Almatyda jalpy somasy 348 mln tenge bolatyn grant 23 jobagha berildi.

Jenimpazdar qatarynda jer silkinisin erte anyqtau, auanyng lastanuyn baqylau, jol qozghalysy qauipsizdigin arttyru, qala infraqúrylymyn damytu jәne jasandy intellektini engizuge baghyttalghan jobalar bar.

Ýzdik joba avtorlaryna sertifikattar 11 qarashada Almaty qalasy әkimdigi janyndaghy Ghylym jәne tehnologiyalar jónindegi kenesting otyrysynda tabystaldy. Búl turaly qalalyq Jastar sayasaty basqarmasynyng ókilderi aitty.

Ghylymdy damytu jәne innovasiyany engizu júmystary ayasynda múnday bayqau alghash ret úiymdastyryldy. Bayqaugha barlyghy 229 ótinim týsken. Aldyn ala irikteuden keyin 191 joba kelesi kezenge ótti. Qatysushylar bes aptalyq akselerasiyalyq baghdarlamadan ótip, jobasyn jetildirip, sarapshylar komissiyasynyng aldynda qorghady. Sonyng nәtiyjesinde 23 ghylymy әzirleme qarjylandyrugha ie boldy.

Jenimpaz jobalardyng qatarynda seysmikalyq qúbylystardy erte anyqtau jýiesi, avtokólik pen ónerkәsip oryndarynan shyghatyn ziyandy qaldyqtardy tazartu tehnologiyasy, aua, su jәne topyraq sapasyn sifrlyq baqylau sheshimderi bar.

Sonymen qatar ghalymdar su aidyndaryn tazartugha arnalghan arnayy glayderlerdi paydalanudy jәne 2-JEO men 3-JEO kýl-qoj qaldyqtaryn qayta óndep, 3D basyp shygharu arqyly shaghyn sәulet nysandaryn jasaudy úsyndy.

Qalany kógaldandyrugha arnalghan ekologiyalyq taza, әseri úzaqqa sozylatyn preparattar әzirlendi.

Al taghy bir joba allergendi ósimdikterdi baqylaugha baghyttalghan. Onyng kómegimen ósimdikterding tozang taratu kezenderi anyqtalyp, túrghyndargha allergiya qaupi turaly habarlanady.

Kólik salasynda qiylystardaghy qozghalysty beyimdep basqarugha arnalghan SmartFlow jýiesi qoldau tapty.

Búdan bólek, beynetaldau arqyly joghalghan adamdardy izdeuge arnalghan FaceAlert Almaty jýiesi, jedelsatylardyng qauipsizdigin sifrlyq baqylau platformasy jәne densaulyq saqtau salasyndaghy jobalar da jenimpazdar qatarynan kórindi.

Jenimpazdardy qalalyq mәslihat deputattary, QR Últtyq ghylym akademiyasynyng ókilderi, ghylymy qauymdastyq pen qogham ókilderi qatysqan konkurstyq komissiya anyqtady. Irikteu kezinde zertteulerding janashyldyghy, tәjiriybelik manyzy jәne qala sharuashylyghynda qoldanu mýmkindigi eskerildi.

Sonymen qatar Ghylym jәne tehnologiyalar jónindegi kenes otyrysynda әzirlemelerdi odan әri qoldanysqa engizu mәselesi qaraldy. Atap aitqanda, jobalardy pilottyq rejimde synaqtan ótkizuge arnalghan alandar bólu, olardy birlesip qarjylandyrugha biznesti tartu jәne jenimpazdar qataryna enbegen bolashaghy zor zertteulerge qoldau kórsetu jayy talqylandy.

Ghylymy әzirlemelerdi qoldau Qazaqstan Preziydenti Qasym-Jomart Toqaevtyng ghylymdy damytu jәne innovasiyany ekonomikagha engizu jónindegi tapsyrmalary ayasynda jýzege asyrylyp otyr.

Ayta keteyik, ghylymy qauymdastyq, memlekettik organdar men sarapshylar ókilderining basyn qosqan Ghylym jәne tehnologiyalar jónindegi kenes Almaty qalasy әkimdigi janynan 2024 jyly qúrylghan.

Abai.kz