Tayauda Preziydent Nazarbaev memlekettik arna tilshilerine súhbat berdi. Sol súhbat barysynda Elbasy syrttan kóship kelip jatqan aghayyndar turaly, kóshi-qon sayasaty turaly pikiri bildirdi.

Beysen Qúranbek:

Qazaq – zamannyng talqysyna, zamannyng qysymyna úshyrap, jer jýzine taryday shashyrap ketken halyq qoy. Elimiz tәuelsizdik alghannan keyin mynau dýniyening tórt búryshyndaghay aghayyn Atamekenine aghyldy. Memleket arnayy baghdarlama qabyldady. Kvota berdi, jaghday jasady. Songhy jyldary kósh irkilip qalyp edi, onda da Óziniz tikeley aralasyp, mәsele ong sheshimin tauyp jatyr.

Aldaghy uaqytta osy kóshi-qongha baylanysty bizding ústanatyn memlekettik sayasat qanday bolady? Sosyn, myna elimizge keldi ghoy aghayyn, solar elding damuyna, ómirine sony serpin, serpilis berdi me?

 N.Nazarbaev:

Ol sayasat ózgermeydi. Bizge qaytyp kelem degen aghayyndargha – qazaqtargha esik ashyq. Ár uaqytta kelip, ózderi ornalasyp, jaghdayyn tauyp, jaghdayyn jasaymyz.

Jana qabyldanghan zandy bilesizder oralmandar jóninde. Búlargha qújat beru, azamattyq beru mәselesin biz jenildettik. Tәuelsizdik alghaly beri, sonyng arqasynda, biz syrtqa әrtýrli jaghdaylarmen ketip qalghan bir million aghayyndy qaytardyq. Kәzir bir milliongha jetpegen bes jýz myng adamgha býkil Evorpa oibay sap jatyr shuyldap. Biz bir million aghayyndy qaytardyq. Onyng ishinde Qazaqstangha týsken qiyndyqtar da boldy. Mysaly, Mangholiyadan, Týrkiyadan, Aughanystannan kelgender orys tilin bilmedi, qiyn boldy. Barlyghy Ontýstikke jabysady. Ol jaqqta onsyzda bizding halqymyz artyp otyr. Myna jaqqa baryndar dese, myna jaqqa barmaydy. Onday qiynshylyqqtar boldy. Onday tәjiriybe basqa elderde de bar. Mysaly, Germaniyany alayyq, Germaniya men biz ghana keyingi kezderde múnday sharany jasaghan, biraq, olar qanday adamdar kerek, sony alady qazir. Búrynghyday jappay qabyldaghandy qoydy. Mysaly, mamandyghy bolu kerek. Jasy ortasha, júmys istep, enbegimen elge ózining ýlesin qosu kerek degendey.

Bizde kelmender degen eshqanday tiym joq.  Bәrining kelgenine quanyshtymyz. Biz elimizdi 20 milliongha jetkizemiz dep talpynyp otyrghan elmiz, Qúdaygha shýkir, ishki ósimimiz de bar, syrttan kelgen aghayyn da oghan ýlesin qosyp jatyr. Ásirese, olarmen kelgen jastar tez arada mynau qoghamnyng ishine enip, bilimin, mamandyghyn alyp, adam bop ósip jatyr. Qazaqstandyq bolyp ketti. Ýlken kisiler. Áriyne, olargha qiyndau. Onday jaghdaylar bolady ghoy! Eger esterinizde bolsa, 1961 jyly jýz mynnan artyq qazaq Qytaydan kelgen bolatyn. Kәzir olardyng bәri qazaqstandyq bolyp ketti ghoy! Olardyng balary, nemereleri...

Sondyqtan ózimizding últ bolghannan keyin, ózimizding aghayyn bolghannan keyin, olar kelu kerek! Men ertede de aittym, kәzirde de aitam, bizding halqymyz – qazaqstandyqtar, olar kelgende, olargha qamqorlyq jasasa; kókireginen iytermey, kómektesip jiberse!

Biz 44-45 jyly Soltýstik Kavkazdan kelgenderi de sinirdik qoy ishimizge! Shyghystan kelgen 150 myng kәristi de engizdik qoy, ishimizge syighyzdyq qoy!! El bop ketti, júrt bop ketti. Keyin barlyghy ketti, әriyne!

Al endi óz qandastarymyzgha qoltyghynan demep jibersek, kómegimizdi jasap jibersek, bolady ghoy! Halyqpyz ghoy, elmiz ghoy! Elim dep, jerim dep keldi ghoy dep, eng bolmasa, jyly sózimen, bir kómegimen qoldap jiberse, bәri de dúrys bolar edi.

Men kóbirek kelgenin qalaymyn ol adamdardyn! Memleketting mýmkindigi kәzir búrynghyday emes, búryn kelgende ýy jaghynan kómek berip, kóterinki-ýdemeli aqshalar berip, anau-mynau jasadyq. Ázir jaghday qiyndau bop túrghan kezde, onsha jasay almaymyz. Degenmen, kómektesip jatyrmyz. Sondyqtan sayasat ózgermeydi!

Dayyndaghan: A.Múqabay

Abai.kz