Qazaqstan Respublikasynyng Premier-ministri Oljas Bektenov Halyqaralyq Araldy qútqaru qorynyng basqarma mýshelerimen kezdesu ótkizdi. Sonday-aq Qazaqstan atalghan qorgha tóraghalyq etuin biyl ayaqtaydy.

Jiyngha Tәjikstan Respublikasy Premier-ministrining orynbasary Sulaymon Ziyyozoda, Týrikmenstan Ministrler kabiyneti tóraghasynyng orynbasary Tangryguly Atahallyev, Ózbekstan Respublikasy Preziydentining kenesshisi Shuhrat Ganiyev, Ózbekstan Respublikasynyng su sharuashylyghy ministri Shavkat Hamraev, Qyrghyz Respublikasynyng Su resurstary, auyl sharuashylyghy jәne qayta óndeu ónerkәsibi ministrining orynbasary – Ministrlik janyndaghy Su resurstary qyzmetining diyrektory Almaz Jeenaliyev, Halyqaralyq Araldy qútqaru qory atqarushy komiytetining tóraghasy Ashat Orazbay, sonday-aq Qazaqstan Respublikasynyng salalyq ministrlikteri men vedomstvo basshylary qatysty.

Su sharuashylyghy salasyndaghy ónirlik yntymaqtastyqty әri qaray damytu, Qor qyzmetining tiyimdiligin arttyru, sonday-aq biylghy 22 sәuirde Astanada ótetin HAQQ-gha mýshe memleketter basshylary kenesining otyrysyna dayyndyq mәseleleri qaraldy.

Oljas Bektenov Últtyq qúryltaydyng V otyrysynda Memleket basshysy Qasym-Jomart Toqaev aiqyndaghan Araldy qútqaru jәne transshekaralyq su resurstaryn túraqty basqaru mәseleleri basym baghyttar qatarynda ekenin atap ótti. HAQQ otyz jyldan astam uaqyt boyy Ortalyq Aziya memleketterining su, ekologiyalyq jәne әleumettik-ekonomikalyq salalardaghy ózara әrekettesuining negizgi ónirlik alany bolyp otyrghany basa aityldy.

Kezdesu barysynda su esebin jýrgizu men basqarudy sifrlandyrudyng manyzdylyghy atap ótildi.

«Múnda Syrdariya jәne Ámudariya ózenderi basseynderinde su resurstaryn esepke alu, monitoring jýrgizu jәne bólu boyynsha birynghay avtomattandyrylghan jýieni kezen-kezenimen engizu turaly sóz bolyp otyr. Sifrlandyru men esepke alu su paydalanudyng ashyqtyghyn qamtamasyz etedi dep oilaymyn. Senimdi derekterding boluy jәne birlesken monitoring memleketter arasyndaghy senimning negizi bolyp sanalady jәne su resurstaryn basqarudyng tiyimdiligin arttyrugha mýmkindik beredi», – dep atap ótti Oljas Bektenov.

Qazirgi zamanghy sharttyq-qúqyqtyq bazany qalyptastyru ayasynda Qazaqstan Ortalyq Aziyanyng su resurstaryn paydalanu jónindegi Negizdemelik konvensiyasyn pysyqtaudy qoldaydy. Qújat su resurstaryn útymdy paydalanu, transshekaralyq ziyannyng aldyn alu jәne gidrologiyalyq aqparat almasudy damytu boyynsha kelisilgen qaghidattardy bekitui tiyis.

Qazaqstan Preziydenti Qasym-Jomart Toqaev jahandyq su problemalaryn sheshu ýshin Birikken Últtar Úiymy qúrylymy ayasynda Halyqaralyq su úiymyn qúrudy úsyndy. Búl bastama kýsh-jigerdi biriktiruge jәne qosymsha resurstardy tartugha, sonyng ishinde ónirlik jobalardy jýzege asyrugha mýmkindik beredi.

Kezdesu barysynda Qor júmysynyng tiyimdiligin arttyru, onyng instituttary arasyndaghy ýilestirudi kýsheytu jәne qabyldanatyn sheshimderding nәtiyjeli jýzege asyryluyn qamtamasyz etu maqsatynda Halyqaralyq Araldy qútqaru qorynyng úiymdastyrushylyq qúrylymyn jәne sharttyq-qúqyqtyq bazasyn jetildiru mәselelerine erekshe nazar audaryldy.

Sonday-aq aldaghy Halyqaralyq Araldy qútqaru qorynyng qúryltayshy memleketteri basshylary kenesining otyrysy qarsanynda negizgi mәseleler boyynsha kelisilgen tәsilderdi әzirleuding manyzdylyghy atap ótildi. Kezdesu qorytyndysy boyynsha taraptardyng syndarly dialogti jalghastyrugha, su diplomatiyasyn damytugha jәne ónirding su resurstaryn túraqty basqarugha, sonday-aq Aral tenizi basseynindegi ekologiyalyq ahualdy jaqsartugha baghyttalghan ortaq sheshimderdi birlesip izdeuge mýddeli ekendigi rastaldy.

Abai.kz