Býgingi Mirjaqyp Dulatov atyndaghy mektepting túma bastauy sonau 1922 jyly Aral qonys ornynda ildaldalap ashylghan edi. Ony úiymdastyryp ashyp, múghalimdik etken Saduaqas Qosekeyúly Jaqanin bolatyn. Úlaghatty ústaz bir múnymen shektelmey Torghay ónirinen tórt mektep ashyp, el marhabatyna bólendi. Ol 1942 jy¬ly Otan qorghau jolynda erlikpen qaza tapty. Onyng ónegeli isin bayypty jalghastyrushylardyng biri Darhan Kenshinbaev degen múghalim boldy.

Býgingi Mirjaqyp Dulatov atyndaghy mektepting túma bastauy sonau 1922 jyly Aral qonys ornynda ildaldalap ashylghan edi. Ony úiymdastyryp ashyp, múghalimdik etken Saduaqas Qosekeyúly Jaqanin bolatyn. Úlaghatty ústaz bir múnymen shektelmey Torghay ónirinen tórt mektep ashyp, el marhabatyna bólendi. Ol 1942 jy¬ly Otan qorghau jolynda erlikpen qaza tapty. Onyng ónegeli isin bayypty jalghastyrushylardyng biri Darhan Kenshinbaev degen múghalim boldy.
Mine, Asqar eseyip mektep esigin ashqanymen osy Darhan aghayynyng mәttaqam, syrbaz, salmaqty, qatang keypinen tez shirap ketkendey seziner edi әrdayym. Balalyq shaqtyng sezimi pәk, senimi nyq. Túlymshaqtay túsynda kórip, týigening týiedey bolghanynda da týisiginde týimelenedi eken. Qayda oqymady Asqar. Orynbor, Mәskeudikin adaqtap, Reseyding ózge qalalarynda bilim ústartumen talay tandy kóz ilmey atyrghan. Sondaghy bir ghajaby, iynemen qúdyq qazyp, qinalysqa týskende Darhan múghalimining didary sanasynda súlbalana qalatyn. “Ey, bala, jaqsy oqysang adam bolasyn!” – dep dәp bayaghyday partagha sol qolyn tirey, úzyntúra boyyn sәl iyip, sarghysh jýzi shyraylanyp, jenil jymiya¬tyn. Osy sóz qúlaghynyng týbinen ap-anyq estiledi. Sol-aq eken matematikanyng janyltpash esebinen esi tanyp, kýizelip otyrghan Asqar ýsti¬nen suyq su qúiyp jibergendey tynayyp shygha keledi. Taghy ne deushi edi Darhan aghayy. E, bylay deytin: “Bilimdi adam bolsan, elindi úshpaqqa shygharasyn!” Úshpaq degeni miyna kirmey qinalatyn. Sóitse, elindi biliminmen baqytty ómir, shat túrmysqa keneltesing degeni eken ghoy. Azdap diny sauaty da bar Asqar bala úshpaq sózining beyish, júmaq maghynasyn bayytatynynan da habardar edi...
Kókeyine úyalaghan osy bir sózder jan-jýregindegi úshqyndy ómir boyyna kóriktey ýrlep, mazdata týsipti-au. Múghalim sózining qúdiretin aitsayshy.
Múghalimge elikteymin dep, ózi de múghalim bolyp shygha kelipti. Kimder ótpegen Darhan aghayynyng aldynan? Bozókpe bop kelip, keyin bozayghyrday tarpynyp ytqyrynghan talay tarlandar sol qatang talghamnyng qalybynan shy¬ghypty... Ár esim bir әlem eken. Zang qyzmetkerleri bolghan Baymyrza Seyilov pen Qystaubay Sarjaqov, rektor orynbasary Edires Seyilov, t.b. shetinen el tarihynyng tarlanbozdary. Súltanbek Ábeuov, Bәtima Maqasheva, Mústafa Kóshekov¬terdi esine alsa, Sәbit Múqanovtyng “Móldir mahabbat ” (“Adasqandar”) romanyndaghy Býrkit, Bәtes, Mýsәpir elesteri anyq oqyrmandar kóz aldynda. Oqyrmandar ýshin búl ýsh keyipkerding orny bólek. Asqar ýshin mýlde ózgeshe. Sebebi, búlarmen bir mektepte alysyp-júlysyp jýrip bilim nәrine birge susyndaghan. Qayran, sol qayy¬rylmaytyn kýnder! Eseygende de esten ketpeydi. Saghynyshtyng sazymen әldiyleydi. Sarghayghanda saghymyna orap, múngha batyrady. Ashy da bolsa, tәtti mún. Sonysymen de sanasyn sәulelendirip, serpiltedi. Sergektik núryn sebezgileydi. Otyzyn¬shy jyldardyng basyndaghy ashtyq topalany ruhany tirlikting de terisin irep, aqsiraqtandyryp tastaghan edi. On jyldan asa bilim núryn shashqan mektepting keregesi shayqalyp, shanyraghy omyrylyp ortasyna týsti... Sodan aragha jyldar salyp qana tamyryna qan jýgirgen-tin.
