Jetisu oblysynyng túrghyndary referendumgha belsendi qatysyp, tannan beri tútas auyl bolyp dauys berude.

Mәselen, Qaratal audanynyng Kәlpe auylynda 400 adam, Kóksu audanynyng 10 jyldyq Qazaqstan auylynda 200 adam, Kerbúlaq audanynyng Basshy auylynda 100 adam uchaskege bir mezette kelip, jappay dauys berdi.

Búl rette Qaratal audany Kәlpe auylynda dauys beruge auyldyng 14 kóshesining túrghyny keldi. Olardyng arasynda óz ómirining 40 jylyn veterinar dәrigerlik mamandyghyna arnaghan qariya Sýleymen Andasbaev, sol siyaqty densaulyq saqtau salasynyng ardageri Bәten Búldybaeva da bar.

– Referendumnyng Nauryz merekesining bastaluymen túspa-tús kelui bizge erekshe kónil kýy syilady. Uchaske ashylghan sәtten bastap-aq múnda mereke erekshe sezildi. Uchaskening janynda kiyiz ýy tigilip, dauys beruge kelgender últtyq taghamdardan dәm tatty. Balalarymyz asyq oinap, jastar altybaqan tepti. Túrghyndardyng bir uaqytta birge kelip dauys berui – halyqtyng birligining jarqyn kórinisi әri elimizding bolashaghyna qosqan ortaq ýlesimiz dep sanaymyn. Sebebi Konstitusiya – túraqtylyq pen damuymyzdyng negizi, – dedi B. Búldybaeva.

Sol siyaqty On jyldyq Qazaqstan auyly da qashanda ózining enbek dәstýrimen, qauymdyq jauapkershiligining myqtylyghymen danqy shyqqan. Búl eldi meken býgin de elding sayasy ómirine belsene qatysuda. Dauys beruge bir mezette 200 adamnyng birge kelui - halyqtyng memlekettik instituttargha degen senimin tanytatyn sanaly qadam.

- Biz ýshin referendumgha qatysu jay ghana paryz emes, bizding erikti tandauymyz. Býgin bәrimiz birge kelip, auylymyzdyng taghdyry, tútas elimizding bolashaghy biz ýshin manyzdy ekenin bildirdik. Biz birge dauys beru arqyly óz yntymaghymyzdyng kýsh-quatyn sezindik, - dedi auyl aqsaqaldarynyng biri Sapar Smaghúlov.

Jas buyn ókilderi de pikir qosty:

- Býgin men alghash ret dauys berdim, múnda ata-anammen, kórshilerimmen birge keldim. Ýlkenderding referendumgha qanday jauapkershilikpen qaraytynyn kórip, bizding ertenimiz býgin jәne dәl osy jerden bastalatynyn úghyndym, - deydi  auyldyng belsendi jasy Nazerke Músabay.

Abai.kz