Dayyn qújattardy HQO-dan ózinizge ynghayly uaqytta alu ýshin postamat qyzmetin paydalanugha bolady, dep habarlaydy Azamattargha arnalghan ýkimet.

Búl servis tәulik boyy júmys isteydi jәne demalys pen mereke kýnderi de qoljetimdi.

- Postamattar janartylghan HQKO ghimarattarynda, tәulik boyy ashyq aimaqtarda ornalasqan. Qújat dayyn bolghan kezde azamat ony mamangha jýginbey-aq, postamattaghy jeke úyashyqtan ózi alyp kete alady.

Qyzmetti rәsimdeu kezinde HQKO-da ótinish bergende dayyn qújatty alu tәsili retinde postamatty tandau qajet. Qújat postamatqa ornalastyrylghannan keyin azamattyng telefon nómirine SMS-habarlama jiberiledi. Habarlamada úyashyqty ashugha arnalghan jeke kod kórsetiledi. Sonymen qatar biometriyalyq sәikestendiruden ótu qarastyrylghan, - dep jazylghan aqparatta.

Dayyn qújatty ýsh kýn ishinde alyp ketuge bolady. Eger osy merzimde alynbasa, qújat HQKO mamany arqyly әdettegi tәrtippen beriledi.

Qazirgi tanda postamattar elimizding 10 ónirinde ornatylghan. Jalpy sany 14 qúrylghy júmys isteydi. Olar arqyly memlekettik qyzmetterding 19 týri boyynsha dayyn nәtiyjelerdi alugha bolady. 2026 jyly búl qyzmetting qúny 518 tengeni qúraydy.

2025 jyldyng qorytyndysy boyynsha postamat qyzmetin eng kóp paydalanghan qalalar – Semey, Taraz jәne Týrkistan.

Abai.kz