Memleket basshysy konstitusiyalyq reformagha qatysty týsip jatqan úsynystarmen tanysty. Búl turaly Aqorda habarlady.

Qasym-Jomart Toqaev Memlekettik kenesshi Erlan Qarinmen jәne Preziydentting qúqyqtyq mәseleler jónindegi kómekshisi Erjan Jiyenbaevpen Parlamenttik reforma boyynsha kezekti júmys kenesin ótkizdi.

Erlan Qariyn Memleket basshysyna Júmys tobynyng 9 qantarda ótken otyrysynda bolashaq bir palataly Parlamentting mәrtebesin, ókilettikteri men funksiyalaryn anyqtaugha, sonday-aq biylikting basqa da tarmaqtarymen ózara is-qimylyna qatysty tәsilder әzirlengenin aitty.

15 qantargha josparlanghan kelesi otyrysta jana Parlamentting basty memlekettik instituttardyng qyzmetin qamtamasyz etu ókilettikteri talqylanady.

Erjan Jiyenbaev Memleket basshysyn konstitusiyalyq reformagha qatysty Júmys toby mýsheleri men júrtshylyqtan kelip týsken jana úsynystarmen tanystyrdy.

Preziydent barlyq pikir men bastamany eskeru qajet ekenin atap ótti. Sonday-aq konstitusiyalyq reforma boyynsha týpkilikti sheshimdi el azamattary jalpyúlttyq referendumda qabyldaytynyn mәlimdedi.

Sonymen qatar kezdesude Últtyq qúryltaydyng Qyzylorda qalasynda ótetin besinshi otyrysyna dayyndyq mәselesi qaraldy.

Memleket basshysy Qúryltay otyrysyn ótkizudi osy jyldyng 20 qantaryna belgilep, aldaghy manyzdy is-sharany úiymdastyru jәne oghan tynghylyqty әzirlenu jóninde naqty tapsyrma berdi.

Abai.kz