Astanada ótetin World Boxing ayasyndaghy әlem kubogynda býgin, 30 mausymda el qúramasynan bes boksshy sharshy alangha shyghady.

Aldymen qazaqstandyq uaqytpen 14:00-de bastalatyn kýndizgi sessiyada qazaqstandyq ýsh boksshy sayysqa týsedi.

Búl jekpe-jekter «Qazsport» telearnasynda tikeley efirde kórsetiledi.

Ekinshi júpta әielder arasynda Nazym Qyzaybay (48 keli) 1/8 finalda kanadalyq Priyanho Dillon, tórtinshi júpta Aneli Sakysh (54 keli) 1/16 finalda germaniyalyq Tatiyana Obermayermen qolghap týiistiredi. Segizinshi júpta erlerde Abylayhan Jýsipov (70 keli) 1/8 finalda qyrghyzstandyq Almaz Orozbekovpen kezdesedi.

Al 19:00-de bastalatyn keshki sessiyada qazaqstandyq eki boksshy sharshy alangha shyghady.

Ýshinshi júpta әielderde Viktoriya Grafeeva (60 keli) 1/8 finalda japoniyalyq Ayaka Taguti, besinshi júpta Nataliya Bogdanova (70 keli) indoneziyalyq Sanamacha Chanu Tokchommen syngha týsedi.

Álem kubogyna 30 elden 300-ge juyq boksshy qatysady. Búl Olimpiadalyq WORLD BOXING úiymynyng Qazaqstandaghy alghashqy jarysy. Álem kubogy jyl boyyna birneshe kezenmen ótkiziledi. Reytingilik sayysta әr salmaq dәrejesinde jenimpazgha 300, ekinshi oryngha 200, qos qola jýldegerge 150 úpaydan beriledi.

Jarys 30 mausym-6 shilde aralyghynda elordadaghy Jaqsylyq Ýshkempirov atyndaghy jekpe-jek sarayynda ótedi. Onda erler jәne әielder qúramalary jýldelerdi sarapqa salady.

Eske salsaq, әlem kubogynda qazaqstandyq boksshylardyng alghashqy qarsylastary anyqtaldy.

Abai.kz