Mәdeniyet jәne sport ministrligine kórermender tarapynan óner adamdarynyng  halyq aldyna jartylay jalanash shyghuyn toqtatudy súraghan  4000 dana hat jinalyp qalypty. Áriyne búl osyghan deyin jazylghan barlyq hattyng sany. Ministr óz kenesshilerimen aqyldasa otyryp «tyiym» jayly zang jobasyn әzirlep, parlamentke úsynghan. Búl turaly STAN.KZ habarlaydy.

«Ministrlik poshtasyna  songhy ýsh jylda jazylghan tura osy maghynadaghy hattardy jinadyq. Sany 4000 dana shamasynda. Búl degeniniz osynshama halyq. Nege olardyng úsynysyn eskermeske. Kópshiligi әdemi mysaldar keltirip, jalanash әnshiler men akterlerding últ bolashaghyn tәrbiyeleude qanday qiyndyqtar әkeletinin ashyna jazghan»,-deydi Mәdeniyet jәne sport ministrligining baspasóz bayandamasynda.

Sonymen qosa zanda júldyzdardyng barlyghyna ortaq ereje jazylghan. Yaghny onda әielderding eng qysqa kiyimi tizeden kelui kerek. Al jeydening oiyghynan qyzdardyng omyrauy kórinbeui tiyis. Sonday-aq onyng jeni shyntaqtan 5sm jogharydan qysqarmau kerek eken. Áriyne múnday qatang tyiymnan keyin kindigin kórsetuge de bolmaytyny anyq.

Zang jobasyn oqyp shyqqan deputattardyng oiy ekige jarylghan. Bir tarap qoldasa, ekinshisi biz zayyrly, demokratiyalyq elmiz degendi algha tartady.

«Men әriyne zang jobasyn  qos qoldap qoldaymyn. Múnyng nesi jaman. Óner adamy bolsa júrtqa mýsinin kórsetpesten, ónerin pash etsin. Manyzdysy da osy. Mektep oqushylaryn azghyryp, arzan dýniyege qyzyqtyru qylmyspen ten. Sol tәnin kórsetken әnshi,akterlerdi kórip ósken úrpaq bolashaghy ne bolady? Áriptester búl mәselege nemqúrayly qaramaularynyzdy súraymyn»,-dedi parlament mәjilisining deputaty Bekbolat Tileuhan.

Al Qazaqstan halyqtyq kommunisteri partiyasynyng atynan deputat atanghan Irina Smirnova Bekbolat Tileuhannyng oiyna qarsy shyqty.

«Mysaly men de deputat atanghaly halyqtyng adamy bolyp eseptelemin. Sonda jazda pysynap jeni bar jeyde kiige mindettimin be? Ashyq kiyingende túrghan eshtene joq. Biz músylman memleketi emespiz. Óner adamy kórsetsin symbatyn. Búl óner,sondyqtan týsinistikpen qaraghanymyz jón. Eldin, halyqtyng adamy eken dep barlyghyn túmshalap tastaugha bolmaydy. Jaqynda «әielder bastarynan oramaldaryn tastamasyn» degen zang qabyldau kerek bolatyn shyghar. Mýlde kelispeymin»,-dep qysqa qayyrdy mәjilis deputaty Irina Smirnova.

Degenmen Bekbolat Tileuhandy qoldaghan әriptesterining sany artyp, zang jobasy maqúldanyp ketti.

Al óner adamdary múnday janalyqty alghash estigende sener senbesterin bilmey qalghan. STAN.KZ tilshisi әnshilerding birnesheuine habarlasyp jana zangha qatysty oilaryn bilgen edi.

«Búnday boluy mýmkin emes. Biz onda Reseylik taghy basqa elding arnalary arqyly shyghatyn shygharmyz. Mysaly, zangha baghynsaq mening beyne bayandarymnyng barlyghy onda efirden shettetiledi. Ol degeniniz qyruar qarjygha týsirilgen. Sonda ony búdan bylay ýiimde ózim ghana kóremin be?Jaqynda bәrimizdi din jolyna týsuge mindetteytin shyghar»,-dep ashulandy Maqpal Isabekova.

Ánshi ýnemi jeli arqyly jartylay jalanash suretterin salyp, elding synyna qalyp jýretini jasyryn emes. Ony qoldaytyndar da tabyldy. Luina, Dilinaz Ahmadiyeva syndy әnshiler búl zang jobasyna mýlde qarsy bolyp shyqty. Tipti qarsylyqtaryn bildiru maqsatynda ministrge hat jazugha dayyn ekendikterin eskertti.

Esesine jaqynda ghan ózine jabyq kiyinuge kenes bergenderge eshqashan oramal taqpaytynyn aitqan Bayan Esentaeva, qyzdaryn jana zang ayasynda kiyindiruge әzir eken.

«Barshagha ortaq talap,ortaq tәrtip bolsa nege baghynbasqa. Mening qyzdarym tek qana ashyq kiyinbeydi. Olay aitugha eshkimning de dәti barmaytyn shyghar. Sebebi, olardyng qorjynyndaghy әuenderge say neshe týrli úzyn, jabyq әdemi kóilekteri baryn júrt klipterinen kórip jýr. Sondyqtan sahnada әdemi kórinuding jabyq ýlgisi sәnge ainalady degen sóz. Senimdi sәnger Aida Kәumenova barda esh alandamaymyn»,-dedi produser Bayan Esentaeva.

Prduser ózine qatysty jauap beruden bas tartty.

Al әnshi Altynay Jorabaeva jana zandy estigende quanyp ketkenin jasyra almady.

«Men maqtanghanym emes, әriyne barlyq dýnie ózim ýshin songhy 5 jylda namaz oqyp jýrmin. Birneshe ret sahnagha úzyn kiyip, shashymdy da jauyp shyqqan edim. Kópshilik múnymdy aitarlyqtay qúptaghan joq. «Sahnagha jaqynda hidjap kiyip shyghatyn shygharsyz» dep jynyma tiyetin súraq qoyatyndar kóbeyip ketti. Sosyn, sózdi kóbeytpey  jabyq әri qarapayymdau kiyinuge tyrysyp jýrdim. Rasymen de óner adamdary ózgege ýlgi bola bilui kerek. Halyq meni jartylay jalanash shyqpady dep tyndamay qoyghan joq. Men olay shyqpaghanmyn búdan bylay da shyqpaymyn. Sondyqtan men búl zandy jaqsy qabyldaymyn, kedergisi bolady dep esh qoryqpaymyn»,-deydi әnshi Altynay Jorabaeva.

Al zan  Mamyr aiynyng birinen bastap iske qosylmaqshy. Oghan deyin búqaralyq aqparat qúraldary arqyly nasihattalatyn bolady. Sonday-aq, muzykalyq arnalardaghy beynebayandar arnayy zangerlerding núsqauy boyynsha iriktelinedi. Mamyr aiynan bastap zangha baghynbaghan óner adamdary 1000 AEK aiyppúl salu bastalady.

Abai.kz