Júma, 8 Tamyz 2025
Qylmys 150 0 pikir 8 Tamyz, 2025 saghat 13:23

«SQ-Farmasiya»: Audit pen tergeu neni anyqtady

Suret: sk-pharmacy.kz saytynan alyndy

«SQ-Farmasiya» JShS-ne qatysty sotqa deyingi tergeu amaly bastaldy. Búl aqparatty Qarjy monitoringi agenttigi rastap otyr. 

Agenttikting mәlimetinshe, Astana qalasy boyynsha ekonomikalyq tergep-tekseru departamenti Qylmystyq kodeksining 189-baby 4-bóligi (senip tapsyrylghan mýlikti iyemdenu nemese ysyrap etu) boyynsha «SQ-Farmasiya» JShS qyzmetkerlerine qatysty sotqa deyingi tergep-tekseru amaldary jýrip jatyr.

Qylmystyq-prosestik kodekske sәikes, atalghan iske qatysty ózge mәlimet jariya etilmeydi.
Densaulyq saqtau ministrligining halyqty dәri-dәrmekpen qamtamasyz etu qyzmetine jýrgizilgen audit qorytyndysy boyynsha kelesi faktiler anyqtaldy:

— Ministrlik «Ghylymi-infeksiyalyq preparattar ortalyghy» AQ-qa klinikalyq zertteuler jýrgizu boyynsha is jýzinde oryndalmaghan júmystar ýshin 166 427,3 myng tenge, sonday-aq ghylymiy-tehnikalyq baghdarlama ayasynda is jýzinde jetkizilmegen 4 birlik jabdyq ýshin 36 634,1 myng tenge kóleminde tólem jasaghan;

— 13 týrli preparatty satyp alu kezinde bagha aiyrmashylyghy anyqtalghan. Búl rette satyp alu baghasy naryqtyq baghadan 600%-gha deyin joghary bolghan. Búl jaghday negizinen tegin ambulatoriyalyq kómekke arnalghan dәri-dәrmekting zansyz esepten shygharylyp, bólshek saudada satyluymen baylanysty;

— «QazMedProm» JShS «SQ-Farmasiya» JShS-ne medisinalyq qolghapty naryqtaghy baghadan joghary qúnmen satqan, búl budjet qarajatynyng tiyimsiz júmsaluyna әkelgen;

— Audit barysynda Mәjilis deputaty Baqytjan Bazarbekting «SQ-Farmasiya» JShS-ning dәri-dәrmek satyp alu kezinde memleket budjetin 35,8 mlrd tenge zalal keltirdi degen mәlimdemesi rastaldy.

Densaulyq saqtau ministrligining halyqty dәri-dәrmekpen qamtamasyz etu qyzmeti boyynsha jýrgizilgen audit kelesi zang búzushylyqtardy anyqtady:

— 203 061,4 myng tenge kóleminde óteluge jatatyn qarjylyq zang búzushylyq;
— 24 970 967,7 myng tenge somasynda budjet qarajatyn tiyimsiz paydalanu.

Sonday-aq biyl mausymda qylmystyq qúqyqbúzushylyq belgileri bar audit materialdary Bas prokuraturagha shara qabyldau ýshin joldanghany habarlandy.

Eske sala ketsek, «SQ Farmasiya» kompaniyasyndaghy sybaylastyq ymyra әreket turaly 2017 jyly da jazghan edik.

2020 jyly «SQ Farmasiya» qyzmetine tekseris jýrip jatqany habarlandy.

Ayta ketsek, biyl Mәjilis deputaty Baqytjan Bazarbek budjet qarajatyn jymqyru faktisi boyynsha Bas prokuraturagha 4 aryz beretinin mәlim etti. Onyng ishinde «SQ Farmasiya» kompaniyasy da bar.

Onyng atap ótuinshe, aryzdar mynaday 4 baghytqa qatysty: «SQ-Farmasiya» men iri farmasevtikalyq kompaniyalar qyzmetin qosa alghanda atalghan salagha jýrgizilgen audit nәtiyjeleri, Mindetti әleumettik medisinalyq saqtandyru jýiesi ayasynda qarajat jymqyru, auyl sharuashylyghynda subsidiya bólu mәselesi, sonday-aq 27 mausymda maqúldanghan Ýkimet esebi.

Abai.kz

0 pikir