Beysenbi, 14 Qaraşa 2019
46 - söz 3867 0 pikir 31 Naurız, 2014 sağat 15:47

Aqberen Elgezek. Joq, men jeñilmeppin. Men jeñgen ekenmin

Bügin bir jigitter turalı ärtürli äñgime estip, äri kürsindim äri quandım. Kürsingenim - olardı ayağanım, quanğanım - özimniñ qattı özgergendigimdi sezgenimnen edi. Universitet bitire salısımen 10 jılğa juıq memlekettik qızmette istedim. Qolımnan eşteñe kelmese de, qwzıretimde bärin özgertuge mümkindik beretin ülken tetikter bolmasa da, Qazaq memleketiniñ bolaşağına, basşılıqtıñ dwrıs sayasatına ölerdey senip, belsendi jwmıs isteytinmin. Tipti, jwmıstan elden keş şığıp, erte keletinmin. Köp oqıp, basşılıqqa eñ köp wsınıs bergiş te biz edik. "Pısıq" ta, "mansapqor" da atanğanbız. Alğaşında jüregiñ auıratın, artınşa miığımızdan külip, jüre beruge de dağdılandıq. Sebebi, jwmıs istegen adamnıñ ğana artınan küñkil söz eretinin erte tüsingen edik. Auıldan attanğanda, wlı armandarmen şıqqan edim. Täuelsiz elimniñ jarqın bolaşağına sengen añğal jüregim men balañ tanımnıñ arqasında eşteñeni elemey, köp dünieni bayqamay jüretinmin. Jıldar ötti, ömir özgerdi. Ömir özgergen joq eken. Sana, közqaras özgeripti. Sana özgergen soñ, siıspau orın aldı, şettetilu men äleumettik jeñilister däuiri bastaldı. Allağa sansız täuba, sınuğa tayap qalğanda, işki ruhımız bek serpilip, eñsemizdi tiktep jiberetin. Bügin endi zaman da, qoğam da basqa. Al, bizdi basqarıp otırmız dep esepteytin älgi jigitter şın mäninde eşteñeni bayqamay, on jıl boyı sol deñgeyde, sol qalpında qalıp qoyıptı. Joq, men jeñilmeppin. Men jeñgen ekenmin, jigitter! Sebebi, men halıqpen birge özgerippin, al, sender köşten qalıp qoyıpsıñdar. Alla şeber ğoy! Sağan ne qayırlı, ne qayğılı ekenin Jaratqannan artıq kim biledi? Öziñ qayda ketip bara jatqanındı öziñ de bilmeysiñ. Endigi bar armanım, bar asqaq mwratım - qazaqtıñ joğın joqtap, barın köbeytu. Bizde bwlay söylegen "memlekettik sayasatqa qarsı", "halıq jauı" dep tanılatının da jaqsı bilemin. Äsilinde, olay emes qoy, mülde! Otırıp ap sınau da - keremet şarua emes ekenin wğınamın. Halıqqa bilgen-tüygenin aytqan adamdı "jau, sodır, bülikşil" dep tanitın kisiler qoğamnıñ jedel damuı üşin pikir aluandığınıñ qajettiligin, wsınıs pen ädil bağanıñ kerektigin bilse, abzal boların esterine salğım keledi. Bügingi biz qanday bolğanımız jön, erteñgi wrpaq qanday bolu kerek, memleketimizdiñ kemeldenui qay jolmen damuı tiis degen mäselelerdi birlese qarastıratın, birlese iske asıratın jolda bolğım keledi. Sebebi, men aqın retinde de, azamat retinde de Otanımdı şeksiz süyemin!

www.facebook.com

0 pikir