1,5 mln qazaqstandyq nesiyesin 90 kýnnen beri tóley almay jýr. Osy jәne basqa da sebeptermen elimizde mikroqarjylyq úiymdardyng nesie ýstemeaqysy tómendeytin boldy. Búl turaly Qarjy naryghyn retteu jәne damytu agenttigi tóraghasynyng orynbasary Oljas Qizatov aitty, dep habarlaydy Abai.kz.

Ol múnday janashyldyq jana zanda kórsetilgenin atap ótti. Sonday-aq zandaghy basty ózgeristerding biri mikroqarjylyq úiymdardyng nesie payyzyna qatysty ekenin aitty.

- Zang jobasyndaghy basty ózgeristerding biri - Qazaqstan territoriyasynda beriletin nesiyeler ony bank, mikroqarjylyq úiym nemese onlayn nesiyeleuding qaysysy berse de, jyldyq payyzdyq mólsherlememen esepteletin bolady. Búghan onlayn nesie beretin úiymdardyng erekshe statusy bolghan edi. 50 AEK-ge deyin qaryz beretin onlayn nesie úiymdary nominaldy payyzdyq mólsherleme qoyyna bolatyn edi. Nominaldy mólsherleme jyldyq payyzdyq mólsherlememen eseptegennen qaraghanda joghary prosent qosylatyn edi. Endi biz onlayn nesiyelendiruden osy statusyn joydyq.

2024 jyldyng 1 sәuirindegi jaghday boyynsha tútynushylyq qaryzdardyng jalpy somasy 14,2 trln tengeni qúraydy. Onyng ishinde 90 kýnnen keshiktirilgen nesiyelerding sany 1,6 trln tenge, búl 12 payyz. Tútynushylyq nesie alghan qaryz alushylardyng sany 8,4 mln adam. 1,5 mln adam nesie tólemin 90 kýnnen keshiktirgen, - dedi Qizatov.

Abai.kz