Búl turaly Aida Balaeva ózining әleumettik jelidegi paraqshasynda jazdy.

Ýsh aptadan beri otandyq kinoprokatta kósh bastaghan «QAITADAN» kórkem filimi 1 mlrd tengeden astam tabys tapqandyghymen shygharmashylyq újymdy shyn jýrekten qúttyqtaymyn!

Búl kino óndirisine júmsalghan memleket qarajatyn bes esege artyghymen aqtaghan alghashqy joba. 2023 jyly pitching jenimpazy atanghan kinotuyndy – jas rejissyor Duman Erkimbekting tolyqmetrajdy debuti. Osynday kreativti, bastamashyl әri otanshyl jastardy qoldau bәrimizding ortaq mindetimiz.
Filimde otbasy instituty dәriptelip, әleumettik jauapkershilik pen adamgershilik qaghidattary kórinis tabady. Sebebi ózindi ghana emes, ainalandy, tipti tútas qoghamdy qútqarugha úmtylu – әr adamnyng mindeti.
Kinonyng әr dialogy – qoghamgha oy tastaydy, әr kórinisi – kórermenning jýregine jaqyn.

Qazirgi tanda «QAITADAN» filimi elimizding barlyq kinoteatrlarynda kórsetilude. Barsha kórermen qauymdy osy tuyndyny birge tamashalap, últ ruhyn asqaqtatar otandyq jobamyzdy qoldaugha shaqyramyn! Arnayy altyn uaqyttarynyzdy bólip, kinogha kelinizder. Filimnen jaghymdy әser alyp, bir tolqynda bolyp, birge oy týieyik. Shynayy enbekting baghasyn berip, kinogerlerimizge dem bereyik.

Memleket basshysy Últtyq qúryltaydyng tórtinshi otyrysynda kinogha qatysty: «Taghy bir týitkil – qazir kinoteatrda kórsetiletin filimderge qatysty qoghamdyq syn bar. Byltyr qazaqstandyq mamandar týsirgen 94 filim shyqqan, yaghni, negizinen ózimizding ónim shygharylyp jatyr. Búl – jaqsy ýrdis. Biraq biz eng aldymen sangha emes, sapagha kónil audaruymyz kerek» - degen bolatyn.

Kino últty úiytyp, bolashaq úrpaqty tәrbiyeleui tiyis. Sapaly, sauatty, talghamy biyik kartinalar sany artqan kezde ghana otandyq kinonyng ensesi biyik bolady.

Sondyqtan ministrlik últtyq kinony damytu baghytyndaghy júmystardy jýieli týrde jalghastyra beredi.

Barshanyzgha sәttilik tileymin!

Abai.kz