Elimizding mәdeniyet salasynda ter tógip jýrgen otandyq kompozitor, aqyn, dramaturgterding shygharmashylyghyn qoldaugha, sonday-aq últtyq opera jәne balet, drama teatrlary men jalpy muzyka salasynyng bәsekelestigin arttyru maqsatynda QR Mәdeniyet jәne aqparat ministrligi “Tәuelsizdik tolghauy” atty respublikalyq bayqau jariyalady. Alty salany qamtityn bayqaudyng әr nominasiyasyna ýsh jýldeli oryn taghayyndalghan.
Óner sanlaqtary men BAQ ókilderining basyn qosqan sala ministri M.Qúl-Múhammed bayqau jayly keninen týsinikteme berdi. Konkurs – eng ýzdik dramalyq piesadan bastap, operalyq jәne balettik shygharma, kameralyq muzykalyq tuyndy jәne qazirgi zamanghy әnder men balalar әnderin qamtidy. Ýzdik dep tanylghan shygharmalargha qomaqty qarjylay syiaqy taghayyndalghan. Múnymen qosa jýldeli tuyndylar elimizding jetekshi óner ordalarynda sahnalanbaq.

Elimizding mәdeniyet salasynda ter tógip jýrgen otandyq kompozitor, aqyn, dramaturgterding shygharmashylyghyn qoldaugha, sonday-aq últtyq opera jәne balet, drama teatrlary men jalpy muzyka salasynyng bәsekelestigin arttyru maqsatynda QR Mәdeniyet jәne aqparat ministrligi “Tәuelsizdik tolghauy” atty respublikalyq bayqau jariyalady. Alty salany qamtityn bayqaudyng әr nominasiyasyna ýsh jýldeli oryn taghayyndalghan.
Óner sanlaqtary men BAQ ókilderining basyn qosqan sala ministri M.Qúl-Múhammed bayqau jayly keninen týsinikteme berdi. Konkurs – eng ýzdik dramalyq piesadan bastap, operalyq jәne balettik shygharma, kameralyq muzykalyq tuyndy jәne qazirgi zamanghy әnder men balalar әnderin qamtidy. Ýzdik dep tanylghan shygharmalargha qomaqty qarjylay syiaqy taghayyndalghan. Múnymen qosa jýldeli tuyndylar elimizding jetekshi óner ordalarynda sahnalanbaq.
– Talantty tuyndylar tapsyryspen jazylmaydy. Degenmen key jaghdayda tapsyryspen dayyndalghan úly dýniyelerding bar ekenin joqqa shyghara almaymyz. Mәselen, keshe ghana Astana tórinde qoyylghan Dj Verdiyding ataqty “Aidasy” 1869 jyly Sues kanalynyng ashylu qúrmetine Egiypet ýkimetining tapsyrysymen jazylghan. Bile bilsek, 1935 jyly Qazaqstanda konservatoriya bitirgen birde bir kәsiby maman joq kezde Evgeniy Brusilovskiy tapsyryspen “Qyz Jibekti” jazyp shyqty emes pe?! Jalghyz búl emes, әlemdik muzyka tarihynda múnday standart jii kezdesedi. Sondyqtan biz de osy bastama arqyly jana tuyndylardyng ómirge keluine ýles qospaqshymyz. Bizdegi qos birdey opera jәne balet teatrynyng repertuary sonau kenes kezindegi tuyndylardan túrady. Osy arqyly sony janartuymyz kerek, – deydi Múhtar Qúl-Múhammed.
Býginde Qazaqstanda artyq-kemi joq tura 50 teatr bar. Onyng 22-si qazaq, 14-i orys, 4-eui birikken qazaq jәne orys truppalary, sonday-aq 6 quyrshaq teatry jәne bir-birden úighyr, nemis, kәris, ózbek teatrlary júmys isteydi. Orta eseppen jylyna atalghan óner ordalary 10 myngha juyq qoyylym kórsetedi eken. Tәuelsizdik alghan tústa elimizde Astana men Shymkent qalasynda eki opera-balet teatry, búghan qosa ónirlerde 8 dramalyq jәne muzykalyq-drama teatr boy kótergen. Repertuarlarynyng kenes kezinen beri janalanbaghany bolmasa Qazaqstandy “teatr otany” deuge әbden bolady.
