Tergep-tekseru barysynda batalion komandiyrining orynbasary qarudy paydalanu kezinde qauipsizdik talaptarynyng saqtaluyn qamtamasyz etpegeni anyqtaldy.  

Almaty garnizonynyng әskery sotynda Taldyqorghan garnizonyndaghy әskery bólimderding birinde merzimdi әskery qyzmet ótkergen sarbazdyng qaza bolu faktisine qatysty qylmystyq isti qarau ayaqtaldy.

2025 jylghy 23 qyrkýiekte jeke qúramnyng qarumen júmys isteu barysynda pulemetten abaysyzda oq atylyp, onyng saldarynan oq jaraqatyn alghan qatardaghy jauynger Seytqaly Á., qaytys boldy.

Is boyynsha qadaghalaudy jýrgizu barysynda әskery prokurorlar qayghyly oqighanyng barlyq mәn-jaylaryn anyqtaugha jәne dәleldemelerdi jinaqtaugha baghyttalghan qajetti tergeu jәne prosestik әreketterding tolyq jýrgiziluin qamtamasyz etti.

Tergep-tekseru barysynda batalion komandiyrining orynbasary qarudy paydalanu kezinde qauipsizdik talaptarynyng saqtaluyn qamtamasyz etpegeni, sonday-aq aldynghy ótkizilgen atystardan keyin qarudy tolyq tekserudi úiymdastyrmaghany anyqtaldy. Sonyng saldarynan únghyda qalyp qoyghan oq әskery qyzmetshining qazasyna sebep boldy.

Sot talqylauynyng qorytyndysy boyynsha atalghan lauazymdy túlgha Qylmystyq kodeksting 453-babynyng 2-bóligimen (auyr zardaptargha әkep soqqan qyzmetke salghyrt qarau) kinәli dep tanylyp, 4 jylgha bas bostandyghynan aiyru jazasyna sottaldy.

Ýkim zandy kýshine engen joq.

Abai.kz