TMD mýshelerining turistik әleuetin nyghaytu boyynsha jana tetikter engizilui mýmkin. Búl mәsele Ystyqkólde ótken TMD Memlekettik aqparat agenttikteri basshylary kenesining XXXV otyrysynda keninen talqylandy.

Jiynda Kazinform agenttigining basqarushy diyrektory Naghashybek Aldan aqparat agenttikteri arasynda turistik kontent almasudy jýieli týrde jolgha qoidy úsyndy. Sonyng ishinde osy baghytqa jauapty ýilestirushilerdi belgileu qajettigin atap ótti.

— Árqaysymyzdyng aqparattyq resurstarymyzdyng mýmkindigi zor jәne óz elderimizdegi jetekshi mediaresurstardyng biri bolyp sanalady. Biyl Qazaqstan boyynsha auqymdy júmys jýrgizdik. Atap aitqanda, tilshilerimiz turistik ónirlerge baryp, qyzmetterding qúny, infraqúrylym jәne demalys jaghdaylary t. b. taqyryptarda jan-jaqty materialdar әzirledi. Biz búl kontentti әriptesterimizben bólisuge dayynbyz. Turizm taqyrybyna jauapty jeke ýilestirushini belgileu múnday júmystardy jýieli әri tiyimdi etuge mýmkindik beredi, — dedi Naghashybek Aldan.

Al TASS bas diyrektory Andrey Kondrashov últtyq aqparat agenttikterining atalghan baghyttaghy ózara is-qimylyn jandandyru iydeyasyn qoldady. Onyng aituynsha, TMD elderining turistik әleueti zor bolghanymen, key mәseleler boyynsha kórshiles memleketterding túrghyndaryna әli de jetkilikti dengeyde aqparat berilip jatqan joq.

— Býginde biz bir-birimiz ýshin búghan deyin ózimiz de bilmegen orasan zor turistik mýmkindikterdi ashyp jatyrmyz. Árqaysymyzdyng elimizdegi turistik oryndargha kórshiles halyqtardyng qyzyghushylyghy artyp keledi. Onday jerlerding qataryna tarihy nysandar da, zamanauy turistik klasterler de kiredi. Búl saladaghy júmysty odan әri kýsheytip, elderimizdegi turistik oryndar jayynda barynsha keng auqymda aqparat beruimiz kerek, — dedi Andrey Kondrashov.

Qyrghyz últtyq «Kabar» aqparat agenttigining diyrektory Mederbek Shermetaliyev te búl taqyryptaghy ústanymyn mәlimdedi. Onyng sózinshe, Qyrghyzstan VI Dýniyejýzilik kóshpendiler oiyndaryna dayyndalyp jatyr. Shermetaliyev TMD elderining aqparat agenttikterin aldaghy halyqaralyq is-sharany kórsetude aqparattyq qoldau bildiruge shaqyrdy.

— Dýniyejýzilik kóshpendiler oiyndary — halyqaralyq manyzy bar auqymdy shara. Biz ýshin onyng Qyrghyzstannan tys jerlerde keninen nasihattaluy óte ózekti mәsele. TMD elderining aqparat agenttikteri atalghan doda turaly janalyqtardy, reportajdardy jәne basqa da materialdardy túraqty týrde jariyalap otyrsa, biz búghan óte riza bolar edik, — dedi Mederbek Shermetaliyev.

Jiyngha qatysushylar turistik kontentti jýieli týrde almasyp otyrudyng tiyimdiligine toqtaldy. Onday әriptestik TMD elderining túrghyndaryn jana turistik baghyttar men nysandar turaly keninen habardar etuge mýmkindik beredi. Sonyng arqasynda turistik aghyn da artady.

Ayta keteyik, búghan deyin TMD memleketteri әskery ózara is-qimyldy kýsheytu jónindegi qújattargha qol qoyghanyn jazghanbyz.

Derekkózi: Qazaqparat agenttigi

Abai.kz