– Jahandyq kóshbasshylar, әlemning әr qiyryndaghy jekelegen memleketterding jetekshileri, eng aldymen, halyqaralyq qauipsizdik pen beybitshilik mәselelerine jauapkershilikpen qarauy qajet dep sanaymyn. Qazirgi sәtte strategiyalyq ústamdylyq óte manyzdy. Mening oiymsha, býgingi kýrdeli әri qarama-qayshylyqqa toly әlemdegi shiyelenisterding týiinin tarqatu asa qiyn emes. Jay ghana jauapkershilik tanytyp, sabyrly bolu qajet, – dedi Qazaqstan Preziydenti.

Memleket basshysy Tayau Shyghystaghy ahualgha qatysty pikirin jetkizdi. Preziydent kelissózder barysynda basty mәselelerge den qoiy kerek dep sanaydy.

– Álemde oryn alghan jaghdaylargha bayyppen qaraugha kenes berer edim. Mәselen, bәri Irandy talqylap jatyr. Áriyne, búl eldegi ahual óte kýrdeli. Oghan qatysty qanday da bir pikir aitu qiyn. Qazaqstan Shyghanaqtaghy elderge tilektestigin bildirdi. Biz taraptardy strategiyalyq ústamdylyqqa jәne әskery is-qimyldy toqtatugha shaqyrdyq. Búl qaqtyghystyng auyr saldaryn bәri sezindi. Eng әueli ekonomika qúldyrady. Býginde Ormuz búghazynda kemelerding erkin jýzuine qoyylghan tosqauyl turaly aitylyp jatyr. Biraq dәlizding qaqtyghysqa deyin erkin sauda jasaugha ashyq bolghanyn eskeru qajet. Sondyqtan mәselening mәnine ýnilgenimiz jón. Al týitkil yadrolyq tehnologiya men yadrolyq qarudyng taraluynda edi. Búl Iran tóniregindegi qaqtyghysqa qatysty kelissózderding basty taqyrybyna ainaluy kerek. Biraq qazir jahandyq sauda mәselesin talqylaugha kóship kettik. Qiyndyqtargha qaramastan, ghalamdyq sauda-sattyq kólemi ósip keledi. Byltyrdyng ózinde ósim 2,5 payyzdy qúrady. Yaghny әlemdik saudadaghy jaghday jaman emes. Alayda sauda-sattyqtyng sapasy men mazmúny – ýlken problema, – dedi Qasym-Jomart Toqaev.

Abai.kz