Qazaq pen qyrghyzdyng Reseymen bir ekonomikalyq arbagha jegilui - Batystyng salghan sanksiyasyna baylanysty ózining keri әserin tiygize bastady. Ózbekter de búdan tys qalmady. Endi osy tónireginde sóz qozghalyq.

AQSh Qarjy ministrligi 17 elding 275 azamaty men kompaniyasyna sanksiya engizdi. Olardyng qatarynda Qazaqstan, Ózbekstan, Týrkiya, Shveysariya, Qytay, Ýndistan jәne basqalary bar.

Sanksiyalyq tizimge Reseyge tauar jetkizip otyr degen qazaqstandyq Kazstanex kompaniyasy da kirdi. Ol әlemning týkpir-týkpirinen, sonyng ishinde Qytaydaghy óndirushi zauyttardan stanoktardy jetkizumen ainalysady.

Egov.kz mәlimetinshe, kompaniya 2014 jyly tirkelgen. Onyng qúryltayshysy jәne birinshi basshysy - Vasiliy Abramov deytin adam.

AQSh Qarjy ministrligining mәlimetinshe, Kazstanex jәne Uzstanex (Ózbekstan) kompaniyalary Europadan stanoktar partiyalaryn nominaldy alushylar retinde әreket etedi. Sodan keyin olardy qytaylyq Shanghai Winsun kompaniyasyna Reseyge jetkizu ýshin jiberedi.

Endi osy sanksiyalyq qysym taghy da órshdi. AQSh Qarjy ministrligi Reseyge qarsy sanksiyalardy qatandatqan. Reseydi qosa alghanda, birneshe elden 400-ge juyq kompaniya jәne «Reseyge qarsy sanksiyalardy ainalyp ótuge kómekteske» 30-dan astam adam sanksiya arqalaghan.

Týrkiyalyq kompaniyalar 2023-2024 jyldary Reseyge mikroelektronika komponentterin, jartylay ótkizgishterdi, týrli elektr jabdyqtaryn, moyyntirekterdi jetkizumen ainalysqan.

Búdan basqa, Resey, Belarusi, Qytay, Ýndistan, Týrkiya azamattaryna da sanksiya salynghan. Olardyng arasynda Resey qorghanys ministrining orynbasarlary - Aleksandr Fomiyn, Pavel Fradkov, Anna Siviyleva bar.

Búghan deyin Otandyq BAQ AQSh-ta Qazaqstannyng VTB-men yntymaqtasatyn bankter men kompaniyalargha qarsy ekinshi rettik sanksiyalar engizu turaly sheshim qabyldanghanyn jazghan bolatyn.

Mausym aiynyng sonynda qazaqstandyq DA GROUP 22 kompaniyasy da Reseyge kómek kórsetkeni ýshin Euroodaq sanksiyalarynyng 14-shi paketine engizilgen.

Búghan deyin Euroodaq pen AQSh Elem Group kompaniyasyna ekinshi ret sanksiya engizuge uәde bergen bolatyn. Keyinnen QR sauda jәne integrasiya ministrliginde Otandyq BAQ búl kompaniyalar 2023 jyldyng mamyr men mausymynan bastap importpen jәne eksportpen ainalyspaytynyn, al Elem Group taratu prosesinde ekenin aitty.

Tamyz aiynda AQSh sanksiyalyq tizimge taghy 123 kompaniyany engizdi, oghan Qazaqstan men Qyrghyzstanda tirkelgen All Global Trading Elektron Dis Ticaret Ltd Sti týrik firmasynyng eki filialy kirdi.

Resey biznesi qazaq pen qyrghyzdy alyp ta - soghyp, shalyp ta - jyghyp, eki jep biyge shyqpaq bolghanymen, Batys mәselening anyghyna jetip, adymdaryn ashtyrmay keledi.

Abai.kz