Biyl Almaty Marathon ayasyndaghy ekologiyalyq baghdarlama birden birneshe kezende – starttyq jiyntyqtardy taratu kezinde, jarys jolynda jәne mәrege jetu aimaghynda úiymdastyryldy. Búl turaly «Eco Almaty» JShS ókilderi habarlady.

Mәrege jetu aimaghynda Eco Network alany júmys istep, qatysushylar men qonaqtargha qaldyqtardy bólek jinau turaly aqparat berildi. Sonday-aq qayta óndeuge qanday qaldyq týrlerin tapsyrugha bolatyny kórsetildi.

Baghdarlama ayasynda plastik qaqpaqtardy qayta óndeu ýderisi de kórsetildi. Kelushiler plastikting qalay súryptalyp, keyin qayta paydalanugha dayyndalu ýshin úsaqtalatynyn kórdi. Múnda qayta óndelgen shiykizattan jasalghan búiymdar, sonyng ishinde «Men Almatyny jaqsy kóremin» jәne «Marafongha jýgiremin» toptamalarynan breloktar úsynyldy.

Balalar ýshin qaldyqtardy súryptau jәne qayta óndeuge arnalghan ekologiyalyq viktorinalar men bayqaular úiymdastyryldy.

Qayta óndeuge jaramdy qaldyqtar jarys jolynyng boyynda da jinaldy. Su beru nýktelerinde eriktiler paydalanylghan plastik bótelkeler men staqandardy jinady. Marafon ayaqtalghannan keyin olar súryptalyp, ólshenip, qayta óndeuge jiberiledi.

Júmys Almaty Marathon Expo kezinde bastaldy. Starttyq jiyntyqtardy taratu kýnderi Eco Network eriktilermen birlesip, karton qoraptar men basqa da qaptama qaldyqtaryn jinap, keyin súryptau jәne qayta óndeu ýshin ótkizdi.

Abai.kz