Senbi, 23 Qantar 2021
Kәsip-týbi nәsip 3835 0 pikir 31 Qazan, 2016 saghat 17:23

Alghashqy 5 memleket Astanadaghy EKSPO aumaghyndaghy paviliondargha ie boldy

 

«Astana EKSPO-2017» últtyq kompaniyasynyng basqarma tóraghasy Ahmetjan Esimov dýisenbi kýni halyqaralyq kórmege qatysushy 5 memleketke, atap aitqanda Qytay, Fransiya, Germaniya, Vengriya jәne Týrkiyagha alghashqy paviliondardy tapsyrdy. Búl turaly Vlasti sayty habarlaydy.

«Biz ýshin, bizding últtyq kompaniya ýshin erekshe kýn bolyp otyr. Sebebi, halyqaralyq paviliondar, 1374 oryngha arnalghan EKSPO-qalashyq, EKSPO-kense, ishki ister bólimining ghimaraty jәne Energiyany zertteu ortalyghy sekildi kórmening bes negizgi nysanynyng qúrylysy ayaqtaldy. Atalghan ghimarattardyng jalpy aumaghy 482 myng sharshy metrdi qúraydy», - dep mәlimdedi Esimov paviliondardy tapsyrudyng saltanatty sharasy barysynda.

Býgingi kýn «mazmúndyq tolyqtyrudyng  belsendi kezenining bastaluyn» bildiretindigimen manyzdy dep atap ótti Esimov.

«Kórmening ashyluyna 222 kýn qalghanda biz paviliondar men túrghyn ýilerdi tapsyrudy bastadyq. Búl uaqyt paviliondarymyzdy sapaly týrde toltyru ýshin jetkilikti bolady dep oilaymyn. Ekijaqty baylanysty qamtamasyz etu ýshin arnayy tehnikalyq buro ashyldy, sonymen qatar akkreditasiyalyq ortalyq júmysyn bastaydy», - dep habarlady últtyq kompaniya basshysy.

«Ózderiniz kórip otyrghanday, biz sizderge zang kenesterinen bastap ózgedey úiymdastyru mәselelerine deyin qamtityn kórmege  qatysushylargha arnalghan jan-jaqty kómek kórsetuge әzirmiz», - dep sózin jalghastyrdy ol.

Esimov EKSPO jobasynyng kýrdeli daghdarys uaqytynda jýzege asyrylyp jatqanyn eske salyp ketti. Alayda «memleket basshysynyng tolyqqandy qoldauymen» ol «daghdarysqa qarsy eng shynayy baghdarlamalardyng birine» ainaldy. Kórme qúrylysy men dayyndyghyna Qazaqstannyng barlyq derlik aimaghyndaghy 300-den astam otandyq kәsiporyn júmyldyrylghan.

«Osylaysha joba 50 mynday júmys ornyn qúryp, saqtap qalugha mýmkindik berdi. Tek osy qúrylys alanynyng ózinde ghana 14 myng adam júmyspen qamtylghan», - dedi ol.

Kompaniya basshysynyng sózine qaraghanda, búdan bólek nysandar qúrylysy kezinde jergilikti kompaniyalar 492 mlrd tengeni qúraytyn somagha júmys atqaryp, qyzmet kórsetken.

«Sfera» últtyq paviliony, kongress-holl jәne qonaq ýy sekildi kórmening ózge nysandary boyynsha da júmys kestege sәikes jýrgizilip otyr. Kelesi jyly qoghamdyq oryndardy әzirleudi, aumaqty abattandyrudy úiymdastyru josparlanuda», - dedi kompaniya tóraghasy.

Kompaniya ókilderining aituynsha, Vengriya pavilionynyng aumaghy 411,9 sharshy metrdi qúraydy. Úiymdastyrushylardyng sózine qaraghanda, «Bolashaq energiyasy bizdi biriktiredi» degen pavilion taqyryby eldegi energiyanyng qoljetimdi kózderining geografiyalyq jәne ekonomikalyq erekshelikterine negizdelgen. Pavilion su, kýn jәne jel eli bolyp tabylatyn Vengriyanyng sipatyn asha týsip, elektr jәne qalalyq josparlau salasyndaghy eng songhy qúrylghylardy kórsetedi. Sonymen qatar 2017 jyldyng 20 tamyzy kórme ayasyndaghy Vengriyanyng últtyq kýni bolyp anyqtaldy.

Germaniya pavilionynyng aumaghy 1249,5 sharshy metrdi qúraydy jәne «Energiyagha bastar jolda» dep atalady. Fransiya 1069,1 sharshy metrden túratyn paviliongha ie bolyp, ony «Jasyl damugha arnalghan energetikalyq búrylys» dep atady. Jasyl energetika salasyndaghy óz júmystaryn Fransiya bolashaq qalasy, janghyrtylatyn energiya jәne ekologiyalyq kólik týrleri atty ýsh taqyryp ayasynda úsynady. Qytay 1000 sharshy metrdi qúraytyn paviliondy aldy. «Jasyl Jibek joly» atty búl nysannyng ereksheligi QHR-ding Jibek jolynyng boyyndaghy jәne býkil әlemdegi memlekettermen energetikalyq seriktestigining jana oiyn ashyp kórsetetin bolashaq energiyasynyng arman teatry bolmaq.

Abai.kz

0 pikir