Matanyng qiyndysynan tigilgen beldemshe, bylghary etikten jasalghan әshekeyler — Temirtauda kәsipker Galina Kriyves apsaykling baghyty boyynsha әleumettik-shygharmashylyq jobany jýzege asyryp keledi. Ol eski zattardy jana búiymdargha ainaldyryp qana qoymay, osy qolónerding qyr-syryn balalar men eresekterge ýiretip jýr. Jobany iske asyrugha kәsipkerding mýmkindigi shekteuli balanyng anasy retinde alghan 400 ailyq eseptik kórsetkish kólemindegi qaytarymsyz memlekettik grant mýmkindik bergen.

Galina Kriyvesting bastamasy — shygharmashylyq oidyng qogham ýshin manyzdy jobagha úlasuynyng aiqyn ýlgisi. Onyng sheberhanasynda eski búiymdar jana ómirge ie bolyp, qatysushylar paydaly daghdylardy mengerip, shygharmashylyq qabiletterin damytugha mýmkindik alady.

Kәsipkerding aituynsha, búl iydeya «apsaykling» úghymyn bilmey túryp-aq payda bolghan. Búryn ol eski kiyimderdi ózine jәne jaqyndaryna layyqtap qayta tigip, túrmysta kәdege jaratyp jýrgen.

— Shynyn aitsam, úzaq uaqyt boyy múnyng apsaykling dep atalatynyn bilmedim. Men jay ghana eski zattardy qayta óndep, janasha paydalanatynmyn. Shamamen on ýsh jasymda ýlken ólshemdegi velivet beldemshe men keudeshem boldy. Olardy kiyip kórip, birtindep taryltyp, ózime shaqtap tigetinmin. Ol kezde pishim ýlgilerin de qoldanbadym — tek tәjiriybe arqyly ýirendim, — deydi ol.

Alghashqy búiymdaryn Galina kóbine týisikke sýienip jasaghan. Mysaly, gýl pishinin shygharu ýshin matany búrap, týrli tәsilderdi bayqap kórip, ózindik dizayn oilap tabatyn. Uaqyt óte kele búl әuestik túraqty shygharmashylyq baghytqa ainaldy. Qazir sheberhanada maqta matalarynan bastap tabighy bylghary men ekobylgharygha deyin әrtýrli materialdar paydalanylady. Eski zattardan әshekeyler men aksessuarlar, sәndik elementter jәne interierge arnalghan kompozisiyalar dayyndalady.

— Biz adamdargha kiyim kishireyip qaldy nemese únamay qaldy dep ony birden tastau mindetti emes ekenin kórsetkimiz keledi. Eger matanyng sapasy jaqsy bolsa, oghan ekinshi ómir syilaugha bolady. Keyde az ghana qiyaldyng ózi jetkilikti. Mysaly, mende kestesi bar etik boldy. Jyrtylyp qalghan song ony tastaugha qimadym. Kestelengen bóligin qiyp alyp, shetterin óndedim — nәtiyjesinde әdemi әshekey shyqty, — deydi kәsipker. — Erekshe týimeler men sәndik bólshekterdi de jana búiymdar jasaugha paydalanugha bolady. Sabaqtarymyzda biz jii osylay júmys isteymiz: eski zattardy alyp, olardy mýlde jana dýniyege ainaldyramyz.

Joba qatysushylary sabaq barysynda tigin mashinasynda júmys isteudi, qolmen tiguding tәsilderin jәne búiym jasaudyng negizgi daghdylaryn mengeredi. Eski jempirler oiynshyqtargha nemese jyly ayaqkiyimge ainalsa, jeydelerden sәndik búiymdar men túrmysta qoldanylatyn paydaly zattar jasalady. Sabaqtargha balalar da, eresekter de qatysady. Eng jas qatysushy nebәri segiz jasta. Oghan tapsyrmalar qyzyghushylyghyna qaray tandalyp beriledi.

Jobanyng taghy bir manyzdy baghyty — mýmkindigi shekteuli balalargha arnalghan sabaqtar. Galina Kriyvesting ózi de osynday balany tәrbiyelep otyrghandyqtan, ol barynsha qoljetimdi әri qoldaushy orta qalyptastyrugha erekshe kónil bóledi.

— Múnday balalar ýshin keyde prosesting ózi emes, nәtiyjesi manyzdyraq bolady. Óz enbekterining nәtiyjesin kórgende, tipti júmystyng az ghana bóligine qatyssa da, olar qatty quanady. Olar ýshin «mening qolymnan keldi» degen sezimdi sezinu óte manyzdy. Búl ózine degen senimdilikti arttyryp, shygharmashylyqqa degen qyzyghushylyqty oyatady, — deydi Galina.

Kәsipkerding aituynsha, memlekettik grant jobanyng bastapqy kezeninde ýlken qoldau bolghan. Galina «Bastau Biznes» baghdarlamasy boyynsha bilim alyp, biznes-jospar әzirlep, óz iydeyasyn jýzege asyra alghan. Alynghan qarajatqa tigin jabdyqtary men qajetti qúral-jabdyqtardy satyp alghan. Qazir sheberhana qyzmeti birtindep keneyip, jana qatysushylardy tartuda.

Mýmkindigi shekteuli adamdar men olardyng qamqorshylary arasynda kәsipkerlikti damytu memlekettik qoldaudyng basym baghyttarynyng biri bolyp qala beredi. Ótken jyly Qaraghandy oblysynda osy sanattaghy túrghyndardyng jeke jobalaryn jýzege asyru ýshin 58 grant bólindi.

Abai.kz