Orynborda Asekeng qazaqtyng últ retinde tolysyp, bayyp bekemdenuining rizyghyna jaratylghanday kileng narqasqa jigittermen birge oqyp, armandas bolghan edi. Solardyng biri jýz jasty alqymdap baryp dýniyeden ótken Múqat Meyirmanúly bolatyn. Sol Múqat dosynyng Asqargha aitqan keyingi bir syry qanday qyzyq desenizshi. Kýlkige bóktirmey qoymaydy... Ol Bәtimany jaqsy biletin bolyp shyqty. Mәskeude onyng kýieui Janahmet Aqpanbetúly¬men birge oqypty. Qyzylordada olardyng ýiinde jatypty. Sonda qolyna “Adasqandar” romany týsip, Múqat bozbala qúnygha oqymay ma? Onashada kitaptan alghan әserin Bәtimamen bólisip, oiyn ashyq aitady: “Bәtes – onbaghan qyz eken, tuysy Býrkitke sózin bergeni nesi?”– deydi. Osyny estigende Bәtimanyng eki beti narttay bolyp janady... Keyin osynday pikirlerin dos-jarandaryna bildirgende, olar: “Oybay-au, minep-sybap otyrghanyng Bәtimanyng naq ózi ghoy” – degende, Múqattyng tóbesinen jay týskendey bolady... Ol óz arynan ba, әlde Bәtimadan ba, kimnen keshirim súraryn bilmey qinalady. Sol joly Asqar men Múqat dostary kózderinen jas aqqansha kýlisken. “Biz Darhan aghaydyng shәkirtterimiz ghoy!”– dep maqtanyshyn da jasyrmaghan Asqar. Shәkirtining kónilinen ústazy ýnemi shyqpasa baqyt degen sol, әne eki jaq ýshin.
Mahabbat buy kimdi mas qylmaghan. Asqardyng Orynbor oquyndaghy taghy bir qanattas dosy, keyin zamanymyzdyng zanghar múnayshysy atanghan, jýz jastyng jelkesine erkin jayghasyp baqilyq bolghan Safy Ótebaev óz esteliginde Shәripa jarymen qalay tanysqanyn móldiretip jyrlap bergen edi. Sony oqyp otyryp, qúmardan shyqqanymyz bar. Onyng mәnisi Asqar aghamyzdyng sony bir qyryna qanyghuymyz edi. Jәne de qyzgha ghashyqtyqtyng jarqyn ýlgisine sebep bolghan syltauly isterding mazmún baylyghy da kónil bauraytyn. Qane, Safy jazbalaryna jýginip kórelik: “... Oqu bastalghan son, rabfakting komsomol komiyteti Asqar Zakarin ekeumizge jasóspirimder mektebindegi oqushylar arasynda tәrbie júmysyn jýrgizudi tapsyrghanda, sol armanyma (sýigen qyzyn aitady – Q.Á.) jetkendey quandym. Endi Shәripamen jolyghugha mýmkindik molaydy. Tәrbie júmysyna qúlshyna kiristik. Asqar әn, óleng ýiirmesine bala jinay bastady. Men drama ýiirmesin qúrdym. Dossorda FZU-da jýrgende dramagha qatysqanym bar. Sәkenning “Qyzyl súnqarlar” piesasyn qoydyq. Sonda men qyzdyng rólinde oinaghanmyn... Asqar ekeumiz uaqyt tauyp sol oqushylargha aqyl-kenes aitamyz. Ángimeler ótkizemiz, komsomolgha kiru jolyn týsindiremiz... Kelesi 1930 jyly mamyrdyng 2-sinde Orynbordan 15 shaqyrym jerdegi Qarashy degen qazaq auylyna baryp, “Qyz Jibek” piesasyn qoydyq”.
