TMD-gha qatysushy memleketterding Parlamentaralyq Assambleyasy missiyasy qazaqstandyqtardyng Qúryltay saylauyna qatysu belsendiligin joghary baghalady. Týske deyingi bayqau qorytyndysy boyynsha delegasiya qanday da bir zang búzushylyqtardyn anyqtalmaghanyn aitty.

Saylau kezeninde jәne dauys beru kýni missiya qúramynda 69 bayqaushy júmys istep jatyr. Olardyng bir bóligi Astanadaghy saylau uchaskelerinde, sonday-aq Qazaqstannyng shet memleketterdegi diplomatiyalyq ókildikteri janynan ashylghan 9 sheteldik saylau uchaskesinde bayqau jýrgizdi. Búl turaly halyqaralyq bayqaushylargha jәrdemdesu ortalyghynda ótken brifingte Ázirbayjan Milly Medjliysining qorghanys, qauipsizdik jәne sybaylas jemqorlyqqa qarsy kýres komiytetining mýshesi Sabina Salmanova mәlimdedi.

Astanada TMD PAA bayqaushylary tanertennen beri kem degende 13 saylau uchaskesin aralaghan. Olardyng qatarynda №130, №175, №485 jәne №193 uchaskeleri bar.

«Tanghy uaqyttan-aq saylaudyng úiymdastyryluy ghana emes, azamattardyng belsendiligi de meni tanghaldyrdy. Dauys beruge egde jastaghy adamdar da, jastar da kelip jatyr. Uchaskelerde últtyq bayqaushylar da boldy, biz olarmen sóilestik. Olardyng arasynda sayasy partiyalardan da, qoghamdyq úiymdardan da kelgen bayqaushylar bar», – deydi Sabina Salmanova.

Armeniya Últtyq Jinalysynyng ókiletti ókili Ayk Chilingaryan dauys beru prosesi zannama talaptaryna sәikes ótip jatqanyn atap ótti.

«Biz saylau uchaskelerining ashyluyna qatystyq, onda jergilikti bayqaushylar boldy. Birneshe uchaskede partiyalardyng senim bildirilgen ókilderimen de sóilestik. Bir uchaskede halyqaralyq bayqaushylardy kezdestirdik. Ángime barysynda barlyghy saylaudyng tynysh, eshqanday zang búzushylyqsyz ótip jatqanyn rastady. Osynday pikirdi jergilikti úiymdardyng bayqaushylary men osy saylaudaghy kandidattar shtabtarynyng senim bildirilgen ókilderi de bildirdi», – dedi Chilingaryan.

Missiya mýshesi sonday-aq barlyq uchaskelerde bayqaushylargha berilgen esepten shygharu kuәlikteri turaly aqparat úsynylatynyn aitty. Ayk Chilingaryannyng sózinshe, әr uchaskede orta eseppen osynday shamamen 10 kuәlik berilgen, al taghy bes kuәlikti sol uchaskede dauys beru ýshin saylaushylar ózderi úsynghan.

Qazaqstandyqtardyng saylaudaghy joghary belsendiligin Resey Federaldyq Jinalysy Federasiya Kenesining әleumettik sayasat jónindegi komiyteti tóraghasynyng orynbasary Yuliya Lazutkina da atap ótti.

«Halyq, saylaushylar dauys beruge yqylaspen, kóterinki kónil kýimen kelip jatyr. Biz barghan barlyq uchaskelerde tirkelgen saylaushylar sany aitarlyqtay kóp ekenin bayqadyq. Erekshe atap ótkim keletini, biz bolghan 13 uchaskening birde-birinde ýide dauys beruge ótinish týspegen. Yaghny adamdar saylau uchaskesine ózderi kelip, óz erkin bildiruge niyetti. Bizben birge birneshe halyqaralyq bayqaushy da boldy. Qazirgi sәtte biz barghan uchaskelerde eshqanday zang búzushylyq anyqtalghan joq», – dedi ol.

Bayqaushylar uchaskelik saylau komissiyalary mýshelerining kәsibiyligine de joghary bagha berdi. Resey Memlekettik Dumasynyng TMD isteri, Euraziyalyq integrasiya jәne otandastarmen baylanys jónindegi komiyteti tóraghasynyng birinshi orynbasary Kazbek Taysaevtyng aituynsha, saylau uchaskelerinde mýmkindigi shekteuli azamattar ýshin barlyq qajetti jaghday jasalghan.

«Býgingi saylaugha qatysu dengeyi bizdi jaghymdy tanghaldyrdy. Kóptegen uchaskelerdi araladyq. Biz bolghan uchaskelerde eshqanday zang búzushylyq anyqtalghan joq. Kerisinshe, Ortalyq saylau komissiyasyna óte sauatty әri bilikti komanda qalyptastyryp, dayynday alghany ýshin alghys aitqymyz keledi. Uchaskelik komissiya tóraghalary kez kelgen tuyndaghan súraqqa jauap beruge dayyn, bilikti, sauatty mamandar. Sondyqtan eshqanday qiyndyq joq, adamdar tynysh kelip, dauys berip jatyr», – dedi TMD PAA missiyasynyng mýshesi.

Ol sonday-aq jastardyng dauys beruge belsendi qatysyp jatqanyn jәne olardyng óz tandauyna sanaly týrde qaraytynyn atap ótti. «Dostarymnyn, әriptesterimning pikirin qoldaymyn. Saylaugha qatysu dengeyi shynymen de layyqty. Ásirese kóptegen jastyng sanaly týrde kelip, ne ýshin jәne qay partiyagha dauys berip jatqanyn jaqsy biletini quantady», – dep qorytyndylady Kazbek Taysaev.

Abai.kz