Qazaqstan Respublikasy Preziydentining tapsyrmasy boyynsha Premier-ministr Oljas Bektenov Niu-Deliyge júmys sapary ayasynda Ýndistan Respublikasynyng Premier-ministri Narendra Modiymen ekijaqty kezdesu ótkizip, India AI Impact Summit 2026 halyqaralyq sammiytine qatysty.

Oljas Bektenov Ýndistan Premier-ministrine Qazaqstan Preziydentining atynan jyly lebizderin jetkizdi. Óz kezeginde Narendra Mody Qasym-Jomart Toqaevqa izgi tilekterin joldady jәne strategiyalyq әriptestikti jana dengeyge shygharu boyynsha birlesken júmysty jalghastyru niyetin bildirdi.

2025 jyldyng qorytyndysy boyynsha eki el arasyndaghy tauar ainalymy $923,3 mln-dy qúrady. Sauda jәne investisiyalar, energetika, AÓK, sifrlandyru jәne JY salasyndaghy yntymaqtastyqty odan әri damytu mәseleleri talqylandy. Qazaqstan Ýndistan naryghyna 40 tauarlyq pozisiya boyynsha $150 mln-gha ónim jetkizu kólemin úlghaytugha dayyn. Manyzdy miyneraldar men siyrek jer elementteri, gharysh, qorghanys ónerkәsibi salalaryndaghy ózara is-qimyldy keneytuding eleuli әleueti atap ótildi.

Premier-ministr әlemning 50-den astam elinen, sonyng ishinde memleket jәne ýkimet basshylary, sonday-aq IT salasyndaghy sarapshylar men ghylymy qauymdastyq ókilderi jinalghan India AI Impact Summit 2026 sammiytine qatysty.

Oljas Bektenov plenarlyq sessiyada sóilegen sózinde ozyq tehnologiyalardyng ekonomikalyq әleuetine jәne olardyng jahandyq ósu qúrylymyndaghy әserine nazar audardy.

«Biz intellektining inkluzivti, derbes jәne eng bastysy ekonomikanyng negizgi sektorlaryn transformasiyalaytyn kýshke ie boluy kerek ekenine senimdimiz. Býginde Qazaqstan ónirlik sifrlyq ortalyqqa ainaluda. Sonday-aq BÚÚ-nyng Elektrondyq ýkimetti damytu indeksinde 193 elding ishinde 24-shi orynda túrmyz. Elimiz, sonymen qatar onlayn-qyzmetterding sapasy boyynsha әlemdegi eng ýzdik ondyqqa kiredi. Preziydent Qasym-Jomart Toqaev ýsh jyl ishinde Qazaqstandy tolyq sifrlyq elge ainaldyru maqsatyn qoydy. Jasandy intellekt bizding últtyq damuymyzdyng strategiyalyq tiregi bolyp sanalady», — dep atap ótti Oljas Bektenov.

Qazaqstan Premier-ministri әlemdik tehnologiyalyq kompaniyalardy ozyq tehnologiyalardy damytu salasyndaghy yntymaqtastyqqa shaqyrdy.

Memleket basshysy jariyalaghan Sifrlandyru jәne JY jyly ayasynda Qazaqstanda sifrlyq ekonomikany damytu boyynsha júmystar jýrgizilude. Innovasiyany retteu men yntalandyru arasyndaghy tepe-tendikti qamtamasyz etetin «Jasandy intellekt turaly» zang qabyldandy. Preziydent janynan qúrylghan JIY-di damytu jónindegi kenes bir platformada jetekshi әlemdik vizionerlerdi biriktirdi. Ortalyq Aziyada alghash ret eki iri superkompiuter klasteri ornalastyryldy, NVIDIA-men seriktestikte Derbes JY habyn qúru jobasy jýzege asyryluda. Biyl әzerbayjandyq seriktestermen birlesip, Transkaspiy talshyqty-optikalyq jelisining qúrylysyn ayaqtau jahandyq derekter trafiygi ýshin eng qysqa balama marshrutty qamtamasyz etedi, búl Qazaqstangha Shyghys pen Batys arasyndaghy sifrlyq kópir bolugha jol ashady. Ekibastúz qalasynda jýzege asyrylyp jatqan flagmandyq «DÓO-lar alqaby» jobasy da iri derekter ortalyqtary ýshin ekojýie qalyptastyrugha mýmkindik beredi. Memleket infraqúrylym, jobalardy sýiemeldeu jәne taghy da basqa qajetti qoldaudyng barlyq týrin úsynatyny atap ótildi.

Forum qorytyndysy boyynsha delegasiya basshylary India AI Impact Expo 2026 halyqaralyq kórmesine bardy, onda jasandy intellekt salasyndaghy praktikalyq sheshimder, tehnologiyalar jәne qoldanbaly әzirlemeler úsynyldy. Ekspozisiya ónerkәsip, qarjy, densaulyq saqtau, qauipsizdik jәne taghy da basqa salalardyng keng auqymyn qamtydy.

Suret: primeminister.kz saytynan alyndy.

Suret: primeminister.kz saytynan alyndy.

Suret: primeminister.kz saytynan alyndy.

Suret: primeminister.kz saytynan alyndy.

Suret: primeminister.kz saytynan alyndy.

Suret: primeminister.kz saytynan alyndy.

Suret: primeminister.kz saytynan alyndy.

Abai.kz