Oqugha toymaytyn Asqardyng ónerge degen qúmarlyghy da osy mysaldardan aiqyn kórinip túrghan joq pa.
... Ár biyikti baghyndyrghan sayyn Darhan Kenshinbaev syndy ústazynyng túlghasy Asekene tauday bop aibattana týsetin. Átten-ay, 37-ning oirany sol múghalimin de opyntyp ketken edi. Ózimen birge bala oqytyp jýrgen bir kókayyl NKVD ýshtigining birimen auyz jalasyp, qapysyn tabady. Darhan óz ýiinde shay iship otyrghanda kýtpegen jerden kirip kelip tintkilep, onyng maldas qúryp otyrghan tósenish kórpesining astynan Stalinning suretin tauyp alady... Kýnibúryn qúrylghan túzaqqa qayran er sóitip iligedi. “Halyq jauy” atanyp, Mәskeuding Butyrka týrmesinde alash arystarymen birge alasúrady... Qaraly qarmaq shengelinen bosay almay, habarsyz ketedi.
Búl qolqa suyrghan qatygezdikti Asqar ary ghúmyr boyy aiyptap ótip edi...

Áuezovting haty
Úlylar úrpaq taghdyryna bey-jay qaramaghan ghoy. Elding ertenin oilaudy ýmit etken jastargha qamqorlyq jasaudan bastaghan. Elding bolashaq asqar beline ainalady degen airyqsha jaratylys iylerine degen kózqarastary tipten eren bolghan. Árqaysysyn alalamay, aspangha kóteruge tyrysqan. Ýmit etken. Rugha, jýzge bólmey asqan beyimin úshtay bilgen. Asyl múratpen, aiqyn maqsatpen, ystyq jýrekpen ýmitti balagha barlyq jaghday jasaugha asyghyp túrghan. Osynday keleshekke degen inkәrlikti úly jazushy Múhtar Áuezovting әr kezdegi týrli jazbalary men bedeldi basqosularda aitqan aqylman sózderinen de angharyp qalamyz. Ol kimge ne aitudy, qalay aitudy bilgen ghoy. Memleketting uyghy bop shanshylugha әbden jarap jatatyn qasiyet-qadirdi bir óskinning boyynan sezdi me, onyng taghdyryna jatpay-túrmay elendepti. Áriyne, kәusarly kókirekten Múrat úlynyng keleshegine shashylghan júparday aqyl-kenesi múndayda bóle-jara әngimeleuge jarap jatyr. Fatimagha jazghan qúpiya, ystyq sezimdi hattarynda da úlynyng jayyn synalamay ótpeydi eken. Múrattyng ózi de syr ashyp, meyirban әkesining ma¬mandyq tandaudaghy sarsanda sara jol siltep bergenin bylayghylargha ónege etip qúlaqqa si¬nirip jýr. Madaq qospaydy, mazdaghan shyraq¬tyng sәulesine jan jylytatynday... Ózi ghana emes, ózgening de ómirin shyraylan¬dyratynday...
Daraqtyng sayasynda kónil demdeledi, is-jospar megzeledi. Ayaq suytyp, kólenkelep, susyn qandyryp, samalgha keude tosqan lәzzatty sәtte úrpaqqa alandaushylyq sezimin kimge anghartaryn, әriyne, adamzattyng aimanday jazushysy qapysyz týsingen ghoy. Qalauy sonda Asqar Zakaringe nege aua bergen? Iri lauazym¬nyng kesek turaytynyn eskergendikten ghana ma? Álde dostyq peyil, jyly qatynas, meyirimdi rәuish, sergek týsinistik, tipti osy dәnekerlikting bәrin jiyp qoyghanda onyng azamattyghy men adaldyghyna tәntilenip jan semirtetin, úrpaq qamyn kýitteude ózindey maqsattas Zakarinmen tegin syrlaspaytyn bolar-au. Bir sózdi, kóltelegi joq, osy minezimen-aq kýder ýzgizbey, ýmit ýrletetin ýlken jýrekti, asa mәdeniyetti adammen últynyng taghdyry turaly aqyldassa aiyp pa eken! Jәne de jýrekjardy syryn qazaqtyng sonday bir últjandy azamaty arqyly– Ády Shәripovtey bedeldi túlghasyn araaghayyn etip aqtarsa, ol ótinishi jeke bastyng qamynan kóri kókjiyegin keneytken kónterili mәselege úlasyp ketkendey emes pe? IYә, solay...
