OQO-da budjettik mekemeler men kópqabatty túrghyn ýiler jylu mausymyna dayyn. Búl turaly býgin 2016-2017 jyldardaghy jylu beru mausymyna dayyndyq barysy turaly OQO Aymaqtyq kommunikasiyalar qyzmetinde ótken baspasóz mәslihatynda oblystyq energetika, túrghyn ýi-kommunaldy sharuashylyq basqarmasynyng basshysy Marghúlan Marayym habarlady. Sonday-aq, baspasóz jiynyna atalghan basqarmanyng bólim basshysy Batyrsha Mahanov pen Shymkent qalalyq TÝKSh bólimining basshysy Talghat Qasymbekov qatysty.

Basqarma basshysynyng mәlimdeuinshe, OQO-da 13 qazan kýni aua-rayynyng kýrt tómendeuine baylanysty oblystyq әkimdikte selektorlyq mәjilis ótkizilip, budjettik mekemelerge jylu beruge naqty tapsyrmalar berilgen. Nәtiyjesinde, býgin, yaghni, 14 qazannan bastap bilim, densaulyq saqtau jәne әleumettik salalardaghy budjettik mekemelerge jylu berile bastady.

«Shymkent qalasy boyynsha «3-Energoortalyq» AQ-mynda 74 MVt elektr quatyn óndirude. Jylu qúbyrlaryna su toltyryla bastady. Stansiya jylu beruge dayyn. Qaladaghy qalghan jylu qúbyrlarynyng jóndeu júmystary 20.10.2016j. deyin tolyq ayaqtalady. Jalpy jylu beru mausymyna dayyndyq barysy bekitilgen kestege sәikes atqaryluda», - dedi M.Marayym.

Baspasóz jiynynda spiykerler býgingi jaghday boyynsha, oblysta 1510 bilim, 951 densaulyq saqtau, 811 әleumettik budjettik mekemeleri mausymgha tolyq dayyndalghanyn jәne qajetti 170,2 myng tonna qatty otyn, 9,2 mln. litr súiyq otynmen qamtamasyz etilgenin habarlady.

«Oblystaghy ortalyqtandyrylghan jylumen qamtamasyz etiletin 2278 kópqabatty túrghyn ýilerden dayyndalghany 2242 (98%). Qalghan tek Shymkent qalasyndaghy 36 ýy 15 qazangha tolyq dayyndalady», - dedi T.Qasymbekov.

Abay aqparat