Jaziraly Jarkent qalasy taghy bir tamasha әdeby keshting kuәsi boldy. Audandyq Mәdeniyet ýiinde Qazaqstan Jazushylar odaghynyng mýshesi, aqyn Gýlbaqyt Qasenning «Boytúmarym – qara ólen» atty shygharmashylyq keshi ótti. Zal toly kórermen – tughan jerding talantty perzentin qoldaugha asyqqan halyqtyng ystyq yqylasy men aqyngha degen sheksiz qúrmetting aighaghy ispetti.

Keshke ziyaly qauym ókilderi, Qazaqstan Jazushylar odaghynyng mýsheleri qatysty. Panfilov audanynyng әkimdigi úiymdastyrghan mәdeniyet ordasynyng sahnasy búl kýni jyr men syrgha, әuen men әserge toldy. Á degennen-aq, D. Raqyshev atyndaghy halyq teatrynyng kórinisimen bastalghan shara kórermendi birden sezim iyirimine jeteledi.

Gýlbaqyt Qasen – poeziya әleminde ózindik qoltanbasy bar, ólenge adaldyghymen erekshelengen aqyn. Onyng jyrlarynda arugha tәn nәziktik pen azamatqa tәn asqaq oy qatar óriledi. Aqyn janynyng jyluyn tughan jerine, eline arnap kele jatqan qalamgerge búl kesh – jyldar jemisinin, enbekting mereyli sәti.

Kesh barysynda Almatydan arnayy kelgen aqyn, Halyqaralyq «Alash» әdeby syilyghynyng laureaty Erjan Alashtughan izgi tilegin bildirdi:

– Memlekettik qyzmette jýrip, ónerin úmytpaghan, qayta bәrinen joghary qoyghan Gýlbaqyt Toqtanqyzymen maqtanamyz. Ol óz ónirining ghana emes, kýlli qazaq elining maqtanyshy, – dedi ol.

Al Taldyqorghannan kelgen «Janr» әdeby klubynyng preziydenti, jazushy Esbolat Aydabosyn Qazaqstan Jazushylar odaghy basqarma tóraghasy Mereke Qúlkenovting arnayy qúttyqtau hatyn oqyp, aqyngha tabystady.

Kesh iyesin Panfilov audanynyng әkimi Múrat Saghymbek te sahna tórine shaqyryp, jerlesteri atynan qúttyqtau sóz sóilep, arnayy shapan japty.

Suret: Avvtordyng múraghatynan alyndy.

Shygharmashylyq kesh barysynda aqynnyng birqatar jana kitaptarynyng túsauy kesildi. Olar – prozalyq, poeziyalyq, balalar әdebiyeti men audarma janrynda jaryq kórgen «Qarashada ómir bar», «Tamshy taghdyr», «Barkórneu» jәne «Biz baqytty balamyz!» atty tuyndylar. Ár kitap Gýlbaqyt Qasenning jýrek jyluymen órilgen, el ruhaniyatyna qosqan ýlesi.

Suret: Avvtordyng múraghatynan alyndy.

Jiyngha qatysqan kópshilik aqynnyng ólenderin sýisine tyndap, key sәtte kózderine jas aldy, aqyn sózine jazylghan әnder oryndaldy.

Shara sonynda jinalghan qonaqtar Jarkentting qasterli nysandarynyng biri – jetighasyrlyq tarihy bar «Áulieaghashqa» baryp, taghylymdy sayahat jasady.

Atalghan poeziya keshi – jýrekterge jylylyq, sanagha sәule syilaghan ruhany mereke boldy. Gýlbaqyt Qasenning jyrlary –  tughan jerding topyraghynan nәr alyp, últtyng ruhyn asqaqtatqan asyl múra.

Sanjar Súltanghazy

Jarkent qalasy

Abai.kz