Mәselening Asqargha da qatysy bolghandyqtan Ády Shәripovke jazylghan hatpen tanysyp kórelik: “Qymbatty Ády dos! Men búl hatty týneukýni estigen, Ystyqkól jaghasyndaghy Sholpan-Atadaghy dachasymaghymnan jazyp otyrmyn. Almatydan dәl jýrer kezde sen jol jýrip ketip, men songhy bir janalyghymdy saghan aita almay ketip em. Ol – anada әngime etken Múrat Áuezov deytin mening balam jayyndaghy janalyq. Basynda men MGU-dyng himiya jónine eshbir oryn bolmaghandyqtan balammen ekeumiz aqyldasyp, onyng bolashaq mamandyghyn mýlde ózgerttik. MGU-dyng shyghys tilderi bólimine bes oryn kelgen eken. Sonyng qytay tili bólimine Múrat týsetin bolghan.
Sen Almatyda bolmaghandyqtan osy baylau¬dy Shiyab Saghyndyqov (Shiyab Saghyndyqov – Qazaqstan KP ortalyq komiyteti mektep bólimining mengerushisi) pen Asqar Zakarin (Asqar Zakarin – Qazaqstan Ministrler Kenesi tóraghasynyng orynbasary) joldastargha aitqanmen, bir oryngha ótinish etip, balanyng aryzyn Asqardyng kómekshisine týgendep bergizip ketkenmin. Qazir emtihan uaqyty tayaghan son, osy jaylardy esty salyp, Múrat Áuezovting sol atalghan qytay tili bólimine qabyldanuyn talap etemin.
Barlyq tiyisti emtihandaryn Múrat oidaghy¬day tabys ete alady. Tek osy jaylar esinde bol¬syn dep, mynau sәlem-hatty joldap otyrmyn.
Ózim Ystyqkól jaghasynda, bir jaghynan tynyghyp, ekinshi jaghynan júmys istep jatyrmyn. Avgustyng ortasynda Almatygha qaytpaq niyetim bar. Dostyq sәlemmen M.O. Áuezov. Sholpan-Ata, 1959 jyl, 16 shilde”.
Senim artyp jazghan osynday hattan tileulesteri tiyisti qorytyndy shygharghanyn tarihy shyndyq shyrayly etip dәleldep bergeninen de qalyng eli kuә. Ády men Asqarday asqaq múratty inileri aghasynyng yghyna jyghylyp, mereyin asyrypty. Aghasy bardyng jaghasy bar, inisi bardyng tynysy bardyng kebi de. Sýiemeldeusiz kýn gharip emes pe? Arman túl emes pe? Óris tarylmay ma? Últyn sýier bir torsyq sheke úldyng baghyn ashugha jәrdemdesipti. Múnday abzaldyqty derbestikten asyryp, halyqtyq mýddege jatqyzsaq nesi aiyp!
Zakarinning zor parasat iyesi ekendigin aighaq¬taytyn taghy bir dәleldi Halyq jazushysy Ázilhan Núrshayyqovtyng shygharmalarynan izdep tabugha bolady. Avtor “Qalamger jәne onyng dostary” dep atalatyn epistolyarlyq romanynda talantty qalamger Múqan Imanjanovtyng qazanamasyna memleket jәne qogham qayratkeri retinde qaraly kónilmen qol qoyghan Zakarinnin, qayghyny bólisumen ghana shektelmey, jazushynyng otbasyna naqty materialdyq kómek jasaghanyn ýlgi etipti. Keybir birge jýrgen әriptesterining shanyraghyna kirip kónil aitugha jaramaghanyn eskersek, әriyne, múnday adamgershilikke razy bolasyz.
