Särsenbi, 23 Qazan 2019
Bilik 3501 0 pikir 26 Naurız, 2014 sağat 14:18

Qazaqstan öz täuelsizdiginiñ bir tüyirin de eşkimge bermeydi

QR Prezidenti Nwrswltan Nazarbaev Astana mamır ayında Euraziyalıq ekonomikalıq odağın qwru turalı negizgi kelisimniñ qol qoyıluına ülken ümit artadı. Sebebi Euraziyalıq keñistiktegi ıqpaldastıq Qazaqstan üşin asa tiimdi bolmaq. 

Bwl turalı ol Gaagada yadrolıq qauipsizdik sammitiniñ qortındısında qazaqstandıq tilşilermen kezdesui barısında mälim etti dep habarlaydı «QazAqparat» tilşisi Jaswlan Joldıbaev. 

Memleket Basşısınıñ sözine qarağanda, älemde tek aşıq memleketter örkendeudiñ dañğıl jolına tüse aladı. Eşbir memleket özgelerden oqşau dami almaydı. Şekarasın qımtap, özdiginen damuğa bel buğan elderdiñ qanşaması jer kartasınan joyılıp ketti. 

"Qazaqstan jağdayında bwl tipti erekşe jağday. Biz teñizge şığatın mümkindigi joq, qwrlıqta ornalasqan elmiz. Qara teñizge qazaqstandıq tauarlardı jetkizu üşin 2 mıñnan astam şaqırımdı jürip ötu qajet. Eger osı eki mıñdıq şaqırımda bizge tarifter, kedendik salıqtar salıp, türli kedergiler keltirse, Qara teñizge jetkenşe, bizdiñ tauar eki ese qımbattaydı. Biz bäsekege qabilettilikti joğaltamız. Al ıqpaldastıq kedendik kedergilerdi joyuğa bağıttalğan. Sondıqtan bizde tek qana ekonomikalıq müddeler bar", - dedi ol. 

"Bizdiñ täuelsizdigimizge keletin bolsaq, bwl - konstanta. Qazaqstan eşkimge de täuelsizdiginiñ bir tüyirin de bermeydi. Biraq ekonomikalıq qwzırdıñ belgili bir bölikteri Europalıq Odaqtağıday wltüstilik komissiyağa beriledi. Onda keden, sauda, tarifter, mwnay jäne gaz tasımalı, elektroenergiya, temir jol men kölik joldarı Europalıq komissiyağa berilgen. Şeşimderdi bizben saylanğan ortaq organ qabıldaydı. Eger Qazaqstan bir jağday boyınşa kelispeytin bolsa, mäsele qabıldanbaytın boladı", - dep atap ötti QR Prezidenti.

Abai.kz

0 pikir