«Sóz — marjan, dauysym dauyl, әnim asqaq…». Búdan bir jarym ghasyrday búryn shyqqan búl sózding mәn-maghynasyn búrnaghy kýni bildik.

Búnday biyiktik býginde Dimashqa jarasar. Qazirde kýlli әlem ýshin әn ónerinde jan barmaghan biyiktik bolsa – adam dauysynyng súlulyghy men kendiginde shyn mәnindegi qúbylys bolsa – eger ony jahandaghy segiz milliard kisiden bir adam ghana jasasa – sol segiz milliardtan bir birlik – ol bizding úl – Dimash Qúdaybergen!

Qaton-Qaraghaygha – Tór Altaydaghy Búqtyrmanyng boyyna ónerli nókerlerimen kóship kelgen Dimash Qanatúly baytaq Otanynyng tu shyghysynda, alyp kemening úshar basynda, aidarynda aiqaylatyp túryp, ghajayyp konsert qoydy.

Konsert bolghanda da biz odan Niu-Yorktegi «Madison Square Garden», Mehikodaghy «Palacio de los Deportes», Barselonadaghy «Olimpic Arena Badalona» (búl arenada bolyp em), Londondaghy «OVO Arena Wembley», Berlindegi «Max-Schmeling-Halle» taghy sonday әlemning eng iri shaharlaryndaghy konsertteri siyaqty tartymdy baghdarlamamen keremet qúlshynystaghy Dimashty kórdik. Dimashymyzdyng biz әlginde ataghan qalalardan góri Qaton-Qaraghayyn qattyraq sýietinin kórdik.

Úlymyzdyng ghajayyp dauysynan, әr qimyl, әr sózinen qazaghyna, Qazaqstanyna, onyng sonau qiyr týkpirindegi auylyna, kýlli týrkining Altayyna degen alyp úshyp túrghan mahabbatty kórdik.

Dala jaghdayyna qúrghan alyp sahnanyng aldynda tenizdey tolqyghan qazaqty, onyng ruhyn, onyng óz úlyna, onyng biyik ónerge degen ólsheusiz qúrmetin kórdik.

Bizding últtyng toptasa alatynyn, jinala alatynyn, jaqsylyqqa talpynysyn, kórkemdikke qúlshynysyn, eng qyzyghy sol ýshin osynshama qiyangha qinalmay jetetin qazaqtyng kóptigin, qatarynyng qalyndyghyn kórdik. Kensirigimiz ashyp, kózimiz búldyrap, aqyn jýregimiz atqalaqtap tolqyp túrdyq.

Bizding әn úranymyzda Júmeken aitqanday, «tughan jerim mening – Qazaqstanym» dep soghyp túrghan jýrekti kórdik. Sol Júmeken tughan Qighashtan, Qúdaybergen tughan Qobdagha, odan osy Oralhan tughan Búqtyrmagha deyingi kez-kelgen auyl osyndaghy әr qazaqtyng tughan jeri ekenin sezip túrdyq. Eger óz tughan jerindey biyik qasterlemese Dimash Qanatúlynyng Barselonada ótken konserti búl Búqtyrmada ótpes pe edi?..

«Búlbúlmyn, dausym kókte damyldaghan» dep әnshi Áset әn salghanda dauysy alty qyrdan ary ketedi deytin kórgen qariyalar.

Býgin múnda Dimash әn shyrqaghanda Altaydyng qong búlttary agharyp, әppaq shýkege ainalyp, qalyqtap shyng basyndaghy qargha qaray bayau jyljyp bara jatqanyn kórdik.

Órkening óssin, Dimash úl!

Qosymsha: Túsymyzdan ótip bara jatqan Dimash úl sәlem bergende, Jýrsin agha әlde neni esine alyp, oilanyp qalghanyn әleumettik jeliden bayqadynyzdar. Dimashty kórgende japa-tarmaghay telefonyn kóldeneng ústaghan júrt tyna qalghanda, Jýkeng súrauly jýzime qarap sәl jymiyp sóz bastady.

— Dimashtyng Astanadaghy túnghysh konsertinde Asanali ekeumiz «ludjada» otyr edik, Imanghaly kirip keldi. Qasynda Igori bar eken, tanystyryp jatyr. Men sәlemin eleusiz alghan keyipte bizding bala bolmasa, sening «krutoy» týging de joq eken dedim,— dep jymidy.

Jýrsin agha jalpyldap amandasyp, balpyldap bata beretin diuana rәuishti shal emes. Esesine TMD-nyng Igori Krutoyyna: «Bizding úldyng qasynda eshkim emessin», - deytin adam. Bata bermedi dey me?! Odan onday keyip kýtpender.

Órel — Óskemen — Almaty

Almas Ahmetbekúly

Abai.kz