Enbekting ótemi ózime ghana bolsyn degenning túlpary órge uaqytsha ghana shabady eken. Payy¬my tayazdar soghan mәz. Tirisinde bәrin qonyshynan basayyn degen keudemsoqtyq túralatatynyn bile túra tabandy týrde tabanynyng býri týgesilgenshe tebinedi. Mandayyn tasqa soghyp, talmaurap talyqsyghanda ghana sanyn soghady. Qapy qalghanyn kesh oilap, barmaghyn tisteydi. Sondaylardyng soyynan bolghan talaylar taghdyrdyng iyleuinde qalghan. Oiymyzdy osynday jiyirkenishti jýlgeden ajyratar bolsaq, Asqarday aghanyng artyna qaldyrghan aqjarylqap isterining izi mәngilikke joghalmaytynyna marqayamyz. QazMU-dyng ghasyrlar boyy jasay beretin jana qalashyghyna teketiresterden dәleli ozyp, jer telimin bólgizgende Zakarin jeke basynyng qamyn oilap pa? Joq. Býgingi, ertengi studentterding әleumettik jaghdayyn ertebastan qamdap qarastyryp, úrpaqtyng bilim jolyndaghy qadamyn jedeldetuding jay-japsaryn jenildetu edi. Jetpis bes belesti abyroyly artqa tastaghan bilim ordasynyng kýlli újymy sol kóregendigi ýshin Zakaringe ómirlik qaryzdar desek, artyq aitpaspyz. Joghary bilim salasyn damytugha qosqan airyqsha enbegi ýshin ol Enbek Qyzyl Tu ordenimen, “Qazaq KSR bilim beru isining ýzdigi” medalimen marapattalyp, Qazaqstan joghary mektebining qúrmetti qyzmetkeri ataghyn iyelendi. Búl marapattardy bireu bilip, bireu bilmes. Al jana oqu qalashyghyn qalyptastyrgha¬nyn tarih úmytpas. El jadynda osynday myqty túghyrymen túlghalanyp, jasampazdyq jalauyna ainalyp ketken Asqar aghany qay qazaq maqtan tútpaydy.
Asqar aghamyzdyng da alyp Múhtarsha úrpaq qamyn oilap jazghan hattary bar ekeninen habardarmyz. Soghystan elge joldaghan saghy¬nysh¬ty hattary auyzdan-auyzgha kóship jatta¬lyp qa¬lypty. Orynbor men Mәskeuden jet¬ken bilimge ghashyqtyq jyrlary óz aldyna dәm¬di dastan. Jazghan maqalalary men kitap¬tarynyng ólsheusiz ónegesin eshkim úmytpas. Desek te, reti kelgende janynan suyryp ait¬qan aqyl-kenesterining jóni bir bólek. Bir joly ataqty ghalym Saylau Bayzaqovqa bylaysha ashylsa kerek:
Adamda tórt týrli dostyq qatynas bo¬lady, – depti zanghar Zakariyn. – Biri – shәpke (qal¬paq) qayyru tәsili. Basynan shәpkesin júlyp alyp, iyilip sәlemdesedi. Japalaqsha jaltaqtay¬dy. Jalpaqtaydy. Búl – lauazymyndy qadirlegen uaqytsha syilastyq. Endi ýsh týrin erekshe bólip atayyn. Biri – soghystaghy dostyq, ekinshisi – tay-qúlynday tebisken synyptastar jarastyghy jәne de ýshinshisi – studenttik saghynyshty jyldar joldastyghy.Osylardyng ishinde “meninshe” eng manyzdysy – soghystaghy dostyq dep esepteymin!
Sóitip auyzsha aitqany uaqyt óte kele hat sózine ainalyp, mine, sizge de jetip otyr¬ghan joq pa. Ghalymnyng haty ólmeydining kepili. Asqarday jaqsy aghamyzdyng aty ólmeytinine de kuә bolyp jýrgenimiz qanday baqyt!
...Bәrine týrtki bolghan Áuezovting úrpaq qamyn oilaghan mazmúndy da әserli haty eken-au!

