Beysenbi, 13 Tamız 2020
COVID-19 QAZAQSTANDA. Jwqtırğandar — 100855. Jazılğandar — 74677. Qaytıs bolğandar — 1269
Sayasat 7929 1 pikir 16 Aqpan, 2016 sağat 18:11

NAZARBAEV: KEYBİR JİGERLİ ŞENEUNİKTER JWRTTI QAZAQŞA SÖYLEUGE MÄJBÜR ETPEKŞİ

Almatı qalasında issaparmen jürgen Prezident N.Nazarbaev memlekettik til men orıs tiline qatıstı pikir bildirip, ğalamtor men äleumettik jelilerdi paydalanuşılardıñ tarapınan sınğa wşıradı.

«Keybir jigerli şeneunikter alğa ozıp, barşanı erteñ qazaq tilinde  söyleuge mäjbür etpekşi. Orıs tilinde söyleytin adam äldebir keñsege barıp, orısşa söylese, qazaqşa jauap aladı eken. Kim rwqsat etti? Qazaqstan zañdarınıñ bwzılıp jatqanın prokuratura nege qadağalamaydı? Eger swraq orısşa qoyılğan bolsa, oğan ol orıs tilinde jauap aluı tiis!»

Prezident öz sözin «Qazaqstan köpwlttı memleket. Bwl bizdiñ eldiñ kemşiligi emes, artıqşığımız» dey kelip: «Köptegen Prezidentter bir tilde söyleydi. Putin orıs tilinde, Türkiya Prezidenti türikşe. Al men qaşan da eki tilde söyleymin. Mağan bwl wnağannan emes, barşa halıq meniñ aytqanımdı tüsingenin qalaymın. Prezident apparatına tapsıramın: barlıq oblıstı teksersin! Orısşa söylegen adamğa qazaqşa jauap qatqan qızmetker jariya türde jwmıstan şığarılsın! Öytkeni, bwl zañ bwzuşılıq!» - dep qadap attı.

Sözbe-söz osılay. Bäri tüsinikti. Tek mwnıñ astarında qazaqşa söyleseñ, qazaqşa jauap alasıñ degen de twspal jatır. Osını medet qıldıq... Osı rette Zañ boyınşa, qazaqşa söylep, qazaqşa jauap aluğa da tolıq qwqılı ekenimizdi eskertemiz!

Abai.kz

1 pikir