Balasyn qymbat aqyly mektepte oqytatyn, tabysy joghary otbasylar memleketten jәrdemaqy almaydy. Qazaqstanda әleumettik tólemderdi taghayyndaudyng jana tәsilin engizu kezinde osynday ústanym qarastyrylyp jatyr. Negizgi maqsat – budjet qarajatyn materialdyq jaghdayy jaqsy azamattargha emes, memlekettik qoldaugha shynymen múqtaj otbasylargha baghyttau.

Jospar boyynsha memlekettik jәrdemaqylardyng 14 týrin taghayyndau kezinde otbasynyng naqty әl-auqaty eskeriledi. Yaghny azamattyng resmy tabysymen ghana shektelmey, otbasynyng jalpy materialdyq jaghdayyn baghalau kózdeledi.

Mәselen, otbasy balasyn aqyly mektepte oqytugha, qymbat mýlik ústaugha nemese basqa da iri shyghyndardy kóteruge mýmkindigi bolsa, oghan budjet esebinen әleumettik qoldau kórsetu qanshalyqty negizdi degen mәsele tuyndaydy.

Osy bastamagha Qúryltay deputaty Ashat Rahymjanov ta pikir bildirdi. Onyng aituynsha, memlekettik kómek eng aldymen oghan naqty múqtaj adamdargha jetui kerek.

«Kýnkórisi tómen otbasygha beriletin jәrdemaqy men tabysy joghary top-menedjerding otbasyna tólenetin jәrdemaqynyng mindeti eki bólek. Ekinshi jaghdayda ol әleumettik qoldau emes, budjetten beriletin qosymsha qarajatqa ainalady», – deydi deputat.

«Jalpyúlttyq sosial demokratiyalyq partiyanyng ústanymy әleumettik-demokratiyalyq әdilettilik qaghidatyna negizdeledi. Adam neghúrlym kóp tabys tapsa, salyq arqyly ortaq budjetke soghúrlym kóp ýles qosady. Al memleket qoldaudy oghan múqtaj azamattargha baghyttaydy.

Alayda jana tәrtip azamattargha qosymsha burokratiyalyq salmaq týsirmeui tiyis», - deydi Qúryltaydaghy JSDP fraksiyasynyng jetekshisi.

Deputat, otbasy ózining múqtaj ekenin dәleldeu ýshin birneshe mekemeden anyqtama jinamauy kerek, qajetti mәlimetter memlekettik aqparattyq jýielerden avtomatty týrde alynuy qajet dep esepteydi.

Sonymen birge otbasynyng tabysy belgili bir mejeden sәl ghana asqan jaghdayda barlyq kómekti birden toqtatpau úsynylady. Óitkeni múnday jýie azamatty resmy júmys isteuge nemese naqty tabysyn kórsetuge yntalandyrmauy mýmkin.

Sonday-aq deputat,  jýiening nәtiyjesi ashyq jariyalanuy kerek, dep otyr. Yaghny pilottyq joba barysynda qansha otbasy kóbirek qoldau alghany, qanshasyna jәrdemaqy berilmeytini, onyng sebebi jәne qansha azamat qabyldanghan sheshimge shaghymdanghany kórsetilui tiyis. Jýie iske qosylghannan keyin onyng nәtiyjesine qaray týzetilip otyruy qajet.

Negizgi qaghida – budjet qarajatyn ýnemdeu ýshin jәrdemaqyny jappay qysqartu emes, memlekettik kómekti oghan shynymen múqtaj azamattargha baghyttau. Jәrdemaqy kýnkórisin әreng qamtamasyz etip otyrghan otbasygha qajet qoldau boluy kerek, al tabysy joghary otbasy ýshin ol budjet esebinen beriletin mindetti emes qosymshagha ainalmauy tiyis.

Abai.kz