Momyshúlynyng qúdagha “syiy”
... Momyshúlynyng múrty jii jybyrlay bastady. Súsy suyq. Qabaghy qatynqy. Tanauy qusyrylyp, kózinen yzghar úshqyndaydy. Nege ayaqastynan býitip kirpidey jiyrylyp qaldy, bәtir-au! Álgi әzirde osy Baqytjan Bayqa¬damov¬tyng ýiine asa kónildenip, qolyndaghy tayaghyn jenil ýiirip, aldynan atalap shyqqan balalardyng mandayynan iyiskelep, kóterinki kýimen kelgen edi. Endigisi mynau, saly sugha ketkendey tymy¬rayyp, “ishimdegini tabyndar da jalpaqtandar maghan” degendey qyrsyghyp otyrghan... Kim kónilining kiltin tabar? Onay¬lyqpen tapqyzar ma?
Tapqyzbasyna ózi de myghym senedi. Keyde ózining minezin ózi sipalap jaylandyra almaytyn mýshkil de beymәlim halge týskende, qarater bolyp ayaq-qoly qaltyrap ketetin. Jýregi tulap yrqyna baghynbay: “Osy qúiynynnan dinkeledim ghoy әbden, eregiskende toqtap qalayyn ba!”– degen¬dey odan beter atoylap soghyp, alqymyn shengeldep qysqanda kýlli denesin ashy ter juyp ketetin. Batyrgha da jan kerek. Amalsyz sabyr saqtap, sabasyna týsken bolady. Ýrkek oy ýreyin shar¬pyp ótedi. Sol-aq eken әlgi býlikshil oiy sauy¬ghyp sala beredi. Bireuding ýiinde boghyn py¬shaq¬tap jatudyng ersi ekenin úghynady. Aldarynan ótetin qúdalaryn kýtuge Baqytjannyng ózi qúrmettep shaqyryp otyr emes pe. Kәdimgi kompozitor Bayqadamov. Ózin syilamasa da, sonyng qamyn kýitteui kerek qoy. Mine, jón...
Anghal batyr endi kónil-hoshyn airanday búzghan adamyna óshige bastaghanyn angharmay qaldy. S-so-ol! So-ol mening apshymdy quy¬ryp otyrghan. Qaharyn tógetin nysana tabyl¬ghanyna jany quanghanday bop qol tayaghymen edendi dýnkildetip qoydy. Qazir, qazir kelsinshi, әueli. Áuselesin kóreyin sosyn... “Shirenip, uaqytynda kelmey jatqanyna k... sýrtem be!”... Sap-sap, batyrekesi... minezine tosynnan taghy da shy jýgirtip alarsyn...
Búl shýilikkeni Asqar Zakarin edi. Baqytjannyng kýtip otyrghan qúdalarynyng biri. Batyrdyng múnda ekenin biledi ol. Bile túra kýttiredi. Naysap neme! Kórinshi ózi, kenir¬de¬gindi suyryp alayyn. Júrtty iyirip, zaryq¬tyryp kýttirgenine kәde-syiym da dayyn. Aldymen qolyma týsshi bir, sorayyp... Mas¬qara qylmasam ba, Bauyrjan atym qúrysyn!
Oy degening qalay búrsang solay jýretin jelbaghar ghoy. Tizginin sәtimen qaqpaylasan, qarajayau qaldyrmaydy. Ormanday oramyna emindire tartady. Bәrekeldi, sóitip, Batyryng Asqar turaly eljirep oy quyp ketkenin angharmay qalypty... Asqardy pir tútyp syilap jýredi. Manghaz qalpyna qyzyghady. Syrbaz. Sabyrly. “Bir sózindi bitirgenshe, bir qauym el ýdere kóship keter” dep qajaytyn ony kónildenip otyr¬ghanda. Ózinen eki jas ýlken Asqar jymiyady. Eki jasta túrghan ne bar, qúrdastay әzildesedi. Keyde kóbine Batyr ýlkensip sóilegende, biyazy minezdi Asqar kishireye týsudi ar kórmeydi. Baukenmen tenesudi oiyna alyp kórmegendikten shyghar, alasarghan sayyn jany rahatqa batady. Osynday jas jaghynan kóri jan tengermeligin basym sanaytyn búl ekeuining syilastyghyna bylayghy júrt qyzygha qaraytyn. Bauyrjandy Asqardan kóp ýlken-au dep joramaldaytyn. Mýmkin, inisin aghasynday kókke kóterip dәrejeley bilgen Asqardyng azamattyghy shyghar búl qasiyettiligi.
