiekting 30-ynda reseylik ekipajben birge úshyryluy tiyis edi. Gharyshkerlerdi dayyndaugha Qazaqstan qazynasynan 16 million tenge júmsaldy. Al ekipajdyng úshuyna 900 million rubli, Qazaqstan tarapynan 26 million dollar tólenui qajet-túghyn. Búl kelisim negizinde Halyqaralyq gharysh stansiyasyna osy 17 memleketting azamattary ghana qol jetkize alady delingen. Al Qazaqstan búl tizimde joq. 2011 jyly qantardyng 11-inde sol kezdegi Qazaqstan Premier-ministri Kәrim Mәsimov Últtyq gharysh agenttigining kollegiya jinalysynda Qazaqstan men Resey preziydentteri arasynda qazaqstandyq gharyshkerlerdi HGhS-ynyng (halyqaralyq gharysh stansiyasy) gharyshqa úshu baghdarlamalaryna engizu jayynda auyzsha kelisimning bolghanyn jetkizgen. Alayda «Qazgharysh» agenttigi tóraghasynyng orynbasary Meyirbek Moldabekov Qazaqstan gharyshkerlerining 2013 jyldan búryn gharyshqa samghauy mýmkin emes ekendigin aitqan bolatyn. 2011 jyly bolashaq gharyshkerlerding biri Múhtar Aymahanov gharyshty baghyndyru maqsatynda qazaq azamattyghyn Resey azamattyghyna almastyratyndyghy jayynda mәlimdeme jasaghan. Odan da týk shyqqan joq. Búdan keyin onyng taghdyry qalay bolghany ja-yynda aqparat mýldem joghaldy. Bir sózben aitsaq, Múhtar Aymahanov habarsyz ketti. Eng bastysy, onyng әli kýnge deyin gharyshqa úshpaghandyghy aiqyn. Resey búl mәseleni kópke sozdy. Talay syltau aityldy. Ásili ózin әlemdegi eng basty gharyshtyq derjava sanaytyn Resey tәkapparlyq, óktemdik tanytyp, qazaqtardyng sózin qúlaghyna birjola ilmeuge kóshti. Eki el preziydentterining uaghdalastyqtary da adyra qaldy. 

Sóitip, Qazaqstannyng óz úlan­daryn gharyshqa úshyru jayly ýmiti óshe bastaghan edi. Qytay últ­tyq gharysh әkimshiligining basshysy My Sinjuy «Qazgharysh» basshysynyng qazaq gharyshkerin qytaylyq ekipaj qúramynda úshyru jayly úsynysyn quana qúptaghan. Baspasózdegi mәlimetterge sýiensek, qazaq gharyshkerleri 2014 jyldyng sәuir, mamyr ailarynda úshyryluy әbden mýmkin. Alayda búnyng memlekettik qazynagha qansha salmaq salatyny әzirge beymәlim. Búl kelissózderding basy ghana delingen taratylghan mәlimdemede. Degenmen eki el basshylarynyng aldaghy resmy kezdesuinde qansha qarjy júmsalatyndyghy tolyq aiqyndaluy da mýmkin. «Qazgharysh» agenttigining qyzmetkerleri ýshinshi gharyshkerding atyn atap ta ýlgerdi. Ol Aydyn Ayymbetov myrza kórinedi. Taghy eskerte ketetini, gharyshqa úshugha dayyndalghandardyng jasy býginde 40-tan asqan. Yaghny olar jaqyn arada óz armandaryn jýzege asyrmasa, búdan keyin kesh bolyp ketui de mýmkin. Aydyn Ayymbetov 2012 jyldan beri «Qazaqstan Respublikasynyng gharyshkeri» ataghyna iye. 

"Týrkistan" gazeti