Kólik ministri Marat Qarabaev internet arqyly taksy qyzmetin kórsetetin azamattardyng júmysyna birshama ózgerister engiziletinin aitty, dep habarlaydy Abai.kz. Ulysmedia.kz-ke silteme jasap.

– Naqty “mynaday ózgeristerdi engizemiz, osymen bitti” degen sharua joq qoy. Indrayverdi de, Yandeks taksiyding qúryltayshylarymen kezdesip sóilestik. Olar óz pozisiyasyn aityp otyr. Jýrgizushiler basqasha pikir aitady. Mәsele ol jerde óte kóp. Róli ong jaghyndaghy kólikterdi mýlde Indrayverge tirkeluge qaqysy joq degen… Óitkeni bizde eng kóp jol oqighalary osynday kóliktermen baylanysty bolady. Mәselen, róli ong jaqtaghy “Alivard” kólikteri sol jaqqa auystyryp, qoldan jasap alghan. Olardy da tirkeuge bolmaydy dep otyrmyz. Taghy da aityp otyrghanymyz – túraqty eki qalanyng arasynda qatynaytyn avtobustar 2020 jyldan bastap joghalyp ketti. Óitkeni pandemiya kezinde kóp adamdar Indrayverdi kóbirek paydalana bastady. Qazir eki qalanyng arasynda túraqty avtobustargha otyrmay, Indrayverdi tandaydy. Ol ynghayly. Óitkeni ýiinen alyp ketedi, – deydi ol.

Ministr eki shara úsynylghaly otyrghanyn aitty.

– Onyng biri – ortasha jyldamdyq. Ol bizge ne beredi? Bir nýkteden ekinshi nýktege barghan jaghdayda ortasha jyldamdyq bir bolsa, ony asyrmaydy. Asyp ketse, jenil kólikting de, avtobustyng da jyldamdyqty asyrghany jóninde aqparat bizge keledi. Sondyqtan, halyq qaytadan avtobusqa otyra ma degen oi, – deydi ol.

Sonday-aq Marat Qarabaev basqa elderde Indayver sekildi agregattardyng halyqtyng ishinde taksy qyzmetin kórsetuge qúqyghy joghyn eskertti.

– Olarda shekteu 50 shaqyrym bolady. Odan asyrugha qaqysy joq. Mýmkin sonday isteymiz be degen úsynys bar. Indrayvermen tabys tauyp otyrghan jigitter baryn bilemiz. Biraq onday bolsa, basqa talaptardy qoyymyz kerek. Óitkeni jol apaty eng kóp bolyp jatqan mәseleler – asyqqannan, kólik jýrgizushisining dúrys úiyqtamay, jýre beruinen. Sonday mәseleler bar, – deydi ol.

Marat Qarabaev dese de búl naqty qabyldanghan sheshim emes ekenin, әzirge úsynystar ekenin aitady.

inDrive baspasóz qyzmeti Abai.kz aqparattyq portalyna pikir bildirdi:

“inDrive serviysi Qazaqstan naryghynda 10 jyldan asa júmys istep keledi. Osynsha uaqytta biz retteushi organdardyng talaptaryn qatang saqtap kelemiz. Qazirgi kýni inDrive saparlas jolaushylardy izdeuding eng keng taraghan onlayn-qosymshasy bolyp otyr. Múnday sapardyng basty artyqshylyghy — jýrgizushi jolaushyny oghan ynghayly kez kelgen uaqytta, ózara kelisken jolaqygha kez kelgen qalagha jetkizedi. Qalaaralyq saparlardyng araqashyqtyghyna shekteu qong kóptegen jýrgizushiler men jolaushylargha әser etedi, búl mәseleni naryqtyng barlyq qatysushylary QR Kólik ministrligimen birlese otyryp sheshu kerek dep esepteymiz”, - dedi inDrive baspasóz qyzmeti.

Abai.kz