Sol Asqardyng ózinen eki jas qalqynqyly¬ghyn eletpey otyr ghoy myna bas kótergen ashu-yzaly burasy. Mәnәii sebeppen keshigip jat¬qan shyghar qúdalar. Ádeyi eseppen shirenbeytin bolar. IYә, Asqardan onday mәdeniyetsizdik shyqpaydy. Saghat tilindey ýnemi búrauly jýretinin biledi onyn. Uәdege berik. Sózin jútqanyn osynsha jylda bir bayqap pa? Joq. Ózine de, ózgege de talapshyl. Áytpese taghdyr bir adamnyng basyna osynsha ýiip-tógip min¬dettegen joghary qyzmet¬terdi minsiz atqaratyn ba edi. Sabasyz shang juyt¬pay atqaryp jýr emes pe! El ýshin eren qajyr¬lylyq kórsetken bir adam osy Asqarday-aq bolsynshy.
Baukeng ishtey eljirey bastapty. E, shýkir, onyng qas-qabaghyn baghyp jýrgen myna júrttyng da jýzine aray jýgirip, shyray¬langhanday. Neni oilasa da ýlken oljaly kýide ruhany azyqtan ajyramastay kýige engen eken. Úzaghynan bolghay dep tilesedi bәri... Batyr búl Asqardy soghys jyl¬da¬rynan bastap jygha tanidy eken. Otan taghdyry ne bolary belgisiz 1941 jyldyng 6 jeltoqsanynda birneshe jana әskery qúrylymdar jasaqtalghany belgili. Solardyng biri Almatyda qúrylghan 100- derbes atqyshtar brigadasy edi. El ishinen jaugha arystan bop atylugha asyqqan bozdaqtar tas týiin jinalyp, atys-shabys ónerine iykemdel¬gen song 1942 jyldyng 12 tamyzynda maydangha atoy salyp, attanghany mәlim. Bәrine qanyq. Qandy qyrghynda osy brigadanyng sapynda bolashaq Kenes Odaghynyng batyry Mәnshýk Mәmetova, ertengi memleket qayratkeri Asqar Zakariyn, keyingi halyq jazushysy Ázilhan Núrshayyqov, t.b. jýrek jútqan jauyngerler erlikpen shayqasty. Ózi de ot pen oqtyng ara¬synda jýrip, sol brigadanyng jaumen júlqy¬nysyn súrastyratyn. Erlikterin estiytin, tәnti bolatyn. Qayran erler maydangha 4890 adam bop kirip, setinegennen setinep ýsh jýzdeyi ghana tughan jerine oralghan-tyn. Kókiregi qars aiyrylghan. Ah úrghan. Ókinish orny tolmaghan. Kónilge bir medeti sol qúrbandardyng Jenis jolynda janyp ketkendigi. Óshpes ruhy eline Jenis shapaghymen sәulelenip jetkeni... Tiri kelgenning biri osy Zakarin edi... Onyng boyynan әli kýnge soghys tәrtibin seziner edi. Qansha iyismay jaghynsa da kiyiminen soghys órtining kýlimsisi ketpey túratynday edi... Mýmkin ony ólerdey syilaytyny, sol jauyngerlik jalqy qasiyetin qadirlegendikten be eken...
Sóitse kerek. Jýregine jaqyn tartpasa, óz shygharmalaryna Zakarinning atyn beker qosar ma, atyp tastasa da. Qoyyn dәpterine bylay jazyp qoyghany bar: “Segodnya v 16.00. prishly (naves¬tili) Iliyas Omarov y professor Temir Darkam¬baev. Razgovor obshiy. Professor soobshiyl, chto Kanysh Satpaev snova stanet preziydentom Akademiy nauk, chto Askar Zakarin na dnyah priyedet na soveshaniye, chto Ahmetu Jubanovu vernuly part¬biylet”... Taghy bir keltirgen mysaly da qynuly. Ýndistangha ketip bara jatqan Múhtar Áuezovting tapsyrmasy boyynsha Baukeng Tagordyng 22 tomyn kýnine bir kitaptan oqyp tauysyp, úly jazushy oralghansha ýlken jiyngha bayandama dayyndap qoyady. Keyin osyny esine týsirip: “Akademiya Nauktyng kishi zalynda jinalys boldy. Jinalysty Múqannyng ózi basqardy. Bayandamashy menmin. Maghan sóz berdi. Men 22 minut bayandama jasadym. Zam. Predsedateli Soveta Ministrov Askar Zakariyn, akademik Kenesbaev, taghy basqalary bar...”
