Qazaqstanda kitap oqu mәdeniyetin damytugha baghyttalghan «Kitap oqityn últ» respublikalyq marafonynyng sifrlyq mýmkindikteri keneyedi. Osy maqsatta «Kitap oqityn últ – Chitaishaya nasiya» qoghamdyq qory men «Bilim Group Ltd» JShS yntymaqtastyq turaly memorandumgha qol qoydy.

Qújatqa «Kitap oqityn últ – Chitaishaya nasiya» qoghamdyq qorynyng Tóraghasy Baqytjan Túrlybekov pen «Bilim Group Ltd» JShS Bas diyrektory Aleksandr Savchenko qol qoydy.

Memorandum ayasynda KITAP sifrlyq oqyrmandyq platformasy «Kitap oqityn últ» marafonynyng sifrlyq seriktesi retinde joba qatysushylarynyng elektrondyq jәne audiokitaptargha qoljetimdiligin keneytuge baghyttalghan birqatar bastamany qoldaydy.

Búl yntymaqtastyqtyng negizgi maqsaty – dәstýrli kitap oqudy zamanauy sifrlyq mýmkindiktermen úshtastyryp, Qazaqstan túrghyndary ýshin kitapty әrtýrli formatta qoljetimdi etu jәne túraqty oqu mәdeniyetin damytu.

«Bizding maqsatymyz – kitap oqudy jekelegen adamdardyng jeke әdeti dengeyinen kóterip, qoghamnyng ortaq mәdeny qúndylyghyna ainaldyru. Ol ýshin oqyrmangha kitapty ózine ynghayly formatta oqugha mýmkindik beru manyzdy. KITAP platformasymen seriktestik “Kitap oqityn últ” marafonynyng osy baghytyn kýsheytip, elektrondyq jәne audiokitaptargha qoljetimdilikti keneytuge mýmkindik beredi», – dedi «Kitap oqityn últ – Chitaishaya nasiya» qoghamdyq qorynyng Tóraghasy Baqytjan Túrlybekov.

Yntymaqtastyq ayasynda marafon qatysushylaryna KITAP platformasyndaghy elektrondy kitaptar, audiokitaptar jәne basqa da sifrlyq kontentter qoljetimdi bolady. Oqu jәne tyndaumen qatar, platforma memlekettik tildi qoldaugha baghyttalghan qúraldardy da úsynady. Atap aitqanda, kitap mәtinining ishinde sózder men sóz tirkesterining audarmasy men maghynasyn týsindiretin qazaqsha-oryssha kiriktirilgen sózdik bar.

Sonymen qatar, kiriktirilgen jasandy intellekt chaty oqylghan kitapty talqylaugha, onyng mazmúny boyynsha súraqtar qoygha jәne kitapty terenirek týsinuge mýmkindik beredi. Búl qúraldy, sonyng ishinde, bilim beru maqsatynda da paydalanugha bolady. Jekelendirilgen úsynystar jýiesi oqyrmannyng qyzyghushylyqtary men talghamyna qaray kitaptardy iriktep úsynady. Al oqu statistikasy oqyrmangha óz progresin baqylaugha jәne túraqty oqu әdetin qalyptastyrugha kómektesedi.

Sonday-aq taraptar joba qatysushylaryna arnalghan arnayy kitap toptamalary men sifrlyq úsynystardy әzirleu mýmkindigin qarastyruda.

«Sifrlyq tehnologiyalar kitapty oqyrmangha jaqyndatudyng jana mýmkindikterin qalyptastyryp otyr. KITAP platformasynyng “Kitap oqityn últ” marafonyna qosyluy arqyly biz oqyrmandargha elektrondyq jәne audiokitaptardy paydalanudyng qolayly mýmkindikterin úsynugha jәne kitap oqu tәjiriybesin zamanauy formattarmen tolyqtyrugha ýles qosamyz. Biz ýshin eng manyzdysy – kitap oqugha niyetti adamgha qajetti kontentti ynghayly әri qoljetimdi týrde úsynu», – dedi «Bilim Group Ltd» JShS Bas diyrektory Aleksandr Savchenko.

«Kitap oqityn últ» – Qazaqstanda kitap oqu mәdeniyetin nasihattaugha, azamattardyng túraqty oqu daghdysyn qalyptastyrugha jәne kitapqa qyzyghushylyqty arttyrugha baghyttalghan respublikalyq marafon.

Taraptardyng pikirinshe, kitap oqudy sifrlyq mýmkindiktermen úshtastyru oqyrmandardyng kitapqa qoljetimdiligin keneytip qana qoymay, Qazaqstandaghy oqu mәdeniyetin jana formattar arqyly damytugha jol ashady.

Abai.kz