Astanada Qazaqstan men Qytay mәdeniyetining toghyspaly jylynyng jabylu saltanaty ótti.

Qaliybek Quanyshbaev atyndaghy Qazaq últtyq muzykalyq drama teatrynda eki elding óner sheberlerining qatysuymen konsert ótti. Kópshilik Qazaqstan men Qytaydyng bay mәdeny dәstýrin tanytatyn taqyryptyq kórmeni tamashalady.

Is-sharagha QR Mәdeniyet jәne aqparat ministri Arman Qyryqbaev, QHR-dyng Qazaqstandaghy uaqytsha senimdi ókili Chen Kefani, QR Syrtqy ister ministrining orynbasary Arman Isaghaliyev, diplomatiyalyq korpus ókilderi, mәdeniyet jәne óner qayratkerleri qatysty. 

Arman Qyryqbaev eki el arasyndaghy qarym-qatynastyng tarihy terende jatqanyn jәne halyqtar dostyghyn nyghaytuda mәdeniyetting orny erekshe ekenin atap ótti.

«Qazaqstan men Qytay halyqtarynyng tarihy baylanystary terennen bastau alady. Myng jyldyq tarihy bar Úly Jibek joly halyqtarymyzdy baylanystyryp, sauda-sattyqtyng damuyna, mәdeniyetterding yqpaldasuyna, bilim men ghylym jetistikterining almasuyna zor yqpal etti. Osy ortaq tarihy bekem baylanys býginde halyqtarymyz arasyndaghy dostyq pen mәdeny dialogty nyghaytudyng manyzdy negizine ainalyp otyr.  

Memleket basshylary Qasym-Jomart Kemelúly Toqaev pen tóragha Sy Szinipinning dostyq pen ózara senimge negizdelgen qarym-qatynasy arqasynda ekijaqty yntymaqtastyq mýldem jana mazmúngha ie boldy. Biylghy mәdeniyetter toghyspaly jyly ayasynda halyqtarymyzdyng bir-birining mәdeniyetine, dәstýri men tarihyna degen qyzyghushylyghy arta týsti. 

Óner – últ pen últty, el men eldi jaqyndastyrady. Sondyqtan býgingi Qazaqstan men Qytay mәdeniyetining toghyspaly jylynyng jabylu saltanatyn belgili bir kezenning ayaqtaluy emes, kerisinshe jana mәdeny bastamalargha jol ashatyn manyzdy beles dep bilemiz», – dedi ministr.

Chen Kefani mәdeniy-gumanitarlyq baylanysty odan әri damytudyng manyzyna toqtaldy. Óz sózinde ol kelesi jyly Qazaqstan men Qytay arasynda diplomatiyalyq qatynas ornaghanyna 35 jyl tolatynyn aityp, Qytay tarapy mәdeniyet, turizm, jastar sayasaty, ghylym jәne bilim salalaryndaghy yntymaqtastyqty terendetuge dayyn ekenin jetkizdi.

Jyl ishinde Qazaqstan men Qytayda 40-qa juyq mәdeny is-shara úiymdastyryldy. Olardyng qatarynda Chjeszyan provinsiyasynyng muzeyinde ótken «Úly dala kóshpelilerining mәdeniyeti» kórmesi, Almatyda Shanhay óner kolleksiyasy muzeyimen birlesip úiymdastyrylghan kórme, Beyjinde Últtyq dombyra kýnine, Abay kýnine jәne Jambyl Jabaevtyng 180 jyldyghyna arnalghan is-sharalar bar.

Mәdeny ortalyqtardyng qyzmetin damytu –  yntymaqtastyqtyng manyzdy baghyttarynyng biri. Beyjindegi Qazaqstan mәdeny ortalyghy qytay júrtshylyghyn elimizding mәdeniyetimen tanystyryp keledi. Jyl sonyna deyin Astanada Qytay mәdeny ortalyghy ashylmaq.

Konsertte Medet Shotabaev, Ruhiya Baydýkenova, «Birlik» by ansambli, Kýlәsh Bayseyitova atyndaghy Qazaq últtyq óner uniyversiytetining dombyrashylar ansambli, Ninbo qalalyq әn jәne by teatrynyng solisteri Chjao Lu men Suy Yunszya óner kórsetti.

Konsert baghdarlamasynda qazaq kompozitory Baqytjan Bayqadamov pen kórnekti qytay kompozitory Syani Sinhaydyng dostyghy airyqsha oryn aldy. Kompozitorlardyng shygharmashylyq baylanysy – eki halyqtyng bir-birine kórsetken riyasyz qoldauynyng jarqyn ýlgisi. Keshte osy dostyq tarihyna arnalghan horeografiyalyq qoyylym men fotokórme úsynyldy.

Kópshilik Qytaydyng dәstýrli óneri men qolóner búiymdaryn, sonyng ishinde Ninbo farforyn, sәndik shamdar men órip jasalghan qonyraulardy tamashalady.

Qazaqstan men Qytay mәdeniyetining toghyspaly jyly 2026 jylghy 31 nauryzda Beyjinde ótken saltanatty gala-konsertpen ashylghan bolatyn.

Is-sharany Qazaqstan Respublikasynyng Mәdeniyet jәne aqparat ministrligi Qytay Halyq Respublikasynyng Mәdeniyet jәne turizm ministrligimen birlesip úiymdastyrdy.

Abai.kz