Abay atyndaghy mýiizi qaraghayday opera jәne balet teatrynda songhy ret 1988 jyly “Qúrmanghazy” operasy qoyylypty. Aragha 18 jyl salyp, 2006 jyly ghana teatr repertuary Erkeghaly Rahmadiyevting “Abylayhanymen” janalanghan. 1988 jyldan beri eseptegende 21 jyldyng ishinde elimizding opera-balet teatrlarynda “Abylayhan”, “Qalqaman-Mamyr”, “Tomiriys” syndy ýsh-aq tuyndy qoyylghan. Al songhy balet – 1989 jyly Ghaziza Júbanovanyng muzykasyna jazylghan “Qarakóz” qoyylymy bolsa, tek aragha jeti jyl salyp, 1996 jyly Rinat Salavatovtyng “Álqissa”, Quat Shildebaevtyng “Adam” tuyndylary dýniyege kelgen. Biyl Almas Serkebaevtyng “Tilep jәne Saryqyz” baletining túsauy kesildi. Mine, bolghany osy ghana. Elimizdi “teatr otany” dep auyz toltyryp aitqandaghy bitirgen sharuamyz.
– Bir әndi jaqsy kónil-kýimen otyryp bir keshte jazyp tastaugha bolady. Al operalyq tuyndy úzaq uaqytty qajet etedi. Tipti tarihta keybir operany ómir boyy jazghan kompozitorlar da kezdesedi. Sondyqtan opera jazu – әn jazu emes, – dedi sala ministri. – Osyghan baylanysty eng ýzdik opera men balettik shygharmanyng jýldelerine qomaqty syiaqy taghayyndadyq. Opera-balet tuyndylaryn jasau óte kýrdeli. Kompozitordan bólek oghan librettist qatysady, diriyjerding júmysy da eskeriledi, bir sózben aitqanda újymdyq enbek. Sony eskere otyryp, eger birinshi oryngha layyqty tuyndy bolmasa, ekinshi, ýshinshi jýldelerding syiaqysy kóteriledi.
Bayqaudy ótkizudegi taghy bir maqsat – sapaly muzykalyq tuyndylar arqyly jas úrpaqty qazaqstandyq patriotizm ruhyna tәrbiyelep, olardyng otanyna degen sýiispenshiligin arttyru. Sonymen qatar, daryndy da talantty jastardyng tanyluyna jaghday jasap, olardyng shygharmalaryn nasihattau. Áriyne, bayqau jay ghana jýldesin berip, arqagha qaghyp shygharyp salatyn bayqau emes. Múnyng bir ereksheligi – jýldeli oryndargha layyq dep tanylghan opera men balet tuyndysy K.Bayseytova, jәne Abay atyndaghy últtyq opera jәne balet teatrynda mindetti týrde sahnalanady. Al múnyng qarjysy bólek qarastyrylghan. Bir ghana operany sahnalau ýshin 100 myng dollardan astam qarajat qajet eken.
Esimi dýiim júrtqa tanylghan óner qayratkerlerinen qúralghan qazylar alqasyna Asqar Bóribaev jetekshilik jasaydy. Bayqaugha úsynylghan tuyndylar ýstimizdegi jyldyng 1 jeltoqsanyna deyin qabyldanady. 7 jeltoqsan kýni qorytyndysy anyqtalyp, ýzdik shygharmalar keler jyly sahnagha dayyndalady. Bayqaudyng barlyq talaptary men úsynylatyn shygharmalardyng týri, kólemi, úzaqtyghy, uaqyty... siyaqty tolyq aqparatty Mәdeniyet jәne aqparat ministrligining saytynan tabugha bolady.

«Týrkistan» gazeti 28 mamyr 2009 jyl