Sol joly Múqanmen birge Asqar da jaqsy bayandama jasaghan ózine shynayy razylyghyn bildirgen eken.
Asqarlar әli keshigip jatar. Álgindey jyly oilardan keyin Baukeng oghan degen múz¬daghan qabaghyn sәl jylytyp alghanday boldy. Biraq kónilindegi kirbini tútasymen ery qoymaytynday. Ara-arasynda sap-sap dep, sanyn shymshylap, ózin sabasyna týsirgendey bolady. Qyzu qandy ghoy, tyz etpe minezge shaqpaq týsip laulay jónel¬mesi ýshin Asqar turaly taghy bir sypayy oila¬ryn oyatyp, solardyng әldiyine terbetilip otyrdy. E, syrghyp jatqan kýnder-ay. Áben Satybaldiyev inisining ýiindegi Gýlnәr kelini aityp otyrushy edi, Asqardyng keybir asyl qyrlaryn. Mirjaqyptyng qyzy torghaylyq әkesinen quyp Asqardy jaqyn aghasy sanaydy eken. Onyng elden oqugha attanuy da eren oqigha ispetti bolypty. Shal-shauqan әke-sheshesinen erte aiyrylghan As¬qardyng syrtqa ketip, oquyna qarsylyq bildi¬rip, ózderinshe túzaq qúrmaq niyetpen zorlaghanday etip ýilendire salady. Birbetkey bozbala bәrin talaq etip tayyp otyrady. Qúlaghy teris batany shalyp qalsa da alghan betinen qaytpaydy. Osy әngimeni estigende: “Óitpese Asqar bola ma!”– dep, Baukenning mәz bolghany bar edi. Asqardyng óz elinen shyqqan alash arystaryna jaqyn tuys bolyp keletindigin bilgende de “taqyr jerge shóp óspeydi” dep marqayyp edi.
Kýtkendi suqany sýimeytin Batyr saghatyna qarasa, manadan beri qalay shydap otyrghanyna ózi an-tan. Múrty yrqynan tys jybyrlay bastady... Sheke tamyry bileulenip, betining qyzylyn jalap, әldebir yzgharyn ýrley týskendey me? Qazir, kelsinshi bir, aldymen... Bú qay dandaysyghany. Yrghalghan naysaptar. Qazaqtyng qúdalyghynyng da qyjyly basym. Onyng únghyl-shúnghylyn reviziyalau kerek! Áytpese, mynasy nesi?! Zaryqtyryp qoyghany jolyna telmirtip. Bayqadamovtyng qyzyna qúda týspek bolghan niyeti mynaday bolsa... Asqarynnyng beti qatty...
– Keldi, qúdalar keldi! – desip shu ete qalghan kýtushiler shuyldasyp qaldy.
“Kelgendi kórseteyin”, dep, Batyr da әldenege bekinip, ornynan qunaq qaghyp úshyp túrdy. Shoshalagha zyp etip, sumang qagha qayta shyqty da tabaldyryqtan attay bergen ensegey boyly Asqargha sәlemdespek ynghaymen iyile berip appaq núrgha malynghanday qos ala¬qanymen qúdanyng betin sipalap alyp, qúla¬ghyn shirey tartyp sýiip aldy.
Beti-basy únmen bylghanyp, aq sәldege oranghanday bolghan Asqardyng kózi ghana jyl¬tyraydy... Yrjiyp kýlgeni anqighan auzynan ghana angharylady...
Batyrdyng qúdagha jasaghan búl “syiy” anyzday bop elge jayylyp ketipti... Keshigetinder qatary siyrepti...

“Egemen Qazaqstan” gazeti №184-187 (25584) 27 mamyr 2009 jyl