Jetisu oblysynda «Zang men tәrtip» tújyrymdamasyn iske asyru ayasynda «Enbekpen – tәrtipke, tәrtippen – tabysqa» atty oblystyq bos júmys oryndary jәrmenkesi ótti.

Jәrmenkege 100-den astam júmys berushi qatysyp, júmys izdeushilerge 700-den astam bos júmys orny úsynyldy. Jәrmenke qorytyndysynda 400-ge juyq azamat júmyspen qamtu sharalaryna joldanyp, onyng ishinde 200-den astam azamat túraqty júmysqa ornalasty. Sonymen qatar 200-ge juyq azamatty subsidiyalanatyn júmys oryndaryna, onyng ishinde «Jastar praktikasy», «Kýmis jas», «Qoghamdyq júmystar» jobalaryna joldau josparlanghan.

Is-sharanyng basty maqsaty – júmys berushiler men júmys izdeushi azamattar arasynda tikeley baylanys ornatu, layyqty júmys ornyn tabugha kómektesu, sonday-aq halyqtyng enbek qúqyqtary, resmy júmysqa ornalasu mýmkindikteri men memlekettik qoldau sharalary turaly aqparattandyryluyn arttyru.

Is-sharagha qatysqan oblys әkimining orynbasary Marlen Kólbaev enbek adamnyng óz mýmkindikterin jýzege asyruyna, otbasynyng әl-auqatyn qamtamasyz etuge, sonday-aq qogham men memleketting damuyna ýles qosuyna mýmkindik beretin manyzdy qúndylyq ekenin atap ótti.

– Enbek nәtiyjeli boluy ýshin tәrtipti saqtap, óz mindetterine jauapkershilikpen qarap, zang talaptaryn oryndau kerek. «Zang jәne tәrtip» qaghidaty – qoghamdaghy qauipsizdik pen túraqtylyqtyn, әdildik pen zang ýstemdigining basty negizderining biri. Býgingi jәrmenkening «Enbekpen – tәrtipke, tәrtippen – tabysqa» degen atauy onyng negizgi iydeyasyn aiqyn kórsetedi. Adal enbek, tәrtip, zandy saqtau jәne jauapkershilik – túraqty júmyspen qamtu men azamattardyng әl-auqatyn qamtamasyz etuding manyzdy sharttary, – dedi M. Kólbaev.

Jәrmenkede ónirdegi kәsiporyndar, shaghyn jәne orta biznes subektileri, memlekettik mekemeler, bilim beru, densaulyq saqtau jәne basqa da salalardyng úiymdary bos júmys oryndaryn úsyndy. Olardyng qatarynda ónirdegi 20-dan astam iri jәne orta kәsiporyn, Atap aitqanda, «Qaynar AKB», «Temirbeton», «Metakon», «ALACEM», «JLC Sýt», «ASMA Industrial», Taldyqorghan kabeli zauyty, Kóksu qant zauyty, «Almaz Keramiks» JShS jәne basqa da kәsiporyndar bar.

Jәrmenkege qatysushylar kompaniya ókilderimen tikeley tildesip, enbek jaghdaylary, ýmitkerlerge qoyylatyn talaptar, jalaqy dengeyi jәne kәsiby damu mýmkindikteri turaly aqparat aldy.

Is-shara barysynda mýgedektigi bar azamattardy, júmyssyzdardy jәne tehnikalyq jәne kәsiptik bilim beru úiymdarynyng týlekterin júmysqa ornalastyrugha erekshe kónil bólindi.

Sonymen qatar probasiya qyzmetining esebinde túrghan, sonday-aq qylmystyq-atqaru jýiesi mekemelerinen bosap shyqqan azamattardy júmysqa ornalastyrugha jәrdemdesu baghytynda júmystar jýrgizildi. Túraqty júmyspen qamtu – olardyng әleumettik beyimdelui men qúqyq búzushylyqtardyng aldyn aludyng manyzdy faktorlarynyng biri.

Jәrmenke barysynda azamattargha «Kýmis jas», «Áleumettik júmys oryndary», «Jastar praktikasy», «Qoghamdyq júmystar» jobalary boyynsha subsidiyalanatyn júmys oryndaryna ornalasu mýmkindikteri týsindirildi. Sonymen qatar qatysushylar qysqa merzimdi kәsiptik oqudan ótu mýmkindikteri turaly aqparat aldy.

Tehnikalyq jәne kәsiptik bilim beru úiymdarynyng studentteri ýshin «Mansap kompasy» platformasyn paydalanyp, kәsiptik baghdar beru boyynsha konsulitasiyalar berildi. Jastargha Skills Enbek platformasynda bilim alu mýmkindikteri, sonday-aq Elektrondyq enbek birjasy arqyly bos júmys oryndaryn izdeu jәne júmysqa ornalasu joldary týsindirildi.

Júmys berushiler ýshin jәrmenke әleuetti qyzmetkerlermen tikeley baylanys ornatyp, qajetti mamandardy irikteuge mýmkindik beretin tiyimdi alangha ainaldy.

- Biz eki bos júmys ornyn: jylu energetikasy injeneri jәne elektrgazben dәnekerleushi júmysyn úsynyp otyrmyz. Múnday jәrmenkeler shynymen de nәtiyjeli ótetinin tәjiriybemiz kórsetip otyr. Múnda adam birden birneshe úsynyspen tanysyp, ózine qolayly júmysty tanday alady, - dedi «Taldyqorghanjyluserviys» KMK mamany Araylym Múhamer.

Keybir qatysushylar ýshin memlekettik qoldau nәtiyjelerining biri – óz isin ashu. Mәselen, Eskeldi audanynyng Abay auylynan kelgen jas kәsipker Serik Júmabek óz tәjiriybesimen bólisti. Ol Enbek naryghyn damytu tújyrymdamasy ayasynda 1,5 mln tenge kóleminde qaytarymsyz memlekettik grant alyp, qarajatty mal sharuashylyghyn damytugha baghyttaghan.

- Búl qarajatqa ýsh qúlyndy bie satyp alyp, osylaysha jylqy sanyn kóbeyttik. Qymyz satamyz, mausym kezinde saumal satamyz. Eki kózim de nashar kóredi. Soghan qaramastan enbek etuge ýirengenmin, bala kezimnen jylqy baghyp kelemin. Múny otbasylyq kәsibimiz deuge bolady. Grant osy isti әri qaray damytugha, ózimiz jaqsy kóretin jylqy sharuashylyghymen ainalysugha mýmkindik berdi. Sonymen qatar qolónermen de ainalysamyz, jýgen jasaymyz. Enbek etken adam onyng jemisin de kóredi, – deydi kәsipker.

Osylaysha, memlekettik qoldau azamattargha júmysqa ornalasu, kәsiby túrghyda damu jәne óz kәsibin bastau ýshin qosymsha mýmkindikter beredi.

Jalpy, oblystyq bos júmys oryndary jәrmenkesine 789 júmyssyz azamat qatysty. Olardyng ishinde probasiya qyzmetining esebinde túrghan 66 azamat jәne 300-den astam jas bar.

Atap ótsek, probasiya qyzmetining esebinde túrghan azamattardy jәne әleumettik osal sanattaghy túrghyndardy júmysqa ornalastyrugha jәrdem kórsetken kәsiporyn basshylary Alghys hattarmen marapattaldy.

Abai.kz